بدون لقب !!

[السيده نفافه]

انا سمعت في الاذاعه انه بيفتحون المجال لتسجيل الالقاب والواحد يسير وياخذ شاهدين والاوراق الثبوتيه بس انت اتاكدي من ها الموضوع ما كنت مركزه وايد مع المذيع.......وبالتوفيق

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[رمااال]

الله يوفقج اختي ... استخيري

[أم شمسان]

يسوا عليج والله ياختي واايد اعرف ناس جيه والحين معرسين وعندهم عيال بعد شو المشكله تقدرين تتفاهمين وياه عقب العرس انه يسجل لقب بالجنسيه مب واايد صعبه اما على كلامج عادي يتحسبها اهانه او شوي او مب حلوه تشرطين عليهم هالشرط

[اميرة السيدات]

أختي الغالية اللحين اللقب مهم تشوفينه يعني
أنا أحسه شئ تافهه
يعني محتارة ع لقب عيني من الله خير الغالية و توكلي
وودري عنج هالخرابيط

[ضي عيني]

المهم اخلاقه ودينه
والله ييووفقج

[بنت فلانه]

انا ما هتميت باللقب الا لشي واحد ووضحته في الموضوع .. المستقبل والعيال وانتو شايفين الحين ما شالله كل واحد ويفتخر باهله وقبيلته ,, صحيح هالشي مكروه وعارفه وفاهمه ,, بس اخافهم يتعقدون .. وبعدين ماعتقد تفكيري هذا فيه شي وكل وحده لها رايها ,, والاختلاف في الراي لا يفسد للود قضيه .. شكرا لانكم نبهتوني انه هالشي ممكن يمس بكرامة الانسان .. حتى لو ما وافقت عليه اخر شي بس بعد احس حرام بينجرح لو طلبت هالشي..
بس الافكار توديني وتيبني ,, وبعدني انا متردده ماقلت اني ارتحت من الاستخاره بس اللي قلته اني شفت الامور ماشيه بس قلبي مقبوض من هالناحية ..
امي خبرتني شو راي ابويه.. وسبحان الله رايه مثل راي وحده من الخوات .. قال يمكن يكون عنده لقب في الجواز ويطلع خايس ويمكن يكون مايعرف اصله وفصله ويطلع احسن القوم .. ماعرف شو اسوي !! هل هالتردد طبيعي ؟؟ والا انا مكبره الموضوع !!

[كيمو }..]

يـا إخـتـي مـا فـيـهـا شـي ...

لــو فـيـه عـيـب غـيـر هـالـسـبـب اللـي ذكـرتـيـه أرفـضـي

لـكـن غـيـر جـي سمحيلي أقولج عـذرج غـيـر مـقـنـع أبـداً ..

اسـخـيـري رب الـعـالـمـيـن والله المـوفق ..

[غُـوآنـيْ *~]

الغاليه شيلي من راسج هالتفكير
وهالشي مش مهم ،، دامه انسان خير ودين ويخاف ربه ,,

موب حلوه صراحه في حقه
لو عرف انج ترددتي عسب اللقب ،، بيزعل وايد ..

أهم شي الدين والاخلاق ..
واللقب كلمة على ورق ،، لا تجدم هالكلمه ولا تأخر شي ..

دامج مرتاحه له توكلي على ربج
وربي ايسر امورج

[غُـوآنـيْ *~]

ماعرف شو اسوي !! هل هالتردد طبيعي ؟؟ والا انا مكبره الموضوع !!

مكبره الموضوع ..
وعلى فكره هذا شعور كل وحده يوم تنخطب ..
اتحسين نفسج اتنبشين عن عيوب الانسان اللي خاطبنج ،، حتى لو كنتي مرتاحه ^_^

[قنيصة شوا&ـين]

مدام الناس إلي عندهم يعرفووا انهم ما عندهم لقبــ خلاص اتوكلي,,,
وتعرفي مثلاا لو قبيلتج المنصوري تقدري تتحولي للمهيري مثلااا ..
التحويل سهل فاكيد يسمولهم قبيلة معينه سهل بعدد ....
لو سمحتي بغيت أسأل سؤال كيف ابوهم ما مسجللهم لقب ،، عيل عموتهم نفس الششي ؟؟؟
,,,,,,,,,,,,
وفي الأخير توكليــ
شوو تتري واحد صايع ضايع هب ملتزم ولا شيي ,,,
,,,
بتوفيق حبوبة ^^

[بنت الهوامير]

عانس!!!
أحين انتي عمرج 24 سنه وعانس !!!!!!!!

امممم اختيه عرست وعمرها 23 سنه وانشوفها اصغيره ع العرس

تعالي في فريجنا وبتكونين مب عانس لانه عندنا بنات بيوصلن الثلاثين وماعرسن وبصراحه يالين احين ما انسميهن عانس

خخخخخ يعني انا عانس >> طبي حلجج

المهم حبي موضوووعج وايد سهل

وافقي وعن هالشروط واتقولين لازم طلب انه يحط اسم الجبيله

احينه انتو ماعرفتو اصلهم ؟؟ عيل خلاص ان حد سأل عيالج ان شاءالله يقولوون اسم الجبيله الي عرفوكم اياهااا هم
ودام انهم عرب وبدوووو مافي داعي لإسم الجبيله

وانتو عرفتوو اصلهم فماله اي داعي انج ترفضينه

وافقي ^___^

[ عسى ان تكرهو شيئا وهو خيرا لكم ]

وان شاءالله راح تووفقين في عرسج وبتيبين عيال وبتقولين لريلج اباك بدون اي جبيله ولا هم يحزنووون

[rozee]

اللقب مايزيد الأنسان فخر يا ما ألقاب وعوايل ويعاملون حريمهم مب زين وياما بدون ألقاب وحريمهم مرتاحات واللقب بثلاثين درهم شاهدين وينتهي الموضوع غلوم استوى غانم بعد اللقب أسهل منه مافيه لاتعقدين الأمور وتوكلي على الله

[بنتكم الصغيرة]

خلي امج تسأل الحريم بأسلوب حلو وبطريقة غير مباشرة

عن اللقب

ويعني تسأل ما بتعدلون هالشي !!

يعني بهالاسلوب الي مب واضح

واكيد هم بيفهمون وبيخبرونها

[حزن قلبي]

دام ان ابوج و امج ارتاحوا لهم ما في داعي تكبري الموضوع و تسوي مقارنات و حساسيات بين اللي بياخذج و بين رياييل خواتج. و دام انهم بدو خلاص وافقي.
انا ما انكر ان كل ما ياني واحد قبل ريلي نسأل عن النسب و القبيلة و كان وايد مهم بالنسبة لنا بس ما كنا نرفضهم لهسبب ، و الحمدلله خذت واحد من قبيلتي و هذه قسمة و نصيب .

[الأميرة الحائرة]

هلا الغالية

دام انه ولد عرب وريال زين وما يعيبه شي خلاص توكلي على الله ووافقي

ربي يوفقج ويحفظج الغالية