الي ماعندهم خدامه ...

[( وديمه )]

مرحبات بنات زايد شحالكن


:1 (26):
الي ما عندهم خدامه خبريني كيف موزعه شغل البيت
:1 (25):

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[رماسه]

كيف يالغاليه

[saasmo]

اتمنى ما اتكون عندي خدامه بس البيوت كبيره

[سجينة القلوب]

تسلمين

[( وديمه )]

صج الواحد راحته من خدمه بيته على عينه
تسلمين اختي ساسمو
ختيه رماسه قصدي كيف تادين واجبات بيتج وانتي ما عندج شغاله
البارحه سافرت خدامتي وقلت مابيب وحده ثانيه قلت بجرب الشغل في البيت

[العذوب]

حبوبة ..

في صغري مرت علينا خمس سنين بدون خدامة في البيت .. وفي هالفترة تعلمت أسوي كل شيء أمايه ما قصرت فيني .. كرفتني لين يوم الكراف ..


الحين أقول لريلي بعد العرس أول سنة ما أبا خدامة وهو ملزم يقول لازم أنا ما أباج تسوين شيء ..

خطتي إني أعتمد على الالكترونيات .. ماشاء الله اليوم كل شيء بكبسة زر ..

بآخذ غسالة طبعا .. ونشافة كهربائية .. جربتها يوم كنت في ألمانيا رهيبة في التنشيف كنج ناشرة الهدوم في الشمس..

بجيب غسالة مواعين عاد أختج أكثر شيء تكرهه غسيل المواعين ..


طبعا الهدوم بغسلهم في البيت بس الكوي في الدوبي ..

وهذا اللي فكرت فيه


ما أعرف عاد في النهاية منو بينتصر أنا وريلي ..


والسموحة

[ام حور]

اختي كيف النشافة الي تنشف على الشمس

[العذوب]

اختي كيف النشافة الي تنشف على الشمس

حبوبة في محلات LG بتلاقينها .. مثل الغسالة اللي تتعبى من قدام بس هي نشافة تنشف الثياب وما تبقي فيهن قطرة ماي و لا حتى رطوبة كنج منشفتنهن في الشمس

[فساتين عرايس]

انا معرسه من سنتين وماعندي خدامة ... وادرس فالكلية ... و عندي بزنس ...

وساكنه في شقه بروحي ... ومنظمه الشغل كله اول بأول ...

[سيدة جميرا]

والله ان الحرمه يوم تعيش بدون خدامه وتشتغل بروحها ابرك عنهن والله انهن بروحهن هم

[الربيع الصامت]

وديمه
شغل البيت يختلف على عدد افراد العايلة وطبعا اذا عندج يهال الشغل دبل
شوفي انا متزوجه صارلي 5 سنوات ومن غير خدامة لاني مغتربة وباجيلنا سنه بس وبنرد الامارات ان شاء الله ..بالنسبالنا كشعب الامارات شعب مدللل تعودنا على حياة الرفاهية يعني لو استغنيتي عن الخدامه في الاخر رح تستليمن لراي ريلج وبتيبين خدامه ..انا احس كان حلمي قبل الزوج اني اسكن في شقة واتكون عندي عايلة وانا اسوي كل شي الحين يوم تحقق الحلم ابا ارجع لحياتي القبلية ابا خدم وفلل وووووووو صارلي 5 سنين اقرف بس للحين مو قادرة اتأقلم

[زكية الذكية]

الربيع الصامت .... ههههه ذكرتيني بحلم الطفوله ... أنا كنت طوول عمري أتمنى تكون لي شقه مع ريلي ... وأشتغل فيها لريلي وعيالي برووحي ......


لكن سبحان الله .. حكمته شاءت اني أسكن مع أهله ... وطالت اليلسه لين الحين 4 سنين ..

شغلي ... الصراحه ما كان عندي شغل موووول ... غير ترتيب الحجره ... وترتيب أغراضي وأغراض ريلي ... وبس ..

كنت موزعه جدولي ..

أنش الساعه 9 الصبح ..
أتريق .. وعقب أرتب جناحي ..

من الساعه 10 لين الساعه 12 الظهر .. كنت أقرالي كتاب ..

وباجي اليوم أمارس فيه هواياتي ..



وايد فاظيه .. بس ما كنت أحب حياتي .. تعودت عالكراااف .. ولين الحين أحن على ريلي يطلعنا في شقه عشان أكرف .. ههههه

[قصايد الهاملي]

نحن من اولدنا ليومكم هذا مادخلنا خدم ف بيوتنا

مع ان بيتنا كبيييييييييييييييييييير ولكن الشغل علينا كلنا وامي ماتقصر تحب كل شيء نظيف ومرتب وماتحب شغل الخدم هو صح تعب الواحد يحتاي انه حد يساعده بس خلاص تعودنا

السموحه

[jeenan]

انا يتني فترة..سافرت خدامتي

بس فكة قعدت في البيت بروحي ...
ايي من الدوام ...

واسوي الغداء طبعا شوربة اي شي خفيف ونتغدى ونرقد..

ويوم اقوم العصر اسوي العشاء عن غداء وعشاء,,,

ولما يروح ريلي ارتب البيت.... واكوي ..

طبعا بدون عيال...

وصدقني لو ماكنت اداوم والله مااحتاج للخدامة...

وريلي ما يطيع يقول لازم خدامة...

هي تريحك يوم انت تشتغل ...

لكن انت في البيت احس مالها لازمة...

[ام عيال]

انا وحده ماعندي خدامه وعندي ست ماشالله علهيم اصغرهم عمره ست شهور صح اتعب بس مرتاحه محد غريب في بيتي يغثني وللعلم متزوجه من 18 سنه الحمدالله رب العالمين ماعندي سبب مادي يخليني ماييبها لكن انا احب الخصوصيه لو فيها تعب شوي