مشكلة اختي و زوجها و الله عقدوني من شي اسمه زواج

**الريم84** · 2008-07-20, 22:12

اختي متزوجه من 8 شهور تقريبا من واحد غريب هو كان يحبها و لما يي خطبها الكل وافق لانه اوكي
و بعد الزواج احسهم عايشين في برووووووووووووووووووووود قاتل لاهو يتكلم و لا هي معنها قبل العرس كانت ملسونه و شيطااااااااااااااااااااااااااانةو تحب تتضارب مع الكل و الحين من كثر ما هي ساكته و الله احيانا اشك انه مسوي فيها شي معنه مو باين عليه
يعني هو لما يقعد يسولف معانا و يمزح بس معاها لا
و هي نفس الشي من تبدا الاجازة و هو يسير لاهله و الله احس العيد عندها تطلع و تسولف و تتضارب و من يوصل البيت يوم السبت خلاااص هم عندهم شقة بس ما يسيرونها كلش يعني كأنهم عايشين معانا
و اذكر مرة كانو توهم معرسين هو قايل لها شي و كانت زعلانه و هي يت و خبرت امي وامي ما ردت عليهاو خبرت ابوي و ابوي الله يهديه عصب عليها و قال لها فتحتي ثمج و تتشكين ما بتلومين غير نفسج ومن يومها اختي غير ياناس ما تتكلم كاتمه على عمرها مرات نكون كلنا قاعدين سوالف و ضحك و هي يالسه معانا بس عيوووونها مليانه دموع
و انا مو وااايد معاها اختي اللي اصغر مني هي واايد قريبه منها و لما أسألها تقول انها محلفتنها ما تخبر حد
وانا احيد مره كانت تكلم اربيعتها و انا كنت واقفه عند باب حجرتها و تقول لها( محد حاس فيني احس سكوتي بيموووتني ياليتني مت و لا عرست الكل فرحان اني معرنه بس محد يدري اني ميته في جسم حيه)
و الله غمضتني وايد و دقت باب الحجرة عليها ودخلت كان تصيح و قلت لها انتي شو فيج ما ردت و سكرت عن اربيعتها و تحلفت و ما كلمتني
يا ناس ابي اعرف هي شو فيها ؟

المزيد من آخر المواضيع من نفس القسم:

**غلا_دبي** · 2008-07-20, 22:16

الغاليه شو بتسوين دام انها مابتتكلم ماعندج غير انج تدعين لها ان الله يفرج همها ويسعدها وحاولي تتقربين منها وتطلعون مع بعض تغيرون جو وان شاء الله بتتغير ^_^

**نااعمه** · 2008-07-20, 22:18

حاولي معاها قولي لها ما يصير تكتمين يمكن المشكله بسيطه بس انتي مب عارفته تحلينها نحن خوات شاركينا معاج راي واحد يمكن ما ينفع لازم تاخذ راي اكثر من شخص مب شرط ابوج وامج انتو الخوات الله يعينها ان شاء الله

**اهات الفراق** · 2008-07-20, 22:19

فديتج قعدي وياها وصارحيها قووليها انتي مب على بعضج مب رايمة اتحمل اشووفج جي وقوليلها انا بعد اختج واشووفج جي قلبي يتقطع حاولي وياها صدقيني بتخبرج قوليها اني بحاول اساعدج اذا قدرت ما بقصر وكذا شي حسسيها انج مووجوودة هالفترة احسها محتاية حد والله يعينها

**أم النامي** · 2008-07-20, 22:19

دعيلها الله يفرج همها
يا رب تفرج كربة كل مكروب

**الأصالة** · 2008-07-20, 22:23

حاولي تسالينها مره ثانيه

تمي وراها لين ما تخبرج

وساعديها

وادعيلها

**خالتي قماشة** · 2008-07-20, 22:27

متزوجة من 8 شهور يعني توها عروس يديدة

وجداااااامها وااااااااايد وقت لازم تعرف انه في بداية الزواج يصير التضارب وتصير الاختلافات خاصة تقولين انه غريب عنكم يعني هو رابي في بيئة واختج في بيئة ثانية .. يبالهم وقت لين ياخذون على بعض ويتفاهمون..كحد اقصى 5 سنين... والحياة يالغالية فيها تنازلات في بعض الاحيان عشان الحياة تستمر بين الزوجين

الكلام هذا لازم يوصل لاختج وانتي حاولي توصلينه لها بطريقتج الخاصة^.^

ولا تشيلين هم يالغالية اذا اليوم اختج شفتيها متضايقة باجر ان شاءالله بتشوفيتها مستانسة وشاقة الحلج^_^

الله يوفقهم يارب ويسعدهم ويرزقهم الذرية الصالحة اللي تملي عليهم البيت وان شاءالله وايد أشياء بتتغير للافضل

**الريم84** · 2008-07-20, 22:30

المشاركة الأصلية كتبت بواسطة غلا_دبي

الغاليه شو بتسوين دام انها مابتتكلم ماعندج غير انج تدعين لها ان الله يفرج همها ويسعدها وحاولي تتقربين منها وتطلعون مع بعض تغيرون جو وان شاء الله بتتغير ^_^

و الله اني ادعي لها بس هدوئها ذابحني

**أنثى / ..** · 2008-07-20, 22:36

الله يوفقها ويسعدها ويغير حالها للأحسن يااااا رب ..

**عمري زايد** · 2008-07-20, 23:38

الله يسهل امورهم ويسعدهم ...

**...(مريّة)...** · 2008-07-21, 00:38

لا حول ولا قوة إلا بالله ، عليج بالدعاء لها
وإن الله يصلح أحوالها ويهدي ريلها ، ما بترومين
تعرفين إذا هي ما تكلمت أو أختج الصغيرة ما
قالت لج شي . . الله يعينها مسكينة . .

**احبه موت** · 2008-07-21, 00:41

الله يفرج همها ويسعدها ادعيلها بس

**عروس جديده** · 2008-07-21, 01:28

مسكينه عندها يمكن مشاكل حاولي سيري عندها و اول شي عطيها كلام و افتحي ليها نفسها و رمسيها بحنان و أنج تبين تحسيت فيها و اساعدينها و يمكن تقولج ... الله يهديها امج ما كانت لازم تقول للوالد تحلها بنفسها ما قدرت عقب الوالد يدخل حراااااااام والله .... أحس فيها مظغوووطه و كاتمه الله يعينها

**Tuxido** · 2008-07-21, 01:35

الله يعينها ويفرج همها

**قنيصة شوا&ـين** · 2008-07-21, 01:36

ايلسي وياها وصارحيها قوليلها انا شفتج متغيره وااايد علينا ،، ما تضحكي ،،
,, خبريني إلي في خاطرج صدقيني بترتاحي ،،
وواسيها ,,
.. وادعيلها في ظهر الغيب ,,
.. والله يوفقها إن شاء الله

الموضوع: مشكلة اختي و زوجها و الله عقدوني من شي اسمه زواج

أدوات الموضوع

عرض

مشكلة اختي و زوجها و الله عقدوني من شي اسمه زواج

المزيد من آخر المواضيع من نفس القسم:

المواضيع المتشابهه

مشكلة اختي حلوها لها .. الله يبعد عنكم المشاكل

مشكلة اختي حلوها لها .. الله يبعد عنكم المشاكل

ساعدوني في مشكلة ولد اختي الله يجزاكن خير ...

ايميل اسمه زواج بحرينية