متلخبطه

**ساحرة العين** · 2008-07-15, 20:30

السلام عليكم ورحمة الله وبركاته

خواتي الغاليات في منتدانا الغالي... أحتاج نصحكم ومساعدتكم

أنا طالبه في الجامعه وإن شاء الله على الكورس الياي عندي تدريب فمكان عمل يعني وأنا خايفه أتدرب وأكون ما عرف شي ... مادري كيف أهيء نفسي حق مكان شغل يعني نحنا فالجامعه يعلمونا وفجأه بروح التدريب لمدة تقارب 4 شهور أبا أعرف شو لازم أسوي عشان أكون شخص مبدع في مجال تدريبي ....

الله يخليكم حد يساعدني ... حد يعطيني أفكار كيف أهيء نفسي ؟؟ كيف أقدر أكون مميزه في الشغل ومبدعه ...؟ كيف ساعدوني ... لأن أنا وايد أنسى ألي خذته خلال فتره دراستي فالجامعه وأخاف يبوني أسوي شي وأنا ما أذكره يعني مب حلوه أقولهم ماعرف شي بيقولون هاي دارستنه لازم تكون ....

عطوني أفكاركم وطريقة تعاملكم كانت في مجال التدريب أو كيف ممكن وحده تبين نفسها أنها مميزه ومبدعه في حالتي

المزيد من آخر المواضيع من نفس القسم:

**ساحرة العين** · 2008-07-15, 21:22

@@.....!!!

ما في حد يرد عليه...!!!

**ساحرة العين** · 2008-07-15, 21:38

ما في تفاعل بنااااات أريد مساعدتكم ونصايحكم ....هئ هئ

**MaRaAaM** · 2008-07-15, 22:16

mmmmmmmmmm
I am undergraduate, so I can't help u
( UP<<<<<UP )

**ساحرة العين** · 2008-07-15, 22:17

مشكوره الغاليه على المرور بس مادري ليش محد يرد !!! وينكم يا خريجات وينكم يا من تشتغلون ويحكم الساحره تناديكم

**نسيم الامارات** · 2008-07-15, 22:34

اختي التدريب احلى شي تمرين فيه .. بس انتي شة تخصصج بالضبط لانه على حسب التخصص

**ساحرة العين** · 2008-07-15, 22:57

أدري الغاليه أنه شي حلو ولكن كيف الواحد يهيء نفسه حق هالمرحله من حياته الدراسيه لان الطالب راح يطبق كل إلي درسه في حياته ....

**ساحرة العين** · 2008-07-16, 10:38

معقوله 48 زياره حق الموضوع وما في أي ردود !!! غير ست ردود !!!

**دمعة_ندم** · 2008-07-16, 10:55

بالعكس احلى شي فالتدريب انج راح تتعرفين ع ناس وااايد وبتحسين انج تعرفينهم من زمان بس اهم شي تكون عندج ارادة انج تتعلمين والله يوفقج

**Uae_Woman** · 2008-07-16, 10:56

مرحبا اختي .. اول شي مبروك التخرج .. ثاني شي يمكن محد من البنات قدر يفيدج لانج ماوضحتي طبيعة دراستج او التدريب الي بتدربينه لانه يختلف اذا في مجال التربيه عن اذا في مجال اداري ...

في كل الاحوال اول شي حطيه في بالج انتي انسانه جامعيه يعني اكيد عندج مقدرات و كفاءات عاليه ماراح تحسين فيها الا يوم تحتكين في المجال العملي ...
ثاني شي خذي سالفة التدريب انها بتكون تجربه ممتعه ومفيده وبتكون ذكرى حلوه
ثالث شي عشان تكوني مرتاحه اكثر .. من اول ماتستلمين الشغل اطلبي يفهمونج الشغل بشكل عام .. اطلبي شرح منهم لمهامج الوظيفية شو بتكون طبيعة شغلج وشو الامور المطلوب انجازها منج .. دوم بيني لهم اهتمامج عن طريق اسألتج واستفساراتج ..واذا انتي حابه تتركين بصمه طيبه عنج .. من تفهمين الشغل وتعجنينه عدل .. شوفي شو النواقص عندهم و ابدي اقتراحات يديده ... عموما يمكن اول اسبوعين ثلاث بيكونون صعبين وهذا شي طبيعي عند اي انسان .. بس عقب لا شعوريا انتي بتدخلين في جو الشغل .. و تعرفين اخر اسبوع شو بيستوي .. بتقولين لهم مابا اظهر من عندكم و ابا اتم بعد

موفقه و طمنينا عنج

**fo_fo** · 2008-07-16, 11:21

مب شرط اطبقين كل شي ..

حبيبتي انتي بتروحين تدربين حالج حال اي موظفه

يعني مب لازم اطبقين
وبعدين خلج ملتزمة يمكن ياخذونج حق الشغل عقب

الله يوفقج ..

**myDreams** · 2008-07-16, 12:12

اختـــي أهم شي ف فتــرة التدريب انــج تكونين قد المســــؤولية ،،

أول مااا توصليين مكااان تدرييبج اسئلي شو المفرووض انج تسوينه.. و خلي المسؤول عنج يفهمج الشغل المطلووب منج 100%... و اذااا عندج اسئلة لا تتردييين و اسئلييهااا عشااان تبينين انج مهتمه بشغلج....
شي ثااني حاااولي انج ما تتأخرييين موووول و انتي سايرة الدوام و لا تظهرييين قبل ما يخلص الدواااام..

حبيبتــي فترة التدريييب شي مختلف تماماً عن الدراسة الأكاااديمية... ربــي يحفظـــج...

**ساحرة العين** · 2008-07-16, 15:57

مشكورات خواتي على التواصل ..... الصراحه ودي أترك طبعا بصمه زينه عشان يطلبوني للشغل بعدين عشان جذي بغيت أسألكم وأستفيد من خبراتكم كموظفات أو متدربات قبلي

**lilyflower** · 2008-07-16, 16:30

موفقه ان شاء الله

**ساحرة العين** · 2008-07-16, 17:34

مشكوره الغاليه

الموضوع: متلخبطه

أدوات الموضوع

عرض

متلخبطه

المزيد من آخر المواضيع من نفس القسم:

المواضيع المتشابهه

أحس عمري متلخبطه

متلخبطه ساعدوني مب قادرة كيف ابتدي بالعناية

ساعدوني متلخبطه

الدوره متلخبطه شو الحل؟؟

الدوره متلخبطه عندي،، هل هذا يأثر عالحمل ؟!