غيرتي دمرتني .....

[اليافعيه]

بسم الله الرحمن الرحيم
ترددت كثير اني اكتب مشكلتي بس قلت عل وعسى انه في وحده مرت بتجربتي تقدر تساعدني او على الاقل تفهمني
انا انسانه الله عطاني كل شي اي شي يخطر على بالكم عطاني
حبيت انسان لمدة سنتين وهني بدت المشكله
تقدملي واتزوجنا والحين رابع سنه زواج وعندنا اولاد مثل القمر
المشكله ان غيرتي دمرت حياتي
خلتني اكره الدنيا كلها
والله ان زوجي انسان بريء ويحاول يراضيني بكل الطرق ومتحملني بالرغم اني وايد اغلط عليه يوم اعصب وهو مظلوم بس ما اعرف احس بركان في داخلي
يوم اقرا مشاكل فلانه مع زوجها اتخيل انه زوجي واسير اسوي مشكله
بشكل يومي تقريبا
والله انكم ما تتخيلون كيف
حتى يوم اشوف اغنيه فيها بنات اتخيل انه يشوفها واتصله عشان اسمع
بالرغم انه حتى الاخبار اذا كانت مذيعه ما يحطها يجلب على طول عشان ما ازعل
اكره العالم والزمن الي انا عايشه فيه
اكره كل شي فيه
والله اكتب ودموعي تسيل
دوم افكر انه بيخوني بالرغم انه قسملي ع القرآن انه ما بيفكر مجرد التفكير بغيري وشهد الله على ذالك وهو انسان من الشغل للبيت لا طلعات ولا من هالخرابيط وتيلفونه بايدي فاي وقت اسوي حملة تفتيش
حتى وصل فيني التفكير مره سويت مشكله لانه اتصدق بفلوس وانا فكرت انه يبغي يدخل الجنه عشان يتزوج من الحور العين وسويت لهم مصيبه في البيت وامي حليلها تدخلت
ووعدني انه باذن الله انا زوجة الدنيا والاخره وسال شيخ قاله اذا كنت تحبها بتكون هي زوجتك بسسسسسس ( اذا الله رزقنا الجنه بكرمه وفضله )
بس بعد شي في داخلي يزعزعني
والله بتقولون ما عندج ثقه بنفسج
والله الكل يمدح فيني وبجمالي الصغير والكبير
وهو متخبل عليه ويبين هالشي بعيونه وبتصرفاته
المهم
الحين قمت اوسوس بكل شي
حتى بالموت
واحس انه في حد موجود فكل مكان حولي
واخاف ارقد لوحدي والله والله ارقد عند الوالده والوالد فغرفتهم من الخوف الفظيع الي فيني
وداني عند دكتوره نفسيه
زادت الطين بله
قالت لي قصص شاب راسي منها

وكرهت دنيتي اكثر
بالرغم انها يوم شافته قالت ريلج ملامح ويهه من النوع البريء وهالشي درسته فعلم النفس
طبعا انا سويت مشكله لانها حرمه وليش وداني عندها وليش يدخل يوم زقرته
ساعات اندم لاني تعبته وتعبت اهلي
انا احس اني احبه وايد وهو معاملته لي تخليني امشي بجنوني اكثر لانه يقابل اسائتي باحسان
وساعات احس انه شي يخليني اسوي هالمشاكل
اهلي وزوجي يبون يودوني لراقي يرقي عليه بس انا رافضه بشده لاني اخاف
بس والله تعبت حاولت ارجع لله ومستمره ولله الحمد بس بصراحه احس حالتي تزيد للاسوء
ما اعرف والله تعبانه وتفكيري بالموت زاد وما يفارقني وياني ارق وكرهت كل شي حتى الزيارات والطلعات والتلفونات وحتى ربعي ابتعدت عنهم بالرغم اني صغيره عمري 22
وقبل كنت وايد اجتماعيه ومرحه

فبعض المشاكل كنت اطلب منه الطلاق واصر عليه بس هو انسان عاقل يقولي تبين تفتكين مني يا تجتليني يا اجتلج
وقبل يومين سويت مشكله كبيره ع نفس الموضوع وغصصت فيه ما اعرف ليش والله والله
اتشنج وطاح من القهر ليش سويت جيه مااااااا اعرف
شو اسوي والله قلت للوالده يفروني باي مستشفى مجانين وخلاااااااااااص
السموحه طولت بس والله هاذا ولاشي من الي احس فيه امور اكثر واكثر

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام_رشووودي]

حبيبتي اتقربي لله بصلاة.... واقري قران كل ما اتحسين ان شي يالس يوسوس عليش...ويمكن اتكون عين وصابتش....وليش ما اتسرين العمرة ويا زوجش وتبدين حياة جديدة من هناك....وعسى الله يهديش ان شاء الله

[مهره العام]

قلبيه عورنيه عليج حبوبه وحليله ريلج يحاول يرضيج بأي طريقه ختيه عليج بقيام الليل وقرايه القرآن والاستغفار وان شاء الله تتيسر امورج وحطي في بالج كم الريال بستحمل..... كفايه انه يحبج ويموت فيج .... غناتيه نحن شو نبا في هاي الدنيااا غير الستر وشوفي هاي الايام الي يسوونه الرياييل في حريمهم وغير الخيانات...بس من رمستج انه ريلج غير وانه يحبج وكل شي تحت عينج.......غلايه حطي ريلج في عينج وربيه يسعدج ولا تنسين عندج عيال ربيه يخليهم لج.....
موفقه حبوبه..........وحاولي انج تسعدين ريلج مالج غيره......

[حرمه يديده]

حبيبتي .. استهدي بالله اول شي .. و ترا هذا كله من الشيطان ..

اولاً لا تنسين الرقية و دااايما حوووطي بيتج بآيات الله تحسباً لا يكون حسد و الا عين لا سمح الله ..

و بعدين .. فكري في راحت ريلج .. دووووووسي على نفسج شوي و لا تكونين انانية >> لا تزعلين مني لأني ابي مصلحتج و كلنا خوووات

حطي نفسج مكان ريلج و تخيلي هو يسوي فيج اللي انتي تسوينه .. كم بتستحملينه ؟ يوم ؟ شهر ؟ سنه ؟ و بعدين ؟؟

عزيزتي .. الحمدلله ان ريلج انساان طيب و زين معاااج و انتي بروحج قلتي انه يحاول يرضيج قد ما يقدر .. فحررررررام اللي تسوينه فيه .. و اللي باين عليج انج تحبينه مووووت .. و اللي نعرفه ان الوااحد يوم يحب حد . ما يضااايجه و لا يكدر خاطره خصوووووووصا انه ما سوى شي غلط و لا ضايج بج .

اتلااحقي عمرج حبيبتي .. ترا الواااحد يتغير و انتي ما تضمنينن ريلج لين متى بيستحملج .. ما ابي اخوووفج او ازيد من زعلج .. بالعكس ابي انبهج

خلاااااص افتحي مع نفسج صفحه يديده و اقعدي مع ريلج قعده حلوه و هاديه و قولي له انج ان شاااء الله بتتغيرين و انتي لااااااااااازم تتغيرين علشان نفسج و علشان ريلج و علاقتكم ببعض .. اطلبي منه يسامحج على كل اللي بدر منج و ها كله لأنج تحبينه و هو اكيد عارف هالشي .. و كوووني شخص ثاني .. المهم انج واااثقه منه و هو الحمدلله متفهم غيرتج بدليل انج ما ذكرتي انه متضااايج من هالموضوع و لو انه ممكن يكون متحسس منج في هالشي بس ما يخبرج علشان لا تزعلين ..

خلي الغيييييييره على صوووب .. لأنها لو زااادت تصير شك و انتي وصلتي لمرحله متطوووره منه لدرجة انج صرتي تشكين في ريلج .. و حرام عليج تسوين فيه جيه صح و الا لا ؟؟

خلاااص ألحين بتبدين حياة ثانيه .. انتي و ريلج تترتاحون فيها .. ليش تعورين راسج بالمشاكل و الغيره اللي ما لها داعي ؟؟ إذا عالمشاكل تراها ما تخلص و الريال لو يبي يسوي شي بيسويه إذا ما كان مرتاح في حياته .. فإنتي لا تفتحين له باب و تعطينه العذر انه يسوي شي ما يرضيج (( لا سمح الله )) ..

الله يخليكم لبعض ان شاااااء الله و لا يدخل امبينكم حسااااد و يحفظكم من كل شر ..

[شيخة الشارجة]

يالله

الله يعين ريلج واهلج

وربي يشفيج

يبالج رقية اختي ...يمكن اللي جاستج عين حاسدة

وبليز ابتعدي عن قراية مشاكل العضوات اللي تتعلق بالخيانه لانها بتحرضج على ريلج اكثر وبتخليج اتشكين فيه اكثر

الله يعينج ويشفيج يارب

[h99990]

وانا راي من راي ام رشوودي اتقربي من ربج اكثر وسيرو العمرة بعد

وبعد اشغلي عمرج باشياء ثانية غير ريلج يعني لا تخلين كل تفكيرج فريلج وين راح و من وين ياي وشو سو كل شي له حدود ...يعني اترومين مثلا تدرسين اذا ما كملتي دراستج او تشتغلين عسب تملين وقت فراغج وبعد مثلا اترومين اسوين ليالي رومنسية حق ريلج ورحو فنادق سافر حديدي يوم فالاسبوع تتطلعين وريلج وعيالج يعني حاولي تقيرين روتين حياتج..
والله يخليكم حق بعض

[عزة نفسي]

الله يعينج اختيه وعليج بالرقية ثم الرقية ثم الرقية وقيام الليل والاستغفار وربي يحفظج ويحفظ لج ابو عيالج

[shooq_almaha]

الله يعين ريلج واهلج

وربي يشفيج

[دم الغزال]

الله يعينج اختي

انا مع ام رشووودي رووحي العمـره وافتحي صفحة يديده معاه
وحااولي قد ماتقدرين تبتعدين عن قراية مشاكل العضوات ،،،
وحصني عمرج وبيتج بالقـرآن وتقرربي من ربـج وحاولي تشغلين عمرج فشي مفيـد لج

سؤال اختي ..
انتي كنتي قبـل الزواج يعني بفترة الخطوبه او الملجه نفس الشي ؟؟

[L0NELY]

الله يشفيج ويعين ريلج ..
لازم اتروحين عند دكتووره نفسيه غير عن اللي رحتيلها
مشكلتج نفسية الغالية

وحاولي تتقربين من الله بالصلاة والقرآن

[دلني الطريق]

فديتج والله
وايد غمتيني والله ...........الحمد لله على كل حال
حبيبتي ... غناتي
ها الي فيج وسواس قهري ...والله يعافيج منه حبيبتي
عليج بالدعااااء اختي .... دوووم ادعي الله ان يخف عنج ويعافيج من ها الوسواس
وحاولي انج تتقربيبن من الله .... واتوكلين امرج لله في كل اموررررج
لا اااتخلين الشيطان يلعب في راسج .... والحمد لله ما فيج شيء يستدعى انج اتروحين لطبيب النفساني لان بايمانج بتقدرين توصلي للراحه النفسيه والعلاج
اختي حاولي انج ما اتفارقين الاذكار اذكار الصباح والمسااااء والدعااااء
وحاولي ان اذا ياج مثل ها التفكير اتغيرينه بطريقه تفكيرج اتحاولين تذكرين اي شيء محبب وجميل عشان تقضين على ها الافكاررر السيئه الي اتراودج
اختي زوجج زين وطيب لا اتحاولين تخسرينه حاولي اتعالجين نفسج بنفسج والعلاج موجووود
وبيدج انتي كوني قويه وقادره على تخطي ها الكابوس الي انتي عايشتنه
ملاحظه اختي طبعا ما اوصيج على الصلاه الخمس وقرايه القران والدعااااء والرقيه
والله يعافيج ويكشف ضرج
امين

[هنوده دبي]

الغاليه .. لازم اتخلين حد يقرا عليج ضروري ..

والله انتي ما اتعرفين كيف العين اتصيب .. واطيح الانسان ..


يمكن حد عاطنج عين او امسوي لج شي .. وحرام اتمين جذي وانتي صغيرة حبيبتي ..

خذيها مني .. روحي عند راشد الفلاسي امطوع بدبي الكل يمدح فيه وناس ياخذونه لين ألمانيا يقرى ع المرضى .,.

[غرشوبة ال غرشوب]

حاولي انج تسعدين ريلج مالج غيره......

[غرشة عطر]

الله يعينك ويصبر ريلك عليك
عليك بالقرآن وصلاة قيام الليل والاستغفار
حاولي تكسبين ريلك ولا تخسرينه لانه نادر ما تحصلين ريال يتحمل ويحافظ على بيته

[بنت زاايد]

انتى يبالج دكتووور نفسي لانه نفسيتج وااااايد تعباااااااااااانه الله يعييينج

وريلج لاتصرفين معااه جذه لصالحج مب زين بتخسرررينه بسببج

لانه حريم متزوجات مايعاملون ريايلهم نفسج اهتمي فييه راعييه مووووول لاتضاربين وياااااه

اقري قران كل يوووم اكثري من الاستغفااااار وهدي اموووج اختى ريللج بس يبااج انتي وبسسس لاتنسين انه تزوجج عن حبب يعني هووو صدق متمسسك فيييج واااايد اختى