اثيوبي يشرد الخدم !

**اناناسة** · 2006-12-11, 10:11

سييده بدخل في الموضوع
ييبنا خدامة اثيوبية على الاساس انها مسلمة و حتى مغيرة جوازها و اسمها و بعد ما شفتها ما تعرف تصلي اعترفت انها مسيحية و ريلها المتوفي كان مسلم!
المهم قبل فترة شفتها ما تبدل ملابسها بعد ما تسبح و سرت اطلع ثيابها من الكبت عشان اراويها (ما كانت تعرف لغة) الا اشوف عندها ارقام سالتها ارقام من؟
قالت أختي!!!!!!!!!
جيكنا في الاتصالات طلع الارقام ما 2 رقم لاثيوبي مسيحي و رقمين لواحد اريتيري مسيحي
رديت قلت لها الارقام لرياييل
قالت ما يخصني جارتي اعطتني اياهم !
الحين ما باهم احرقيهم!
ق
لت شو يسوون علي ور
قة من الدفتر اللي انا معاطتنج؟؟؟؟؟؟؟؟
قالت المهم.............
اتصلت في الاثيوبي كان يتكلم عربي عدل
قلت: له ابغي خدامة
قال: من وين يايبة الرقم
قلت :من عند ربيعتي
قال: وين ساكنين؟(ان قلتي مزهر او اي منطقة مواطنين ما يسوون لج سالفة)
قلت :مردف
قال: تبغين ويزا او بدون
قلت: طبعأ بدون .بكم
قال: ب 1200 درهم شهريأ و 300 لي انا كخدمة وكل جمعة يو كامل اجازة بنشلها و بنردها ثاني يوم الصبح!
قلت: وين ايي اخذها؟
قال: انا بييبها وين ما تبون انا اندل كل دبي
و الان شو رايكم يا بنات؟؟؟؟؟؟؟؟؟؟؟؟؟
وانا ماسكة معاشها مال شهرين طبعأ امانة و مخبرة المكتب

المزيد من آخر المواضيع من نفس القسم:

**صاحبة الذوق** · 2006-12-11, 10:24

انا من رأيي انج تخبرين الجهات المختصة للقبض ع هالاثيوبي ... انتي ما تتصورين كيف هالامور تسبب مشاكل في الدولة والناس كلهم يشتكون من هروب الخدم ... والله يعينج

**اميرة بلا قصور** · 2006-12-11, 10:44

انا اقوووووووووووووول هذا من اختصاص الشرطه انت من الافضل انك تبلغين الشرطه والله عانينا من هرووب خدم واااااااااااااايد في السنوات الاخيره ويارب الدولة تلاقي حل نهائي ان شاء الله ترانا في انتظارك خبرينا شو صار

**ام مايد** · 2006-12-11, 10:50

من رائي تبلغين الشرطه .

**غبيشة** · 2006-12-11, 12:28

لا تشاورين حد على طول اطلبي خدمة الامين وهم بدورهم بيمسكونه بدون شوشرة

**صدى حنيني** · 2006-12-11, 12:32

خدمة الاميييييييييييييييييييييييين

**انوثة امرأة** · 2006-12-11, 12:41

انا شردت خدامتي الاثيوبية من فتره حسبنا الله عليها ...يعلها ما تتوفق ان شاء الله .....يمكن هذا الاثيوبي مشردنها .....بس انا مش من دبي ...اتخيل يما كملت عندي الا اسبوع ...ويوم رحت الدوام وخليتها في البيت ...رجعت وما حصلتها شارده ومخليه كل اغراضها .....يا ريت يا اختيه ...تبلغين الشرطة او خدمة الامين على هذا الاثيوبي لانه ما تتوقعين الالم والضرر اللي سببته هذي الاثيوبيه لما شردت لي ولزوجي .......اتمنى من كل وحده ما اتساعد الخدامات الشاردات من كفيلهن لانكم ما تتوقعون الخساير والضرر اللي يلحق باهل البيت .
ومشكوووورة الغاليه على الموضوع ....وان شاء الله الله يساعدج وخبرينا شوه بيصير وياج

**عيون الجاموسة** · 2006-12-11, 13:02

انا بعد خدامتي الاثيوبيه شردت !!!! وبعدين عرفنا انها سارت دبي !! واشتغلت عند لبنانيين ....لايكون هو مشردنها .......

**اناناسة** · 2006-12-11, 13:33

هههههههههههههه والله ضحكتوني حبايبي يالسين و تقولون نخبر امن او الشرطة انشاءالله بنزل لكم موضوع اخر و بخبركم شو صار مع خدامة اخت ريلي اللي شاردة مع الشرطة
حبيباتي الهوامير وراء السالفة طبعأ هذا رايي انا لان خدامتين شاردات عني و هذة بتكون الثالثة
كل اخوان ريلي في الشرطة كعميد و الرائد ماشاءالله و كمن بشكارة شاردة عنهم!
و كل ما وحدة تشرد نبلغ الشرطة يقولون مب اختصاصنا مادام انها ما سارقة او مسوية جريمة روحوا الهجرة و ادفعوا تذكرتها و كنسلوها فققققققققققققققققققققط
كأن نصرف الاف و نييبهم و بعدأ يشردون مب جريمة !
لازم يجتلوننا عشان يمسكونهم

**اناناسة** · 2006-12-12, 19:26

المشاركة الأصلية كتبت بواسطة اناناسة

والله ضحكتوني حبايبي يالسين و تقولون نخبر امن او الشرطة انشاءالله بنزل لكم موضوع اخر و بخبركم شو صار مع خدامة اخت ريلي اللي شاردة مع الشرطة
حبيباتي الهوامير وراء السالفة طبعأ هذا رايي انا لان خدامتين شاردات عني و هذة بتكون الثالثة
كل اخوان ريلي في الشرطة كعميد و الرائد ماشاءالله و كمن بشكارة شاردة عنهم!
و كل ما وحدة تشرد نبلغ الشرطة يقولون مب اختصاصنا مادام انها ما سارقة او مسوية جريمة روحوا الهجرة و ادفعوا تذكرتها و كنسلوها فققققققققققققققققققققط
كأن نصرف الاف و نييبهم و بعدأ يشردون مب جريمة !
لازم يجتلوننا عشان يمسكونهم

**اناناسة** · 2006-12-14, 07:01

في حد منكم يا بنات عندها اهل في الامن اعطيها الرقم و يفكوننا من هالاشكال؟

**جنة أمل** · 2006-12-14, 07:21

أنا بعد نفس الحالة من العصبية...

**اناناسة** · 2006-12-14, 07:36

و شو الحل حبيبتي ؟؟؟؟؟؟؟؟؟؟؟؟؟؟

**دلوعه وايد** · 2006-12-14, 16:41

انا بعد يبت خدامه اثيوبيه لعوزتني عندها وعقب 3شهور شردت

**أم فجوره** · 2006-12-14, 19:04

حسبي الله عليهم ان شاء الله ...

عطيتني حبيبتي الرقم وانا بكلم حد من الاهل يشتغلون في الهجره ...

الموضوع: اثيوبي يشرد الخدم !

أدوات الموضوع

عرض

العرض المتطور

اثيوبي يشرد الخدم !

المزيد من آخر المواضيع من نفس القسم:

المواضيع المتشابهه

كتاب طبخ اثيوبي

خايفه يشرد ميوده ايده

القبض على الاثيوبي اللي يشرد الخدم في عجمان