صلالة.....صلالة....صلالة.....صلالة

[om dana123]

هلا حبيباتي.....هلا باخواتي.....
ممكن إللي عندها خبرةوخلفية عن الطريق البري بين الإمارات إلى صلالة كم ياخذ من ساعات؟؟ وهل الطريق مريح وسالك ولا وعر وجبال اتخوف!وهل يوجد استراحات راقية في الطريق؟؟ وشو الجو الحين يستاهل الروحة ولا نتريا بعد؟

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

[بصمة عشق]

اتمنى تحصلين الاجابات على اسئلتج الغاليه
ورحله موفقه انشالله

[الماركة]

الجو اهناك روعة ما عليه كلام
بس الطريق من الامارات الين صلالة تقريبا مثل الامارات الين مكة
فيه استراحات
و في منطقة صحراويه تاخذين تقريبا من 5إلين 8 ساعات لين ما توصلين المنطقة من بعد نزوة
بس من توصلين المنطقة القريبة من صلالة تبدا ترجة الحرارة تنزل
بس من تمشين بسيارة وقريب من اليبل توصل تقريبا 22 الى 23 درجة بس كل ما ترتفعين وتركبين اليبل
والمش حلو انه خط واحد مش خطين لين ما تدخلين صلالة
رحلة موفقة يمدحونها اسنه هذا الي اعرفة لاني من 3 سنوات ما رحتلها

[ذكريات امي]

انا بعد رايحه صلاله

ربي يسلمج

سالت ربيعتي عمانيه

الرحله متعبه من الرحبه لحد صلاله 14 ساعه

استراحاتهم عاديه

والطرق وعره وتخوف شارعين روحه وييه

ليش تتعبين عمرج جيه

روحي احجزي في طيران الاتحاد او اي طيران ينزلونج سيده من الامارات لحد صلاله

وانتي متطمنه ^^

طريق البر يخوف

وهذا راي

[UAQ_LADY]

ماانصحج تسيرين بطياره ابدا ابدا ابدا,,لانه الدرب حلو ومب وعر ولايخوف,, شو اللي يخوف يعني الاهيه عمان ههه

صح الدرب طويل بس كله سيوح يعني واذا كنتو كمن سياره ولاحتى لو سياره وحده بتسولفون وبترقدون وبتوقفون اماكن وبيطوف الدرب والله احلى شي في سيرت صلاله الدرب,,جي ذكرياته اتم ومغامره بعد,, بس يعني في كمن شي لازم تسونه احتياط يعني,, اشيا عاديه مثل انكم تتاكدون انه السياره زينه والتواير تنفع حق خط طويل وهالسوالف يعني وبعد تشلون وياكم اغراض حق الدرب وفي استراحات يعني ودرب السيره حلو لانج تترين فيه شي وصدقيني حلو بس طبعا اذا ماعندج يهال لانه اليهال مافيهم صبر.. وبعد نصيحتي لج انه ترقدون في نزوى وتطلعون منها الصبح اليوم الثاني على صلاله وجيه بتوصلون صلاله العصر وطبعا احسن لانه ضباب وماينفع توصلونها فليل وبشكل عام صلاله روعه احين زين او اول 8 بعد زين,,,,

رحله موفقه الغاليه.....

[ام بدر]

انصحج روحي بطيارة ابرك

لان درب طويل ومتعب

انا ما حبيتها ابد ..

[جورجي6]

البر حلو ان كنتوا جماعات ..
واذا بروحكم انصحج اخي ارتاحوا بمسقط ليلة وبعدين كملوا ...
واهم شي لاطوفوا ولا محطة كل ماشفتوا محطة وقفوا وصبوا بترول ....

[ام الفلاني]

بالعكس الطريق حلو والحين مختصر
وخذي خارطة الطريق من مركز الجوازت حق عمان
وضنتي بس 13ساعات
ونحن من العين

بس انتبهوا في الطريج لانه شارع واحد
وفيه استراحات في الطريج بس شوي متباعدة بس مب وااايد

واحسن لكم تاخذون سندويجات واكل في السيارة وماء وعصاير لين توصلون


نحن يوم نظهر للروحة نظهر الساعة عشر من الليل ونوصل صلالة تقريبا الساعة تسع الصبح
وما نوقف إلا بس لصب البترول وحق صلاة الفير
ووإنتبهوا يوم تدخلون صلالة لانه الضباب يخلى الرؤياء شبهة معدومة وسوقوا على مهل

والله يحفظكم

[miss_ba6aa]

احس انه الطيارة احسن بصراحة وأأمن ... بس محد يعرف وين اماكن حلوة للسكن هناك ,, وان سرنا بالطيارة كيف بنتحرك من غير سيارة ..

[أحلى_راك]

أنا إخواني دايما يسيرونها
و السنه بيكون دوري بسير أول مره
و هم دايما يسيرون جماعه بالبر
الطريق صدق تعب بس و ناسه
و السياره مالج غنى عنها
حلو تروحون تستكشفون

و وووووو......شو بعد
هيه الحين روعه و الجو حلو
إذا عنج يهال إخذي معاج سويترات عشان البرد و كريمات مال البعوض

إذا تبين أرقام أماكن للسكن (فلل+شقق) بطرش لج على الخاص

و السموحه

[أم راشد2008]

عادي إن شاءالله في أماكن لتأجير السيارات .. بس شوي أسعاره مرتفعه

[جمااانتي]

الغاليه صلاله روعه الجو فيها رهيب
بس نصيحه نفس ما قالت الأخت يا تباتي ف مسقط أو نزوى كذا بتشوفي السيره أسهل
واعملي حسابك شيلي معك خفايف وشاي وقهوه وانتبهي للبترول عشان شي محطات ف الطريق ما عندهم بترول
حصلت العام الماضي مع عايله واقفين وتبهدلوا لحد ما جابولهم بترول
الطريق ما يخوف أبدا ولا فيه شي الغاليه أنا بروح 10 /8 عشان هي أحلى ف شهر 8 بوايد
رحله موفقه

[كسرتيم77]

خاطري اسير ومقررين نروح بس في داخلي ما ابغي اسير

وان رحت بروح لخاطر عيالي

بس الكل يمدح جوها روحي واتوكلي على الله

[الرقه]

هلاااااااااا اختي...
تقريبا من العين الين صلاله 10ساعات تعرفين نحن اول شي نشيك ع السيارة زين ونمسك الخط ونكون عوايل.
اما بنسبه عن الاستراحات يعني هب ذاك الزواد شي منهن يمشن حالهن ..,.. والطريق يكون شارع سيده الين صلاله واطراف الشارع تكون صحراء ..,..
بس اصدقين نحن ما نحس بطريق لان نكون كذا سياره وسوالف وضحك ويمر الخط عنا بسرعه:-)

[بنت الامارات.]

مرحبا الغاليه

في طريج اتمرون على مسقط هو اطول وفي من بوابه ثانيه وطريج اقصر واريح وتاخذون من البوابه اول ماتطلعون المخطط اليدي لطريج تقريبا خذناه ب9 ساعات