شو نوع كيمــــرتج ؟؟

**التــووح** · 2006-02-22, 16:01

مسّـــــــاكم الله بالخير ..

هذا اول موضوع لي كمشرفه :1 (33):

اتمنى من الكل المشاركه والاستفاده ويانا ..

هالموضوع عباره عن مرجع للي حابه تشتري كيمرا ..

المطلـــــــــــــــــوب من صاحبات الكيمرات :1 (8): يخبرناااا عن :-

1/ نوع الكيمرا..

2/ عرض صورة الكيمره ..

3/ سعر الكيمرا ..

4/ رايج في الكيمرا ..

ممكن هالموقع يساعدكن ..

http://www.dpreview.com/reviews/specs.asp

وخبرونا شرايكم في استعمالها؟؟ تنصحونا بها والا؟؟ .. :1 (27):

وبس.. يله اشووف شدن الهمه وبتوفيييييق ان شاء الله ..

المزيد من آخر المواضيع من نفس القسم:

**صدى حنيني** · 2006-02-22, 16:39

عندي كيمره اخوية ماخذنها وحاطنها ومحد يستعملها .. مرات ايلس العب فيها
وهي سوني اما باقي التفاصيل ماعرفها

**التــووح** · 2006-02-22, 16:53

مشكوره عالمرور صداااوي

انا كيمرتي هي
Canon S80

وااايد حبيتها لكذا سبب
الشكل, الوزن, الشااشه, 8 بكسل <- هذا من جهه
من جهه ثانيه..
فيها فل مانيوال كنترولز
ممكن احدد الالوان اللي اريدها تظهر فالصوره
ممكن ازيد لها عدسات وفلاش بواسطة الادابتر
ممكن اتحكم فيها عن طريق جهاز الكمبيوتر
فيها شورت كتس سهله وعمليه
ممكن اتحكم بالزوم اثناء التصوير بالفيديو
وبعد شوووو ؟؟ هاي اهم الاشياء اللي فيها
سعرها بالف وتسعميه وتسعيين 1990 انصحكم بها طبعا

**عالية المقـام** · 2006-02-22, 17:55

مرحبااااااااااااااااااااا ..

1/ نوع الكيمرا..

Canon

2/ عرض صورة الكيمره ..

3/ سعر الكيمرا ..

1400

4/ رايج في الكيمرا ..

رهيبه .. الصراحه وااااااااااااااايد اوكي .. [08]وعايبتني [/08]

استعمالها سهل وحلوووو .. وكل يوم أكتشف شي يديد فيها ..

[16]مشكوره الغلا ع الموضوع الحلو[/16]

**هنودة** · 2006-02-22, 19:07

هلا اختي التوح ،،، اول شي حياج الله في المنتدى ،،، ثاني شي شو معنى النك نيم مالج : التوح : ،، وثالث شي عن الكاميرا ،، كم مدة تصوير الفيديو : : وسلامتج

**التــووح** · 2006-02-22, 23:16

الله يحيييج

معنى التووح يعني البنت الحلوه.. اللي اتوح "تعق من حلاتها" خخخخخخخ

وعن الكيمره يا طويلة العمر يعتمد على سعة الميموري اللي عندج.. مثلا 1 جيجا بايت ممكن تصورين فيه كذا فيديو عود وجيييي

شكرا عمروورج.. واي سؤال انا حاااضره

**وردة القمر** · 2006-02-23, 00:35

السلام عليكم

أنا كاميرتي نيكون D50

السعر: 3600

الكاميرا روووعة وانا أحبها وااايد واقدر ابدل العدسات وهي 6 مليون بكسل. بس يبالها شوية صبر عشان تتعلمين كل الاشياء اللي فيها

***أم اسمـــا*** · 2006-02-23, 00:46

هلا التــووح.. بقولج عن كيمرة بو اسما.ز لين اشتريلي وحده

1/ نوع الكيمرا..
Canon EOS 20D SLR

2/ عرض صورة الكيمره ..

3/ سعر الكيمرا ..
6 آلاف وخرده

4/ رايج في الكيمرا ..
حلوة وايد.. صورها وايد واضحة..8 ميغا بيكسل فيها وايد اختيارات الشتر سبيد فيها عالي وايد
وISO بعد امممممممم.. تقدرين تبدلين عدستها.. ثقيلة شوي

**DesigneR StylisH** · 2006-02-23, 01:01

والله موضوع حلو ... انا اتورطت وخذت كاميرة فيديو مع تصوير.. الله لا يراويكم كيف تطلع الصور ..

إن شالله يوم باخذ وحده برجع لهلموضوع ,,,

**أم ماريا** · 2006-02-25, 10:49

انا عندي الحين كانون canon ixus 30
3 ميغابيكسل.. مرتاحه وياها لانه تصويرها اوكي..و على قولتي ..العبره في الفكره مش في الكاميرا..

بس خااااااااطري في سوني اليديده ام 10 ميغا بيكسل

**التــووح** · 2006-02-26, 02:04

بعد الكانون شو تبين بالسوني الله يهدييج..
انزين شو مميزاتها؟ حطيها لنا .. وتسلميين عالمشاركه يالغاليه

**miss oops** · 2006-02-26, 22:32

انا عن نفسي الدجتال مالتي نوعها canon حلوة وايد واستعملها خفيف وحلو .... وحجمها صغير ومرتااحة عليها
5.0 mega pixels

وهاي مميزاتها

**طيبة** · 2006-08-06, 01:36

أنا كيمرتيCanon )ixus750
7.1 ميغا بكسل
سعرها: 1300 تقريباً
لين ألحين أنا مرتاحة وياها بس أبا أتعلم عليها أكثر لأنها بعدها يديدة

**عطر** · 2006-08-15, 00:21

حلو الموضوع وحبيت اشارك فيه

1/ نوع الكيمرا..
بصراحة انا عندي اكثر من كيمرا تقريبا 3 كانون - اولمبس - الثالثة نسيت اسمها غير كاميرة الفيديو باناسونيك
بس اللي اصور فيها حاليا هي Nikon Coolpix 7900

2/ عرض صورة الكيمره ..

3/ سعر الكيمرا ..

سعرها تقريبا 1900 وشوية ها قبل سنتين يوم اشتريتها .. والحين ابغي ابيعها (( دلع ))

4/ رايج في الكيمرا ..
حلوة وخفيفه عشان الطلعات والسفر لان كيمراتي الثانيات كبار نوعا ما

**ام سيف_UAE** · 2006-08-17, 23:42

كيمرتي باناسونك 6 ميجا بيكسل
وما عندي لها صورة
ما خذتنها من معرض جيتكس بـ 1500

الموضوع: شو نوع كيمــــرتج ؟؟

أدوات الموضوع

عرض