الي ما عندها شغاله

**( وديمه )** · 2006-12-09, 17:38

الي ما عندها شغاله كيف اتنظمين شغل البيت ووقتج ووقت العيال

المزيد من آخر المواضيع من نفس القسم:

**kho** · 2006-12-09, 17:46

بما اني مب متزوجه وماعندي عيال ولا شغاله فاااا ماحبييييت ادخل وبدون مارد عليييج

وخواتي في المنتدى ما بيقصرون في ردوووودهم لج

والسمووووووحه

**( وديمه )** · 2006-12-09, 17:53

يشرفني مرورج

**ام محمدي** · 2006-12-10, 18:03

الصراحه من غير خدامه صعبه وخصوصا مع العيال بس مشين حالنا

طبعا تحاولي تصحي بدري قبل العيال تنظفي الصاله والمجلس والحمامات وطبخي شي خفيف حج العيال الفطور

هواهم شي انش ما تسوين كل شي مره واحده لانش بتعبي يعني حاولي تحطي جدول على حسب نومه عيالش وصحوتهم وتستغلي الوقت وتحطي وقت حج روحش يعد مو كلها عيال وبيت

يعني انا مثلا الحمات اللي دايما نستخدمها انظفها كل يوم او على الاقل يوم ورا يوم بس اللي حج ظيوف يعني في الاسبوع مره الى مرتين اذا حصلتي وقت

صاله الطعام غالبا بعد الاكل لان لازم تتوسخ وقت الاكل عشان كذا ماله داعي قبل الاكل انظفها

**Candle** · 2006-12-10, 18:43

يااااااريت تفيدونا اكثر

**أم اليازيه** · 2006-12-11, 02:30

الحمد لله ما عندي شغاله واموري متيسره انا وبنتي وزوجي ولو بموت ما أخلي الخدامه تمسك عياليه
وبعدين الام اللي تربي عيالها مب اللي تولد وتعقهم على الخدامه ...........
مشكوره اختي على نصايحج الحلوه ........

**هتون1** · 2008-02-08, 00:46

المشاركة الأصلية كتبت بواسطة أم اليازيه

الحمد لله ما عندي شغاله واموري متيسره انا وبنتي وزوجي ولو بموت ما أخلي الخدامه تمسك عياليه
وبعدين الام اللي تربي عيالها مب اللي تولد وتعقهم على الخدامه ...........
مشكوره اختي على نصايحج الحلوه ........

صح لساااانج

**ملاك الامارات** · 2006-12-11, 09:06

والله الموضوع حلو ........بس لو كانت العايلة صغيرة بس الام وابو العيال والعيال فتقدر الام تدبر حالها يعني مثل ماقالت الاخت ام محمدي تصحين بدري وتحاولين ترتبين حالك على نظام معين
وكذلك خلي العيال يساعدونك يعني انا ولدي عمره 7سنوات اخلية يكنس غرفتة ويرتب العابة واذا هو
نشيط بعض الاحيان اخلية يكنس غرفة الاكل اعلمهم النظافة والترتيب ..................
وحتى اذا عندك عزيمة او مناسبة كبيرة تقدري تجبين الخدامات الي يشتغلو بالساعات او تستاجري
لكم يوم شغالة ........
مثلا اصحي العيال للمدرسة واكون مجهزة فطورهم وعلى مايفطروا اكون مجهزة سندويشات للمدرسة والعصاير وهم يلبسوا احاول ارتب السراير والغرفة عشان مايضل عندي الا التكنيس .....
بالنسبة لغرفتي مااخلي العيال كثير يدخلوها ولا يلعبوا فيها عشان ماتاخذ كثير مني في الترتيب
الغسيل احاول ما اراكمة يعني يوميا او كل يومين
وفي بعض الاحيان اغسل الملابس وقت تحضير الغداء..........التكنيس للغرف والصالة في الصبح الا غرفة الاكل اخليها بعد الاكل تتكنس حوالي مرتين او ثلاث مرات في اليوم
وتغسيل الحمامات كمان في الصبح المستعملة
الغداء والعشاء له وقت محدد .اثناء تحضير الاكل احاول اغسل المواعين مااخليهن يتراكمن وانظف الاكبات والفرن واحاول اكون
مع صلاة الظهر مخلصة........... بعد الغداء الدراسة للعيال واقعد معهم ادرسهم بس الشغالاة الصعبة
واذاانا تعبانة اروح ارقد واخليهم يحلوا والعصر اشوفهم
غرفة الضيوف مرة في الاسبوع احاول ارتبها حتى اذا جاني ظيوف ما اتلعوز ..........وكل مرة بعد ميروح الظيوف احاول ارتب الغرفة ............
الكوي مااخلية يتراكم اكوي في الصبح او بعد ماينامو العيال
العصر فضي نفسي شوي اقعد مع العيال وابو الشباب واكون مجهزة اي شي حلو ناكلة العصر ونشرب شاي
العشاء احاول اعجل به عشان العيال يناموا بدري شوي ............واذا عندي اي شغل اجلة لما العيال يناموا اوبعدين ابدا اكنس غرفة الاكل وانظف المطبخ وامسحة واذا في غسيل ضروري احطة في الغسالة واروح اصلي العشاء واتغسل واكمل الغسيل بعدين .................
ثم بعد ماخلص كل شي اتعدل لريلي ونحاول ننام بدري شوية ..........
بس علمي ريلش يساعدش شوية مثلا اذا عندي شغل ماخلص اخلية ينوم ولدي الصغير او يلبسة
او حتى يكنس او يغسل المواعين عشلن تخلصي بدري وتتفضينة ولازم لة مكافاة اذا ساعدك تتعدلينة وتسمري معه شوي بس ماتطولوا في السهر عشان تقوموا لصلاة الفجر..............صدقوني مش عيب الواحدة ريلها يساعدها الرسول عليه افضل الصلاة والسلام كلن يكنس ويرتب فرشة ......
بس دايما ادعي الله يعطيك القوة ويبارك في وقتك واستغلي الوقت دائما في سماع القرآن والاستماع الئ المحاضرات ..........اسمحولي على الاطالة

**monaliza** · 2008-02-09, 16:30

انااااااااااااااااااااااا اكره الخدامات واااااااااااايد وكلهم مافيهم خير مع انه عندي خدامتين بس متلعوزه وياهم اللي تعرف طباخه أي راتب ارجوكم دلوني عليها بس ما تكون اندونيسيه لانهم يسووون سحر كككككككككككككككككلهم بدون استثناء مسيحيه ولا مسلمه ولا مالها ديانه

**جرناس** · 2006-12-26, 16:16

السموووووووووووحه

**شما المحيربي** · 2006-12-26, 16:31

انا عزوبية واساعد امي في المطبخ وما عندنا خدامة
و وجبة الفطور ما انسويها في البيت
بس الغدا
لأنه الكل ييجي من الدوام
مممممممممممممممممم
وثيابنا كل اسبوع اتروح الدوبي الرخيص
قيمة الصابون و المعاش الخدامة اتروح للدوبي
الدوبي ايكلفنا 400-800 درهم في الشهر
وبما انا كبار نتقاسم المبلغ ^_____________________^
و الصالة عليه و المطبخ على اختي
وكل اسبوع في تنظيف شامل
واغلب الاوقات في العطرلات ما انكون في البيت ^_^

**rona** · 2007-01-11, 01:15

اهم حاجة انك تصحى بدرى قبل ما زوجك والولاد يصحوا وتجهزى الفطار
وبعد ما يخرجوا تبدأى بترتيب البيت كامل وبعدين تبدأى بتجهيز الغدا
وبعدين لما يرجعوا تتغدوا وترتبى مكان الاكل
وبعدين تحلوا وتقعدوا مع بعض شوية لو كان الاطفال صغارمش فى المدرسة
ولو كانوا فى المدرسة يخلصوا واجباتهم وبعدين تقعدوا شوية او يلعبوا
وبعدين ىجهزى العشا وارتاحى منالشغل شوية
لكن احيانا الوقت بيضيع وممكن حاجة تعطلك خصوصا اذا كان عندك بييبي صغير زى مش بعرف اعمل منها حاجة
لكن هانعمل اية باحاو والله يساعدنا كلنا

**missing** · 2007-01-11, 14:00

انا من شردت آخر خدامه !!!!!!!!!ويبت الثانيه اسبوع ورديتها
انصدفت نفسي عن الخدامات .........خلااااااااااااص
المهم انا موزعه الادوار يعني الصاله اللي تحت على بنتي وغرفة الالعاب على ولدي ...
وطبعا لاننا 7 اشخاص ب7 غرف نوم ، فقانونا اليديد ان كل شخص مسؤل عن غرفته...
طبعا عارفين العيال ، تنضيفهم قوم حيالله ....عاد لازم اشررررررررررراف عليهم
وعندي مطابخ 2 والله تعب بس فتكيت من وجع الفواد ...
والغسيل على بس 2كبار يغسلون بروحهم ،والكوي بعد يكون اروحهم او نودي الاوتي...
والمجالس يسدهن كل اسبوع مرة اذا ماخلوا الصغار فيهن ،والحمامات بعد كل حد وحمامه
بس انا اروحي مسؤالة عن 3 اظن بسني مافيه بعد على باقي الحمامات عاد خاصه حمامات الحين
الحمام والغرفه اللي جدامه..........وعندي مدار الفيلا باسكو ....انظفه كل اسبوع مرة ...
والله مساعدني انه الهوا يجمع الاوساخ في زوايا معينه...ههههههههه
بس صراحه بيني وبينكن ..........مرتاحه نفسيا اكثر من يوم كانت عندي شغالات ....صح وايد
تعب بدني ........بس خلونا نشتغل احسن من الجلسه الفاضيه ....ولا شو رايكن

**ذهب** · 2007-01-14, 00:30

هلا اختيه..

انا بصراحه من كم شهر ماعندي خدامه ولا افكر اييب بشكاره لين تتعدل اوضاعي..انا ماعندي غير حجره في بيت اهل ريلي..وبقولج كيف تنظمين وقتج بس انشالله بعد البنات يفيدونج..دايم قبل ماترقدين نظفي الاشياء البسيطه مثلا رتبي الحجره وهذا اللي اسويه دايما يعني دايما بعد العشا انا ارتب الحجره وانظفها واخمها..واذا فيه ثياب مب مغسوله اغسلها واخليها في السله لين باجر وباجر انشرها على الحبل..واعطر الغرفه وكل شي سواء ريلي موجود ولا في الدوام مااحب انام والحجره مبعثره..وبعد بإمكانج تروحين للمطبخ بعد ماتخلصون العشا وخلاص نظفي المطبخ واغسلي الصحون ولمي الزباله وحطيها في أكياس وباجر الصبح ارميها..وبعدين تعالي على الصاله نظفيها حتى وانتي يالسه واذا عيالج كبار ويفتهمون علميهم يساعدونج انا اشجع بنتي واحمسها ودايما اقولها بعطيج كاكاو او بوديج الألعاب اذا رتبتي ويايه..حاولي لاتتكسيلين وانشالله الله يعينج..بس لاتخلين العشا مكانه لين الصبح ولاتخلين الصحون مكانهن خلج نشيطه..بصراحه انا بعد يوم يكون زوجي موجود اقفسم وقتي يعني انا اغسل الثياب وهو ينشرهن لي او هو يكوي الثياب اللي ماكويتهم..وسلامتكم..

**@ريرى@** · 2007-02-13, 01:08

موضوع مفيد جدا بس انا عندى مشكلة وهى الكسل ومش عارفةازاى احلها

الموضوع: الي ما عندها شغاله

أدوات الموضوع

عرض

العرض المتطور

الي ما عندها شغاله

المزيد من آخر المواضيع من نفس القسم:

رد

المواضيع المتشابهه

منو عندها شغاله للتنازل

بنات راك منو عندها شغاله للتنازل

منو عندها شغاله للتنازل