الخدامه الفلبينيه

**ام ميثاء2** · 2008-07-16, 21:49

مرحبا
شو رابكم في الخدامه الفلبينيه ؟؟شو الاحسن الي اشتغلت وعمرها فوق 35 ولا الجديده وعمرها في العشرينات

بلييييييييييييز ردوا على بسرعه

المزيد من آخر المواضيع من نفس القسم:

**NoOor UAE 212** · 2008-07-17, 01:13

الصراحه انا ما انصحج اصلا بالفلبينية كل الي يابوا فلبينيات ايقولون انهم يسون عداوات بين الأهل، يعني مثلا اتي و تقولج رمسه و سوالف من اهل البيت و تردلهم و تقول كلام عنج الهم، من غير طبعا حركاتهم لريال البيت و اذا ما قدروله ساروا برع حتى لو كانت الخدامه عيوز ريلها و القبر

**name96** · 2008-07-17, 11:34

اللي في نهايه العشرين زينه اتكون عاقل
وسوي قانون ونظاام حقهااا وبترتااحين من اول ما تي لبسيهااا ينوفرم ولاتخلينهااا تزرر بلجنز

**موووده** · 2008-07-17, 12:35

مايخص الجنسية اصلا الخادمه بالحظ

**لاليك** · 2008-07-17, 15:44

خدامتنا كانت اتقولي يوم بتيبون خدامه..

يفضل انها تكون فالثلاثينات..

لانها تكون كبيره وعاقل و توزن الامور بالعقل وتقدر الوضع..

اما الصغيره اتكون طايشه ولسانها صابقنها..وماتراعي..

يعني مثلا"
خدامتنا لو خربت شي وواجعتها امايه تسكت وتعرف انها ما نهزبت الا لانها غلطانه..

بس الصغيره لو غلطانه ما يوزلها لو حد واجعها وله حاسبها..تلاقينها ع طول زنفخت و تقعد تناحسج فالشغل..

وصدقها الاخت ترا الخدامات حظوظ..

**نوفاني** · 2008-07-17, 15:58

انا خدامتي فلبينيه وعمرها 29 ومن اول يوم لبستها حجاب وجلابيه...هيه ماعندي واحد اثنينه!!!!!!!!!

وقلتها من اول يوم عن الشغل وقلتلها بعد شو الممنوعات والخطوط الحمرا....والله انها....................

عجييييييييييبه واللكل يمدحها ويحسدوني عليها ووااااااايد تحب اليهال الحمدلله انا مامنه عليها والحين هي مسافرة لانها

خلصت سنتين وان شاءالله بترد شهر 8 ....لا ونطرش مسجات حق بعض....

**pink 7** · 2008-07-18, 23:52

اناااا مااحب الفلبينيااات ...

ان شاءالله البنااات يفيدووونج ...

**قصص** · 2008-07-18, 23:57

هن صح بالحظ

لكن كل وحده اييبها تسوي مشاكل امهات الرمسه والخراريف

يكرهن العرب انا حطيت فلبينات قالن نحنا بنتشارك في الشغل عشان نحنا هل الفلبين جذه طبعنا

عقب تمن يضاربن بروحهن عفانا الله

سفرت وحده والثانيه في الدرب

على فكره فيهن طبع خايس

صراقات

والحين ما ادري شو اييب وارمضان جارب

داير راسي والله

عقدناج سامحينا

**ريـــــــم** · 2008-07-19, 00:05

المشاركة الأصلية كتبت بواسطة موووده

مايخص الجنسية اصلا الخادمه بالحظ

صح كلامها ،، وأنا مجربة الفلبينية والأندونيسية ..

موفقة إن شاء الله ^_^

**لمن تثمر الزهور** · 2008-07-21, 12:38

الفلبينيه الكبيره أحسن وتكون من البر لأني جربت الصغيره صح نظيفه بس تحب تتكشخ وايد واتوزع ابتسامات دايما .. بس بغيت اسأل اللي عندهم خدامتين في نفس البيت هل الافضل الجمع من نفس الجنسيه او لا..شو نصيحتكم

**um_najla** · 2008-07-22, 09:46

انا اقول الخدمات حظوظ ............. وتابعوعن أول باول ... عشان مايتكاسلن
أ

**~UAE_LaDy ~** · 2008-07-22, 11:10

اختي مثل ما قالن لج البنات... الخدامة حظ... و بعد كيفية تعاملج معاها.... انا عندي وحده من 6 سنوات والثانية من 2 ما شاء الله عليهن... الشغل ما يحتاي... ومهم كان هم اوادم... عامليهم بالحسنى بيكونون لج احسن.... وعن العمر خذيها احسن متعلمة انا الثنتين جامعيات واعمارهن 28 يبتهن صغار ومب مشتغلات عند احد عسب ادربهن على كيفي...
ان شاء الله تتوفقين وتحصلين الشغالة الزينة

**الغربية** · 2008-07-22, 14:24

انا عندي 2 والحمد لله

احسن خدامات في العايله

مرتبات ونظاف وما يرمسن وايد

وشغلهن بالجدول ..

انا احب اتعامل مع الفلبينيات محترمات

اما الاندونيسيات اييبن الهم

الموضوع: الخدامه الفلبينيه

أدوات الموضوع

عرض

الخدامه الفلبينيه

المزيد من آخر المواضيع من نفس القسم:

المواضيع المتشابهه

الفلبينيه و الشورت

آخر زمن.. شو تبا الفلبينيه !!!

الفلبينيه والحجاب

ابغي أتزوج الخدامه هييه الخدامه ...........شو رايكم

الاندونيسيه ولا الفلبينيه