و لا مرة طبخت *_*

**دانة ذهبية** · 2008-07-25, 19:45

السلام عليكم

شحالكن؟

بناااااااااات ..أنا جربت أكمل 19 سنة و ماعرف أطبخ

أمي دووم تقول لي سيري اطبخي و أنا ما أطبخ ..يمكن لإني أستحي من أهلي إذا طبخت << آخر صيحات الحياء لووول

و أخويه يقول لي إنتي محد بياخذج ..ما تعرفين تسوين شي ..حتى شاي حليب ما تعرفين تسوينه عدل

و باقي شهر على بداية الجامعة و أبغي أطبخ و اسوي شي

أباكم تساعدووني ..عطوني أكلة سهلة عشان أسويها يوم الأحد على الغدا .. << الله يستر ..بتقلب المطبخ فوق و تحت

و السمووحة منكن

المزيد من آخر المواضيع من نفس القسم:

**فلة للأبد** · 2008-07-25, 22:26

سندوشات خفيفة تقدري تسويها خطوه ب خطوة تتعلميييييييين

**رحلة الحب** · 2008-07-25, 22:36

ابدي بالاشياء السهله مثلا سندويتشات والا معجنات علشان تحبين المطبخ وتتعودين على دخوله الله يوفقج وتحصلين ولد الحلال اللي مايتعبج بطلباته

**دانة ذهبية** · 2008-07-25, 23:09

فلة للأبد :

إن شاء الله

رحلة الحب:

آميييييييين هههههه
مشكورة على المرور

**دلع الغلاااا** · 2008-07-25, 23:26

جربي محاشي ..

تراها سهلة الطبخ

**حرمه يديده** · 2008-07-25, 23:42

إنزين حبيبتي ليش ما تجربين تسوين سويتات و كيك ؟؟ و الله ماشي اسهل عنه

عندج هالكيك الجاهز ماركة العلااالي .. سيري الجمعيه و بتحصلينه ... اللهم تحطين مع الخلطه زيت و ماي و بيض طبعا مع فانيليا و بيكنج باودر .. و بس
دزييييه في الفرن لين يجهز .. و يوم بيخلص اترييه يبرد و عقب زينيه بالفواكه المعلبه او الطارجه مع الكريما (( دريم ويب مع قشطه و تقدرين تحطين معاه كريم كرميل بعد بيستوي حلو )) شو رايج ؟؟

و إذا تبين تشاركين في الطبخ .. اونه يعني خخخخخخخخ .. سوي سلطااات .. اي شي . خيار + طماط + خس + ذره .. و رشي شوية ملح و اعصري عليه ليمون .. أنا احب احط في السلطات زعتر و زيت زيتون اسووود و الجبن ما استغنى عنه .. ممكن جبن كيري او الجبنه البيضا .. يطلع حلو .. شوووووووو قلتي ؟

**دانة ذهبية** · 2008-07-26, 11:48

دلع الغلا:

مشكورة على الرد

حرمة يديدة :

والله أفكارج حلوة ..و أنا بصراحة البارحة
يلست أدور في مواقع الأكل ..و قلت إني
بسوي عيش أبيض و صالونة دياي هندية
شفت الوصفة و وايد عيبتني لأنها سهلة ههههه

الموضوع: و لا مرة طبخت _

أدوات الموضوع

عرض