دخيلكم ابا حد ينصحني

[بنت رفيعه]

اشحالكم خوااتي
الصراحه انا اول مره احط موضوع ^^

و مشكلتي هي الزوااج ^^
شوفو ...

انا اتقدملي اخو حرمة خويه .. و اخويه يعرفه عدل و يقول ان الريال ماشالله عليه راعي صلااه و زين و طيب و كريم و مرح و وظيفته زينه و بناله فيلا في بوظبي .... يعني تم يمدح الريال وايد

و انا هالشخص اعرفه من يوم كنت صغيره يعني رابيين ويا بعض من صغرنا..
و كنت اشووفه مثل اخويه العود و كنت اضحك و اسولف ويااه عادي لانه ع حسبة اخويه ..
و ابد ما حطيت فبالي انه بيتقدملي و بيطلب ايدي من اخويه ..
طبعا لكل استغرب تعرفوون ليش !!!

لاني انا 19 سنه و هو تقريبا 34 سنه يعني الفرق بيني و بينه 15 سنه !!

يعني في فرق بين التفكير و التفااهم و الاسلووب ...
بس اخوااني الكباار واايد مدحووه و قالولي الريال ماشالله عليه واايد زين و حتى ختيه العوده وااايد مدحته و تباني اواافق عليه و الريال بعد شكله صغير يعني ما يبين عليه 34سنه ...

و انا عادي عندي بس المشكله العمر يعني هو اكبر عني بوااااايد تقريبا 15 سنه !!

بس امااايه و خويه الثاني مش موافقين بس عسب العمر و يقولولي فكري عدل هذا زوااج ...

و استخرت ربي و تميت و افكر بس بعد حبيت حد ينصحني اكثر ^__^

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[روح بسمة]

حبيبتي .. كل انسان يختلف عن الثاني ..

انا اعرف وحده فرق بينها ومن بين ريلها 15 سنه وكانت اتحبه قبل .. بس الصراحه تفكيرها وييييين وتفكيره وييييين
يعني آرائهم واااااااايد تختلف عن بعض ..

وأعرف وحده ثانيه بعد .. ريلها بعد أكبر عنها ب15 سنه .. والله وربي يشهد ع كلامي ان ريلها مايرقد الا في حضنها
وماشاءلله عندهم عيال والله ماشاءلله عليهم اذا تشوفينهم اتقولين جنهم مراهقين يحبون بعض .. !!

انتي ماعليج الا بالاستخاره وان شاءلله ربنا بيسرها لج ان شاءلله .. وان شاءلله يكون خير لج .. !!!

[غــ مرحوم ـلا]

صلي استخاره انا بيني وبين ريلي 8 سنوات والحمد الله مرتااحه

[بنت رفيعه]

تسلموون خوااتي و الله ما قصرتوا ع النصيحه
الحمدلله ارتحت نفسا اشويه من ردودكم ^^

[ام مهـره !!]

إستغفر الله والحمدلله ولا إله إلا الله


امم الزواج مايقول صغير ولا كبير

دام الله كاتب لج معاه واذا لج نصيب فيه بتاخذينه لو شو ماكانت الاعتراضات والعوائق دام الله رايد لج بتاخذينه لو شو ماكانت الاسباب

وارد واقولج صلي استخاره واستشيري ربج وبتلقين الجواب بأذن الله تعالى



وعسى ربي يوفقج وايسر لج امرج









وعسى ربي ايسر امري يالله يارب يالله يارب يالله يارب يالله يارب يالله يارب ويكمل فرحتي يالله يارب ياالله ياارحم الراحمين


"

[...(مريّة)...]

استخيري حبوبة والله ايسر لج اللي فيه الخير ^_^

[خطيرة الملامح]

إستغفر الله والحمدلله ولا إله إلا الله


امم الزواج مايقول صغير ولا كبير

دام الله كاتب لج معاه واذا لج نصيب فيه بتاخذينه لو شو ماكانت الاعتراضات والعوائق دام الله رايد لج بتاخذينه لو شو ماكانت الاسباب

وارد واقولج صلي استخاره واستشيري ربج وبتلقين الجواب بأذن الله تعالى



وعسى ربي يوفقج وايسر لج امرج









وعسى ربي ايسر امري يالله يارب يالله يارب يالله يارب يالله يارب يالله يارب ويكمل فرحتي يالله يارب ياالله ياارحم الراحمين


"

[طيف وردي]

العمر هب مشكله
دامه ريال

[نقطة تحول]

انا ويا الخوات في انج تستخيرين اول بادي
بس فكري فيها اختي انتي الحين 19 سنة يعني لما يكون عمرج 25 ريلج بيكون 41 يعني وصل مرحلة النضوج الكامل ( على احسن تقدير)
حبيبتي انتي توج مخلصة فترة المراهقة في البداية الزواج بيكون حلو ومتعة لانج صغيرة وتبين تستانسين وريلج بيفهم هالشي وبيحاول انه يوصل لسنج بس بعد فترة بتحسين انج يالسة ويا ريال عاقل ورزين اكثر عن اللزوم(اتمنى ان كلامي مفهوم) يعني الريال بعد بيرجع لسنه الطبيعي وبيتصرف على هالاساس وانتي بعدج ما وصلتي 30 فكري مرة ثانية
صح العمر مب دايما يكون عائق بس لو انتي في سن اكبر شوي يعني لو وحدة عمرها30 بتاخذ واحد عمره 45 والفرق بعد 15 سنة ما احس ان فيها مشكلة لان الحرمة نفسها وصلت لمرحلة النضوج المبدئي

الرمسة اللي قلتها عبارة عن راي شخصي جدا جدا واتمنى اني ما احصل اي رد جارح من اي اخت من العضوات الا من صاحبة الشأن


واسمحي لي اختي ع الاطالة واتمنى اني اكون قربت لج الحل

استغفر الله العظيم من كل ذنب عظيم

[خويتي بتعرس]

استخيــري و توكلي على الله

ما يخـــــص العمــر

حلااااته اصلا يكون اكبـر عنج .. احس انه فاهم الدنيا صح و متفهم اكثـر <<< امممم وجهة نظر^^

اهم شي استخيري حبيبتي



بالتوفيق يارب

[بنت_ الدار]

الله يوفق من بينكم على خير واذا تحسين بعمرج مرتاحة توكلي على الله عمر السن ما كان حاجز لا بالعكس الحاجز بين الريال والحرمة هو مستوى الادراك والتفكير ..يعني شوفي اسلوبه وياج وويا اخوانج شو يوحي هل هو مثقف ؟ رزين ؟ يوزن الكلمة قبل لا يقولها والا الا جي يرمس بدون معنى ؟

اذا لقيتي ان هالامور متوافرة في الريال اعرفي انه ريال زين وطيب خصوصا المحافظ على دينه وعلى صلته بربه

ومبروووووووك مقدما خيتو وربي يسعدج ويهنيج ويهب لج الذرية الصالحة عاجلا غير اجل

[ام هاشم]

الله ييسرك إلى فيه خير إن شاء الله

[بورش كايين]

انا اقولج صلي استخاره اول

وراي اخذي واحد اكبر عنج بيدلعج

[بنت عبدلله]

حبوبه توكلى ع الله ووافقي والعمر مايخصه ترا الانسان ينقاس بعمله الصالح واخلاقه وعقله وانتي استخرتي ربج اذ يسرلج الله هالزواج تأكدي ان ربج بيوفقج وي هالريال وانا اقولج من دون تردد وافقي والله يوفقكم وي بعض

[ام_رشووودي]

عيوني اول شي صلي استخارة وخلي اعتمادش الاول والاخير.....

وصدقني الريال الكبيرغالبا يدلع حرمته وايد وايد....ونادر ما تحصلين الي يسون المشاكل.....والله يوفقش حبوبة....