ابي مشورتكم

[وردهـ حمراء]

انا يابنات عمري 24 خاطبني واحد عمره 28 مطلق ونفسه نفس الاعزب ماعنده عيال وماجلس مع زوجته الا شهرين تقريباً والسبب مشاكل بينهم المهم انا قلت لصديقتي السالفه قالت لا يمكن يكون مطلق بسبب بخله او بسبب انه يستعمل مخدرات ومدري ايش ومن هالحكي المهم انا صليت استخاره ومرتاحه وصح خايفه لاني افكر بحياة جديده علي اذا جت الشوفه الشرعيه المهم صديقتي هذي ضيقة صدري بكلامها وبعدين انا لي فتره مانخطبت بسبب انو صارت لي فضيحه والكل عرف عني كل شي وجاني هذا المطلق وعمره مناسب يابنات وش رايكم اوافق او ارفض وانتظر يمكن يجيني واحد ثاني ويمكن لا مايجي احد
كل وحده تتكلم وتقول وشو رايها وبكل صراحه وصدق

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم خالد الحلو]

بيبتي الغاليه
لا تتسرعي في الامر
عليك بالاستخارة .. الاستخاااارة

واستخيري عدة مرات ... والله بيسر لج الامور اذا فيه خير لج

وأسألي أيضاً عن سبب الطلاق ما هو ... لكي تكوني في الصورة

[وردهـ حمراء]

اام خالد الحلو
تسلمين ياقلبي
والله يكتب لي الخير والصالح ولجميع بنات المسلمين
واكيد بنبحث مع اهلي سبب طلاقه واذا كان سبب مقنع بوافق واذا مو مقنع الله يعوضني خير

[LOVE DUBAI]

بسم الله ما اني اول وحده ارد عليج
اسمعي حبيبتي لا تحكمون على الريال مني والدرب اسالو عنه اول شي..وحرام تظلمونه
وفوق هذا انتي صليتي الاستخاره وارتحتي من نااحية...وبعد صلي مره ومرتين وثلاث وشوفي بس لا تحكمون على الريال بشي انتو ما شفتو بعيونكم,,وانا اشوف عمره مناااسب وما في شي..
وقولي حق صديقتج خلها تثبت لج على كلامها....تيب لج دليل انه الريال فيه عيوب...
وبعدين خبري اهلج يسالون عنه مش صديقتج
والسموحه لو طولت

[ام زايــد]

السموحه منج... صديقتج لو تبي لج الخير ... ماقالت لج هالكلام ....

جان نصحتج ..وقالت لج صلي استخاره ... وهذا قدر ونصيب الريال بالدنيا !

الحين لوهيه الي انخطبت ابصم لج ب 10 بتوافق عليه ...

الغاليه انتي صليتي استخاره وارتحتي والحمدلله .... واذا بعدج متشككه صلي مره ثانيه .. واذا ارتحتي

توكلي على رب العالمين .... الله ما يخيب ظن عبده به ...وارمي كلام الناس ورى ظهرج

اتبعي ربج تعيشين مرتاحه ... اتبعتي كلام الناس فالله يعينج لان كلام الناس ما يخلص !

وقولي لرفيقتج ولو هوه كان غلطان .. بني ادم يغلط ومافي انسان كامل ... والناس تتعلم من اغلاطها ....

كلنا نغلط ... وهيه ويانا ... واذا الريال صالح ليش تخسرينه ؟؟؟ شوفيه المطلق ؟؟؟ما بلاه شيء

كل الي فيه موجود في غيره ايضا ... بس هوه مر بتجربه زواج فاشله وغير بعد وغيرهم لا ... هاي الحياه الزوجيه..

اذا مافي تفاهم بين الزوجين ومشاكل ... طبيعي بي الطلاق ... وانتي مب صغيره والمفروض تعرفين هالامور

والسموحه

[وردهـ حمراء]

مشكوره ياقلبي ماطولتي ولاشي بالعكس كلامك حلو وماقلتي شي غلط الولد جت اخته وشافتني وقالت ان زوجته ماكانت تحترم لاكبير ولاصغير
واهلي بيسألون عنه مستحيل يرموني كذا لازم يعرفون سبب طلاقه واكيد فيه شوفه شرعيه
يعني بأشووفه ويشوفني والشوفه تحدد اذا ارتحت له او لا وهو نفس الشي
والله يكتب لي الخير والصالح وين ماكان ويرضيني فيه وبنات المسلمين

[وردهـ حمراء]

ام زايد ياحبي لك اكيد ياقلبي انا عارفه هالكلام
بس حلو ان الواحد يشاور ويأخذ اراء الناس
والله يسعدك على مرورك الحلو
وصديقتي الله يرزقها بالزوج الصالح تبي تتزوج هي

[دموع الوفا]

حبيتي اول شئ الإستخاره

وبعديين اسألون عنه جيرانهم واصدقائه وحد من معارفه ... وحاولو تعرفون سبب الطلاق

والله ييب الخير

[وردهـ حمراء]

دمووع الوفا
الله يسعدك ياقلبي ويحقق لك اللي ببالك

[غُـوآنـيْ *~]

اساءة الظن بالرجُل حرام

تحروا عنه

الله الموفق

[وردهـ حمراء]

غواني
بالعكس انا مأسات النظر بالرجال انا مرتاحه له انا نقلت لكم كلام صديقتي واعتقادها عنه
ومشكووره نورتي والله يوفق الجميع ويسعدك ياقلبي

[بنت.العوضي]

الغالية ما عليج من كــــــــلام حد وياما صديقات ضيعوا ربيعاتهم بمثل هالمواقف

انا اقولج ما خاب من استخــــــــــار .. عليج بالاستخارة مرة ومرتين وثلاث وعشر

واسالوا عن الريال وعن سبب الطـــــــــــلاق وبهالطريقة تكتمل عندج الصورة

وربي يكتب لج كل اللي فيه الخيــر

[حياة الربح]

قيل مافيه الكفايه
تحياتي

[روح الوفاء]

بيبتي الغاليه
لا تتسرعي في الامر
عليك بالاستخارة .. الاستخاااارة

واستخيري عدة مرات ... والله بيسر لج الامور اذا فيه خير لج

وأسألي أيضاً عن سبب الطلاق ما هو ... لكي تكوني في الصورة

[Wolves_grl]

انا راي من راي البناات,,,

صلي الاستخااره وان شاء الله خيير حبوووبه,,

واسالي ف المحكمه عن سبب طلاقه ترااه يعطونج معلومات طبعا مب كل شي بس سبب الطلاق وجذه ^_^

وربي يوفجج ياربي....