كيف يسون المالح

[red dots]

بناات يايبين لي سطل كله مالح ومتوهقه ماعرف اطبخه ..بلييز ابا الطريقة..

المزيد من آخر المواضيع من نفس القسم:

• طريقة عمل صوص بيشاميل السهله
• طريقة عمل صوص رانش اللذيذه
• كبسة إماراتية؟
• كروكيط الأرز المقلية وجبة سهلة و سريعة...
• سؤال لشيفات الامارات
• كريب بنوتيلا هائل و رائعة بمكونات بسيطة
• مطبخ العزبه
• أشهر مؤكولات و حلويات الشيف الشربيني
• انواع المطابخ
• كيفية صنع الزبادي من الحليب في الطبيعة...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بدوية وافتخر]

الغالية, خذيلج العدد اللي تبينه من المالح, بنقول سمكتين, حطيهم في ماء وتثورينه , عشان يخوز عنه الملح والزفرة, بعدين تغسلينه , وتفتتينه قطع صغيرة, بلا شوك, وأنتي ووش تبين تسويه, مجبوس, صالونه,( مرقها قليل, نفس الناشف), تحت قاعته, بس المالح حطيله لومي يابس يوم اتسوينه, يا حلاته, (((غداكم مالح, والبصل لا تنسيه, حلو مع العيش والمالح)

[red dots]

تسلمين الغلا وهاي الطريقه توني تعلمتها من يدتي

وابا اتعلم طرق ثاانية .....

مافي طرق ثاانية؟؟؟؟؟؟؟؟؟؟؟؟؟؟؟؟؟؟؟؟

[عشان الحب]

ماي المالح رووووعه...تفوريه وتحطين فيه شوية ملح وليمون..وتاكلينه ويا العيش والبصل
...هاللي أحبه...ههههه

[أم أميره]

طريقتي في المالح انقعه في ماي وكل اشوي اغير الماي علشان بتخلص من الملح واحط عليه اشوي كمون عن الزفر واسوي برياني اسوي بصل وايد واحمص واحط عليه الثوم واكثر الكزبره والبهارات السنعه وازيد البهارات واحط الفلفل الاخظرو لومي الاسود وفلفل اسود وانقع اشوي زعفران مع ماء الورد والهيل ويكون العيش خالص بس نص واحط اشوي عيش ثم الخلطه ثم العيش وفوقه بقية الماء ورد والزعفران وسكري عليه زين وخلي النار اشوي اشوي ولين استوى شوفي ودعي لي

[red dots]

ياعيني بصراحة ماقصرتوو

[أسماء2]

يااااااااااااااي أنا بعد أبى أتعلم طريقة المالح

[امونات]

انزين مرات يخلون شوي ماي ويا المالح وهم ياكلونه
هذا الماي هو اللي كنا مفورينه فيه؟؟؟؟؟؟؟؟؟؟؟؟؟؟؟؟؟؟؟؟

[m&mz]

احلى شي المالح

وله عدة استخدامات
مثل ما قالو البنات تفورينه وتفتتينه وتعصرين عليه ليمون وتاكليه ويا العيش والدهن
او فوقه ,,مثل ما تسوين فوقة الدياي واللحم
او برياني ,,,بس انا اعشق برياني المالح وخاصه يوم يكون شوي محروق

[أم شمسان]

شوفي ختيه المالح لاتفكرين تودنينه بماي وتحطينه بالشمس او تودنينه وتغيرين عنه الماي يظهرلج هس وهب ناضي

بعلمج طريقه اسمها ( مشير المالح )

اتظهرين من البييب قطعه او ثنتين على حسب حجم عايلتكم

وتحطينها بجدر فيه ماي عالنار وتخليه يلين يغلي وينقص عنه الماي ( ينضج زياده يعني )

عقب

تزخين قطعه قطعه صغيره لانه ( بيتفتت شوي ) واتنظفينها من اليلد والعظم واييج فيها شرات الخيط الاسود خوزيه كله وحطيه فيه مله وسوي جيه يلين تخلصين القطعتين كلهم

خلاف

حطي ماي عالمله اللي فيها قطع المالح وغسليهم شوي مب وايد بس لفتين بيدج وصبيه عنه

وبيتم لج بالمله قطع المالح صبي فوقهم سمن عربي مع عصير ليمون عكيفج تبين زياده او شوي انا احط زياده لانا نحبه حامض وقشار الليمون خليه لانج بتظهرين اللي داخله عقب ماتعصرين الليمونه وحطيه فوق المالح وبعد قطعي ( مجير او همبا اخضر ) وحطيه معاه وحزة الغراف صبي ماي حار شوي عليه يلين ماتغطينه وبس ياكلونه ويا العيش الابيض مع البصل فنان

وعندج

طريقة الصالون

طبعا تنظفين المالح نفس الطريقه اللي فوق توغرينه وعقب تنظفينه بس هالمره تخلينه قطع كبيرهع مب تقطعينه صغار صغار

وعقب ماتنظفينه

تقلين بصل بالجر ويا جرفه وفلفل اسود وهيل حب في الزيت عقب مايحمر حطي وياه ثوم وزنجبيل مطحون وعقبها حطي البهارات المشكله قليها وياهم يلين تظهر ريحتهم وعقبها حطي الطماط يلين مايذبل حطي فوقهم اللومي اليابس وشوية صلصل انا احب احط ماجي حبه وحده بس تحملي عالملح خلاف لازم تخففين امنه عشان المالح فيه ملح زياده

وحطي معاهم سمن عربي بتكون عندج صالونه ثجيله ترومين تاكلينها ويا العيش الابيض
او
تخلينه تحت الجدر وتحطين العيش الابيظ فوقها ( في قاعته )
او

تسوينها مجبوس بس اذا تبينه مجبوس لاتحطين فيها صلصل

هذي طرق تسوية الماااالج

والبهارات اللي احطها

( ملح شوي كركم ليمون يابس اسود مطحون هيل مطحون بزار عربي من عند امي تسويه خخخخ كزبره ناشفه مطحونه بزار السمج وحلبه مطحونه مع بهارات او بدونها زعفران وحبة ماجي)

وبالنسبه للمجبوس كوني حذره في تحطية الملح

وسامحيني

[أم شمسان]

انزين مرات يخلون شوي ماي ويا المالح وهم ياكلونه
هذا الماي هو اللي كنا مفورينه فيه؟؟؟؟؟؟؟؟؟؟؟؟؟؟؟؟؟؟؟؟

لا حبيبتي مب هو نفس الماي

عقب ماتفورين المالح بالماي نص ساعه جيه او عشرين دقيقه تصبين الماي وتنظفين القطع بتكون متفتته خوزي عنها اليلد ويا العظم وحطيه بمله خسليه شرا ماتغسلين العشي بس على خفييييف مره او مرتين وصفيه من الماي

عقب حطي فوقه سمن عربي ومجير همبا اخظر و يا عصير الليمون والليمون اللي داخل ووقت الغراف حطي ماي حار او دافي عليهم وكليه ويا العيش