التجهيز للمستشفى

**madness** · 2008-07-20, 20:40

السلام عليكم ورحمة الله وبركاته
خواتي انا بديت اجهز للولادة من حيث أغراض البيبي و المستشفى وأغراضي
واللي كان دارج من فتره انه في المستشفى تسوين المفارش وكفر السرير وكوشنز وغيره دانتيل .. بس احس هالفكره خلاص صارت مستهلكه وااااااااااااااااااايد
ممكن اللي عنده أفكار غيييييير يفيدنا

ألف شكر لكم

المزيد من آخر المواضيع من نفس القسم:

**mariam2004** · 2008-07-20, 20:53

اختى انا بصراحه اشوفه خسر فقط.... انتي تقدرين تشكلين لنفسج من ناحيه لبس البيبي تاخذين لونه ابيض من بيبي شوب عشان اول يوم... وثاني يوم.. انا اشتريت بدله كامله بيضاء للبيي... وانا خذيت للسرير شرشف ابيض شويه فيه ورد ... قاتح... واشتريت صينيه باتشي مخصوصه للبيبي... وبس... وانا خيطت كنادير دانتيل ... خفيفه للرضاعه عده الوان... بس

**الدلووعة** · 2008-07-21, 00:30

نستفيد منكم
الكل يدوووووووووور افكاار يديدة

**عرقوبه** · 2008-07-21, 00:35

مممممم
ما اقدر افيييدج اختي
لاني من النوع اللي ما يحب هل سوالف

بس الاحسن انج تجهزيين غرفتج اللي فالبيت بيكون افضل
لانه بتميين يوم بالكثير فالمستشفى و ليش التعب

**moon soon** · 2008-07-21, 01:15

انا عن نفسي مفكره اسوي طقم فراش في خياطي يكون سمممممممبل و على لون الغرفه اللي بعدلها حقي عشان يوم اربي و الفراش بيكون من تلبيسه من لوني او اكثر بنفسجي فاتح +رمادي+ابيض,,,, و بشتري وعايين لمستشفى انشاء الله من جاشنمال كوبات العصير و الفناييل و الصياني و باخذ طقم الصحون و كوبات الشاهي يامن هوم ار اس و لا من هوم سنتر و الدلال من عند الهرمودي .. امممممممممم شو بعد هيه لبس البيبي طقم كامل من ماذركير حتى القماط يي معاه يديد البارحه شفته بس ما حصلت قياس بس برجع باخذ و انا بديت اتشرا من هالشهر عشان ما اخسر وايد مره وحده ...
اذكرت الملابس قالتلي ربيعتيه عن وحده تيي للبيت تسوي جلابيات دانتيل حلوه للمرابي يمكن اسوي عندها و انشاء الله قدرت افيدج

**غــــلا عيمــان** · 2008-07-21, 01:20

المشاركة الأصلية كتبت بواسطة moon soon

انا عن نفسي مفكره اسوي طقم فراش في خياطي يكون سمممممممبل و على لون الغرفه اللي بعدلها حقي عشان يوم اربي و الفراش بيكون من تلبيسه من لوني او اكثر بنفسجي فاتح +رمادي+ابيض,,,, و بشتري وعايين لمستشفى انشاء الله من جاشنمال كوبات العصير و الفناييل و الصياني و باخذ طقم الصحون و كوبات الشاهي يامن هوم ار اس و لا من هوم سنتر و الدلال من عند الهرمودي .. امممممممممم شو بعد هيه لبس البيبي طقم كامل من ماذركير حتى القماط يي معاه يديد البارحه شفته بس ما حصلت قياس بس برجع باخذ و انا بديت اتشرا من هالشهر عشان ما اخسر وايد مره وحده ...
اذكرت الملابس قالتلي ربيعتيه عن وحده تيي للبيت تسوي جلابيات دانتيل حلوه للمرابي يمكن اسوي عندها و انشاء الله قدرت افيدج

الغالية ممكن رقم الحرمة وهي من وين .؟؟

**moon soon** · 2008-07-21, 01:23

المشاركة الأصلية كتبت بواسطة غــــلا عيمــان

الغالية ممكن رقم الحرمة وهي من وين .؟؟

ربيعتي مسافره الحين عندها الرقم بعدني ما خذته بس اذا انتي مش من العين ماظني تييج

**moon soon** · 2008-07-21, 22:11

للرفع ,,,,,,

**راعيت zo6** · 2008-07-21, 22:24

ان مفكرة انشالله يوم اربي اني مابذر ولا أعنقش............يعني مفكرة يكون افراش المستشفى حرير أبيض ......وأحط فوقة شال على حسب جنس البيبي يعني اذا بنت وردي وأذا ولد أزرق ...........ومفكرة يكون مشل البيبي نفس الشي حريح أبيض وعلية بروش على شكل اسم الله ويكون لون على حسب جنس البيبي ........البروش يكون مخمل أو دانتيل
والخرابط الباقي مواعين وغيره بتكون على الوالدة انا مايخصني ماعرف حق هالسوالف........

**زوجه الياسي** · 2008-07-21, 22:32

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

**خواطر©** · 2008-07-29, 14:12

انا بديت اجهز..

وسويت لي جلابيات من بريتي مذر.. 5 طلعوا عليه بـ3800 درهم.. وايد حلوين وشكلت في الالوان
واليوم ان شاء الله بروح لوحده في الشارجه.. بشوف تجهيزات الولادة وان شاء الله اعتمدها واخلص

بخصوص تجهيزات البيبي.. الشهر الياي.. بسير ألقط شوي شوي

**قصايد الهاملي** · 2008-07-29, 14:17

مممممم
ما اقدر افيييدج اختي
لاني من النوع اللي ما يحب هل سوالف

انا مع الاخت غربوقه

**ام ثلاثة بس** · 2008-07-29, 14:29

الغالية اشتري للبيت احسن لنه الناس بتيج في الصاله وخلي اليديد حق ريلج من مفرش السرير لين تغيير ثيابج كللللللللللللللللللللللللها اللي في الكبت يعني اللي كنت تلبسينها وانتي حامل كلللللها اتصدقي بها للجمعية الخيرية سوي مثلي
والجين مشريه كله جلابيات يديدة في يديده شي جاهز زشي مفصل واشتريت بجامات يديده للبيت وناويه اسوي رياضة شد للجسم
اتعرفين اشتري صينية تقديم + حلاوة للضيوف +اكواب للعصير للتقديم+ طقم للكيك وصون الصغيره لتقديم الكيك
وجهزي للتوزيعات البيبي اذا للبنت او للولد

وسلامتج ان شاء الله تقومين بالسلامه

**moonDxB** · 2008-07-29, 14:54

للرفع ولنا عوده ...إن شاء الله...

الموضوع: التجهيز للمستشفى

أدوات الموضوع

عرض

العرض المتطور

التجهيز للمستشفى

المزيد من آخر المواضيع من نفس القسم:

المواضيع المتشابهه

يوومي الحلووو وجزء من التجهيز لخطوووبتي

التجهيز للبيبي

ّّ >> خطوات التجهيز للملجه !!!! <<ّّ

التجهيز للعرس