زهبة العروس الإماراتيه قديما ..

**اليتيمة** · 2006-12-13, 18:12

زهبه العرووس الإماراتية

قريت هالموضوع في إحدى المنتديات وعجبني كثيييير بصراحة .. وتذكرت زمان أول كيف كانت زهبة العروس بسيطة ومايبالها شيء ..رغم موجة الازياء الغربيه وعبث اليد الاجنبيه باصاله الملابس العربيه وجمالها إلا أن الحرمة الإماراتيه والخليجية محافظة على ملابسها الأصيلة ومن أبرزها العباءه والشيلة ..

بنبدا باول شي::::::

عندكم السويعيه ::: هذي الله يسلمكم عباه بو راس هي مب شروه الحين

يعني تقريبا فيها من البشت تكون مطرزه وحركات متعوب عليهاوهذي العروس الي تلبسها مب المعازيم

اما زهبة العروس تتكون من :::

اول شي::
العطورات::: (العود....المسك..العنبر...) ويبونها من الهند وعندكم الحنا والصندل والزعفران والزباد والبخور و خلطات سريه من الدخون

ثاني شي ثياب تقليديه مزينه ومطرزه من الحرير او اي شي ..

في عندكم الذهب اهم شي ويتكون من::

الطاسه:: الي يحطونها فوق الراس

و الشغاب:: شويسمونه هيه يحطونه في الاذن يعني حلق خخخ

الحيوول ::هذي الله يسلمكم الاساور يحطونها باليد

الكف::اسواره يطلع منها سلاسل وطحونها داخل اصابعكم

المرتعشه:: امممم هذا عقد >>>حلوه ..يطلع منه سلاسل من ذهب ويحطونه في الرقبه

وتوضع زهبه العروس في غرفه مخصصه قبل الزفاف في صندوق خشبي منحوت بنقوش يسمونه (المندوس)

وفي عندي سر خطير سر بياض العرووس ليله عرسها اخبركم ولا لا

انزين بخبركم كسرتو خاطري >>اونه

زين سمعو

تخلطون النيل الازرق المطحون والورس وماي الورد وتفركون الويه والجسم

وتتركونه طول الليل والنهار من يومين الى اسبوع وتغسلونه في الصبح بالماي بس وتعيدونها الحركه مره ثانيه....

وممكن ساعه فقط ويغسل يفضل بصابون لايف بوي لانه الوحيد يزيله دون ترك اثر

ولافضل النتائج يخلط النيل المطحون مع الزبادي كل يوم الي ان تصبح البشره بيضاء ومشرقة

ووووووووووبس... طبعا الموضوع منقول..

بس حبيت أعرف شو هو النيل الأزرق؟؟ (فااااالحة تكتب مواضيع ولاتدرين عنها شيء :22 (4): ))

بس شو هوالنيل الأزرق .. نروح نهر النيل؟؟!! ههههههههههههههههه فديتني دمي خفيف ..

تحياتي لكم .. اليتيمة ..:22 (12):

المزيد من آخر المواضيع من نفس القسم:

**موضاني** · 2006-12-20, 15:11

النيل يستخدم عدنا لما الحرمه تربي تحطه للياهل
وايد زين اذكر اختي بنتها كملت سنه وشعرها ما كان متساوي وحلقتها وكل يوم تحط لها نيل على راسها وما شاء اله الحين بنت اختي صف رابع ما شاء الله شعرها كثيف وغليظ وطويل
ينباع عند الطحان او العطاار عرفتي

**ام ظبيه القبيسي** · 2006-12-20, 17:14

صدق كلامج انا عموتي قالتلي
وكانت العروس ويودنها عند ريلها اول ما يصيح الديج الصبح
اقول الله يرحم ايام اول والله

**اليتيمة** · 2006-12-21, 12:26

مشكوريين خواتي ع المرور .. 44 وحدة مرت ع الموضوع وإثنين بس ردوا علي ..

ووووووينج يامشرفة النادي الثراتي * بنت بلال* .. إن شاء الله الموضوع عجبكم بس..

موضاني هيه عرفته ... مشكوووووووووورة ويزاج الله خيييييييييييييييييييييييييييير.

**susu** · 2006-12-21, 13:02

حبيبتي ...حلو موضوعك وانا معرسه من سنتين ... يوم عرست أمايه حطتلي النيل والورس وحتى خواتي (أنا ماطعت اخليه أسبوع - خليته يوم أو يومين ما أذكر).........تسلمين على الموضوع

**MS ELEGANCE** · 2006-12-22, 09:42

تسلمين الغاليه

زمانهم غير زمانا

ربي يوفقج الغلا

**tammi** · 2006-12-22, 14:26

الله يرحم زمان اول

اذكر عرس اختي الكبيره.. نفس الشي لا وكان العرس اسبوع لكن بعده كان بسيط ووناسه اكثر
ما كانت هاي التعقيدات مالت الحين!!

مشكوره اختي على الموضوع الحلو

**اليتيمة** · 2006-12-24, 13:21

تسلمون خواتي ع المرور .. يعطيكن العافية ع الردود الحلوه ..

هيه والله زمان أول عرسهم بسيط وبأقل التكاليف .. (( عشان جي ماكان في عنوسه

))

**شموخ 2007** · 2007-01-18, 23:17

يا حاااااافظ على اعراس الاولييييين ...
ويا حااااااااافظ على عروس اول...

**قماري 14** · 2007-01-20, 16:31

موضوع روعه تسلمين إختي

**Mountain** · 2007-01-20, 17:09

الله يرحم هالايام الحلوه والبسيطة "الا ليت الشباب يعود يوما ... لاخبره بما فعل المشيب"

**رعبوبة العين** · 2007-01-20, 21:35

هههههههههههههههههههههههههههههه ظحكتيني يا اليتيمه >> والله انج حركاات

أممممم انا عرف النيل االازرق أممم المشكله ماعندي له صووره سمعي انا عن نفسي استخدمه
واايد فنان وواايد حلو >مانسير النيل ونيبه من مصر ههههههههه لا لا سيري العطار قوليله اريد النيل والورس وخليه هو يطحنه لج >> والنيل لونه اخضر مزرق عرفتي كييف ؟؟؟
أممممم ماادري إذا لقيت وقت ان شااء الله بصور لج النيل وبحطه لكم
اممممم >>ومشكوووره حبوبه ع الموضوع الحلو

أختج رعبوبة العين ^ـــــــــــــــــــــــ^

**إمارات** · 2007-01-21, 01:38

ماشالله موضوع حلو وبالفعل أيام أول كان كل شي أحلى ما عدا التكنولوجيا بس والله أيامهم كانت خير وبركة

**منى الحمادي** · 2007-02-05, 09:53

موضوع رائع
يعطيج العافية اختي الغالية

**صاحبة الذوق** · 2007-02-18, 20:43

مشكوره اختي ما قصرتي

الموضوع: زهبة العروس الإماراتيه قديما ..

أدوات الموضوع

عرض

زهبة العروس الإماراتيه قديما ..

المزيد من آخر المواضيع من نفس القسم:

المواضيع المتشابهه

العروس قديما

ملف زهبة العروس ؟؟

لي بقى من زهبة العروس .. من سبق لبق :)

زهبة العروس

زهبة العروس