`•._.•´ ~بالصـور~ تجربتيهـ مع الحنا للشعـر~ بالصـور~ `•._.•´ Bint AlDar `•._.•´

**Bint AlDar** · 2008-07-17, 22:03

السـلام عليـكم ورحمة الله وبركاتـه ،،

بسم الله الرحمن الرحيم ،،

كنت ابا احني شعري ، لاني من زمان ما حنيته

فقلت بدور عن خلطات واشياء تنحط ويا الحنا

ومن خلال بحثي في المنتدى ،،، لقيت في موضوع من مواضيع الاخت BntZayed،،

وانا من متابعين لها ما شا الله عليها ،، وهذا هو الموضوع ،

ツ】ઇ需BntZayed تبا اتحني شعرها تعالوا نفيد و نستفيد需ઇ【ツ

والصفحة الخامسه ،، كان في رد من الاخت درب الوله،،

المشاركة الأصلية كتبت بواسطة درب الوله

مرحبا اختي بنت زايد ^__^

المشاركة الأصلية كتبت بواسطة درب الوله

اسمحيلي ما اعرف خلطه تخلي الشعر لونه كستنائي.. لاني احب اللون الاحمر.. وبخبرج خلطه بالحنا رهييبه تخلي شعرج بني محمر جميل و فيه لمعه حلوه في الشمس..

بالنسبه لي شعري يوصل تحت كتفي بشوي.. فبخبرج المقادير على اساس طول شعري وانتي بعدين زيدي او نقصي..

10 ملاعق حنه

قطعه متوسطه قرمز ( وهو مثل الحصى لونه اخضر معدني ينباع عند العطار, انتي قولي له قرمز بيعطيج, انا اشتريه من العطار في السطوه)
6 ملاعق نسكافيه
عصير ليمونه
ماء للعجن

اول شي احط القرمز في كوب واحط عليه ماي عشان يطلع كل اللون اللي فيه.. وانتبهي ترى القرمز وايد يخيس المكان و اذا علق في شي ما يروح.. فانا احطه في كوب بلاستك و اصب عليه ماي كثر الكوب و ايلس اخلطه بملعقه بلاستك شوي شوي لين اشوفه ذاب او تقريبا صار لون القرمز اسود هذا يعني طلع كل اللون.. بيتشوفين لون الماي صار احمررررر من الخاطر ..

بعدين اكون حاطه الحنا و النسكافيه في طاسه عميقه واحط عليه ماي القرمز ( بس الماي لا تحطين القرمز معاه بعدين يعلق في فروه راسج و تشوفين بقعه حمره جميله في نص راسج) واعصر الليمونه .. اخلطهم عدل.. بعدين اضيف ماي دافي شوي شوي واخلط.. لين احصل على عجينه شبه سائله.. لا تخلينها ناشفه وايد لانج راح تخلينها تخمر شوي فراح تتشرب الماي وتطلع معاج ناشفه.. فخليها شبه سائله.. بعدين غطيها عدل.. اهم شي تغطينها.. انا اخليها من الليل لين الصبح والصبح احطها على راسي واغطيه على طول.. اهم شي ما ينشف على راسج لانه اذا نشف ما يعطيج اللون...

بعد هذا اغسلي شعرج وشوفي اللمعه الحلوه.. انا احطها مره او مرتين في الاسبوع والحين لون شعري بني محمر جميل وبعدني مواظبه عليها..

السموحه على الاطاله واي سؤال انا حاضره..

والسموحه..

درب الوله

،، شدني ردها ،، وقلت بجرب الخلطه

اول شي انا شعري هب اسود ،، يوم انولدت كان شعري اششششقر شرات العنقريز هههههههه بعدين استوا بني ،، > عشان جيه اهلي يقوليلي انتي بالغلط بنتنا وين يبتي الشعر الاشقر !

بس مع الايام اغمج لونه واستوا بني غاامض ،،

الحين نرجع للخلطه ،، والصور > وهذا اهم شي ،،

بسم الله ،،

10 ملاعق حنا

6 ملاعق نيسكافيه

قطعة متوسطه قرمز > انا خذته من عند الخاجه ( العين ) ،، وقوليله يكسره لج ،،

لان ايي بأحجام كبيره شوي ،، هالكيسه خذته بـ 20 بس هي وايد بصراحه وانا ما خذت الا قطع صغييره ،، انتي خذي بـ 10 دراهم او اقل حتى ،،

وهاتي قفازات وكل شي بلاستيك ،، لان القرمز يوصخ البقعه لون احمر ،،

وطبعا الليمونه

بعدين حطي في كوب البلاستيك ماي ،، وحطي القرمز وياه واخلطي لين يطلع اللون الاحمر من القرمز > القرمز مثل ما شفتوه في الصوره قبل لونه اخصر معدني جيه بس يوم يذوب يطلع لون احححمر ~

بعد جذيهـ ، صفي الماي عن القرمز يعني بس المااااي بدون القطع الصغيره ،، صفي بالمصفاه الصغيره > او المشخله <،وحطيه ع صوب ،

الحين ضيفي النسكافيه ويا الحنا في الطاسهـ ،، واخلطيهم وحطي فوقهم الماي مال القرمز ،، واعصري الليمونه عليه ،،

واعجني ،، وعقب ضيفي ماي عادي لين تستوي الخلطه شبه سائله ،

بالنسبه لي عجنتها الساعه 11 فليل ،، وتحنيت اليوم الثاني العصر لاني ترييت امايا الله يحفظها تي من بوظبي وتحنيني

> ولا تنسون تلبسون قفاز عشان ايدكم ما تستوي حمرا !

حطيته 3 ساعات ،، وغسلته ،

بصراحه وبدون مجاملات عطاني لون بني على احمر وشعري استو في لمععععه حلوووه ما شا الله ،، بس اهم اهم شي لااااااااااااااازم ما ينشف وهو في رراسج لان صدق لو نشف ما بيعطيج لون ،، وهذي استوت وياي نشف الحنا من جدام وما عطاني لون ومره ثانيه حطيته بعد والحمدلله ما نشف وعطاني لوووون حلووو ،،

وانتي تحطين الحنا هاتي طاسه ثانيه وحطي فيها ماي ،، واستخدمي الماي والحنا رباعه وحطيه ع شعرج جيه ان شا الله ما بينشف ،،

وبس !

اي اسئلة انا حاضره

المزيد من آخر المواضيع من نفس القسم:

**رحيق** · 2008-07-17, 22:27

مشكورة الغلا
بس القرمز ماله اسم ثاني ، وهو فشو يستخدم أصلاً ؟

**Bint AlDar** · 2008-07-17, 22:41

المشاركة الأصلية كتبت بواسطة رحيق

مشكورة الغلا
بس القرمز ماله اسم ثاني ، وهو فشو يستخدم أصلاً ؟

العفو ختيهـ ،،

ما اظن له اسم ثانيـ ،، انتي روحي للعطار قوليله قرمز بيعطيج ،،

يستخدم في الصبغ ،،، الاولييين كانو يصبغون به الملابس والحين يستخدمونه لصبغ الشعر مع الحنا ،،

يعطيجـ العافيهـ ع مرورج ~

**missuae3003** · 2008-07-18, 09:16

مشكوره حبيبتي .. موضوع يستحق التميز بجداره .. تسلمين حبوبه ..

**OM MUBARK** · 2008-07-18, 10:05

كشخه ماشاء الله عليج .. ^_^ موضوع حلوو
بس انا ماحب اللون الاحمر ..
الله يوفقج

**GLA$$R0SE** · 2008-07-18, 10:25

همم ابا اعرف وين لاقي القرمز هذا
اكيد له اسم ثاني؟؟

**Fafi** · 2008-07-18, 12:18

رووعه موضوعج ... ... بطبقه حق ماما .. لأنها واايد اتحب اتحني شعرهاااا

مشكورة الغاليه

**ضي عيني** · 2008-07-18, 13:07

تــــــــدرين شعريه ســــواد الليل هـــــــزرج بيصبغ عليه ؟؟؟؟

تسملين على الصور والتوووضيح ماقصرتي

**waham** · 2008-07-18, 15:38

تسلمين حبيبتي بجربها لكن كم حبه احط من القرمز وما يطيح الشعر عادي؟؟ وين القاه في بوظبي ماشي عطاريين عندنا

**hind25** · 2008-07-18, 16:27

مشكوره الغلا على الشرح الوافى وانشاله بجربه لانى وايد احب الشعر الاحمر بس فديتج هذا القرمز ما يضر الشعر ولا هو طبيعى

**Cute_Barbie** · 2008-07-18, 17:55

ماشاء الله لون القرمز في الطاسه روووووووووووعه ههههههههههه .. انتي شو لون شعرج اساسا ؟

**Bint AlDar** · 2008-07-18, 18:25

المشاركة الأصلية كتبت بواسطة missuae3003

مشكوره حبيبتي .. موضوع يستحق التميز بجداره .. تسلمين حبوبه ..

العفـو فديتج ،،

مشـكوووورهـ :$ ’

المشاركة الأصلية كتبت بواسطة OM MUBARK

كشخه ماشاء الله عليج .. ^_^ موضوع حلوو
بس انا ماحب اللون الاحمر ..
الله يوفقج

مرورج الكشخه ختيهـ :$

ويوفقج ياارب ،،

المشاركة الأصلية كتبت بواسطة GLA$$R0SE

همم ابا اعرف وين لاقي القرمز هذا
اكيد له اسم ثاني؟؟

انا كنت شراتج ما اعرف عنه شي وابا اعرف هل له اسم ثانيـ ،،
بس ما لقيت ، حتى ما كنت اعرف كيف انطقه ههههههه ، قلت حق ماماتي تقول للعطار

تسلمييين ع المرور ،

المشاركة الأصلية كتبت بواسطة Fafi

رووعه موضوعج ... ... بطبقه حق ماما .. لأنها واايد اتحب اتحني شعرهاااا

مشكورة الغاليه

الله يخليها لج ويخليج لها ان شاا الله ،،

مشكـوره ع مرورج ،،

المشاركة الأصلية كتبت بواسطة ضي عيني

تــــــــدرين شعريه ســــواد الليل هـــــــزرج بيصبغ عليه ؟؟؟؟

تسملين على الصور والتوووضيح ماقصرتي

لاااا ،، ما انصحج تسوين بشعرج شي ،، ما شا الله على شعرج

دام انه اسود جيه نصيحتي لا تصبغينه ولا تحنينه ، اعتني فيه وحافظي عليهـ ،،

انا ختيه شعرها ما شا الله اسوود ويوم شافت شعريه قالت تبا ،، ما خليتها بصراحه ،،

لان حلات الشعر يوم يكون اسود ما شا الله ،، بس شو نسوي شعري هب اسود ! ،،

مشكوره فديتج ع المرور ,,

المشاركة الأصلية كتبت بواسطة waham

تسلمين حبيبتي بجربها لكن كم حبه احط من القرمز وما يطيح الشعر عادي؟؟ وين القاه في بوظبي ماشي عطاريين عندنا

اممممم ،، بصراحه ختيه ما اعرف اماكن العطارين في بوظبيـ !

بالنسبه للقرمز انا قريت قبل لا احطه فالنت انه له فوايد بس عاد ما ادري ،،
وماضر بشعري ابدا ،، عادي يعني ،،

وتحطين قطعه متوسطه او عدة قطع صغييرهـ ، بتلاحظين انه ما بيذوب كليًا ، !
بس بيبقى شي منه ما ذاب ،،

مشكورهـ حبوبهـ ع المرور

المشاركة الأصلية كتبت بواسطة hind25

مشكوره الغلا على الشرح الوافى وانشاله بجربه لانى وايد احب الشعر الاحمر بس فديتج هذا القرمز ما يضر الشعر ولا هو طبيعى

العفو فديتج ،، بس حبيت اوضح لج ،، الخلطه هذي ما اطلع لون أحمر ،،
لا تنسين انج مخليه نسكافيه ،، يعني بيظهر شعرج بني محمر ،،

بالنسبه لتجربتي مع القرمز ،، ابدا ما ضر بشعري ،، يعني عادي هو بس يعطي لون ،،

وهو حسب معلوماتي طبيعي ،، والدليل ان الاوليين كانو يستخدمونه ،، يعني على ايام اول ماشي كيماوياتـ !

المشاركة الأصلية كتبت بواسطة Cute_Barbie

ماشاء الله لون القرمز في الطاسه روووووووووووعه ههههههههههه .. انتي شو لون شعرج اساسا ؟

هييه صح ،، ههههه احلا شي يوم تحطين القرمز في الماي ،، رووعه يطلع شكل الماي

انا لون شعريه بني غااامج ،،

مشكوره ع المرور ،،

**نسل الصقور** · 2008-07-18, 19:29

يااااي حلو لون القرمز طالع

بجــــــــربه ان شاء الله

تسلمين اختي

**جامعية** · 2008-07-19, 01:09

مشكورة الغالية و بارك الله فيج .. أنا أرتاح وايد للحنة و مول ما حب اصبغ شعري .. بسير ادور على هذا القرمز و ان شالله ألقاه

**شموخ عليا** · 2008-08-01, 03:40

المشاركة الأصلية كتبت بواسطة جامعية

مشكورة الغالية و بارك الله فيج .. أنا أرتاح وايد للحنة و مول ما حب اصبغ شعري .. بسير ادور على هذا القرمز و ان شالله ألقاه

الموضوع: `•._.•´ ~بالصـور~ تجربتيهـ مع الحنا للشعـر~ بالصـور~ `•._.•´ Bint AlDar `•._.•´

أدوات الموضوع

عرض

العرض المتطور

`•._.•´ ~بالصـور~ تجربتيهـ مع الحنا للشعـر~ بالصـور~ `•._.•´ Bint AlDar `•._.•´

المزيد من آخر المواضيع من نفس القسم:

المواضيع المتشابهه

`•._.•´ Bint AlDar `•._.•´ Ski Dubai `•._.•´ سكـي دبي `•._.•´

`•._.•´ Bint AlDar `•._.•´ The Holy Quran `•._.•´

`•._.•´ سـلة الورود `•._.•´ Bint AlDar `•._.•´

`•._.•´ HANDBAGS `•._.•´Bint AlDar`•._.•´