مصروفي

[ترانيم القلوب]

السلام عليكن

بنات انا عندي مشكله ويا مصروفي الشهري

انا مااالجه

و ريلي دووم راس الشهر يعطيني المصروف بس استحي اخذه

اموووووووووووووووووووووووت من المستحى

ماقدر امد ايدي واخذ البيزات

و صار هو يضايج بسبة هالسالفه

لاني اخذ المصروف من اختي

شرا يوم كنت قبل لا املج

وهو يضيايج من هالشي

ودوم يسالني اذا ناقني شي اقوله لا الحمدلله عندي كل شي

وهناك انا مفتقررررررررررررررررررررررررررررره

صدق صدق احيانا اكون محتااايه من الخاطر

بس ماروم اطلب منه

هالفتره انا صدق محتايه ويوم سالني قلتله عندي مابا.. بس هو شكله حي اني متوهقه و طلع البيزات وانا ما طعت اخذ




عادي يمرن 3 شهور وانا مب ماخذه فلس من عنده

شو اسوي بنات طلعولي حل بليز

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Cutey]

3ady sis raylch mafeha shay

werayal y7s brjolteh che lol

et3awday mn al7enh

[Al_Dloo3aa]

ليش تستحين عادي

وهالمصروف من حقج لانه خلاص صار ريلج

والمفروض هو يصرف عليج لاتستحين ولا شي

[pink 7]

قوليله يحطه في ظرف ويعطيه حد معاج في البيت ... لأنج تستحين ...

او عطيه رقم حسااابج ينزل لج في البنك كل شهر ... او يحطهم لج على الطاوله قبل مايطلع ...

يعني في طرق واااايد .... عمري الخجووووول ....

[Hams^^]

حبيبتي ما فيها شي


بخبرج اذا مستحيه كلميه بالفون مب ويه لويه وقوليله خل يخلي البيزات عالطاوله وينماانتو يالسين جيه ما بتتسحين وتمدين يديج يعني تاخذين البيزات عقب ما يروح

فديتج ما بها مستحي (( بنشوف شو بتسوين يوم تملجين ))

المهم ترى فالمستقبل بتاخذين منه يعني منو بيصرف عليج غيره شو بتسوين بعدين بتقولين بعد استحي اخذ منه ؟؟؟


يلسي مع نفسج وفكري برمستي مشكلتج بسيطه بس انتي معقده الموضوع

[بناتي عمري]

الله إني كنت شراتج بس الحين أول ما ينزل الراتب أقول وين مصروفي ما أعطيه فرصه المسكين وأسأله هااا كم بتعطيني الشهر الياي

يقولي قبل غصب تاخذين مني المصروف شو استوى بل أقول خلاص يا بابا إتعودت عليك

عادي بتتعودين والله يوفقج

[(( عيون ))]

اختي سوي مثلي انا عندي حساب ف البنك

وهو يحول عليه كل شهر

[BenToooH]

ما ينفع جييي ... تحملي عن يتعود وعقب مايعطيج شي مول خخخ لو ما احتجتي الحين بتحتاجين أكيد عقب العرس!!
ومايصير اتمين تاخذين مصروفج من غيره خلاص الحين هوو المسؤول عنج!!

اذا تستحين تاخذينه باليد قوليله يحول لج المصروف ع حسابج..
- أريح له بدل ما يسحب كل شهر ويعطيج، التحويل من البنك يصير شهريا بمبلغ هو يحدده ومافي داعي يرد كل شهر يسويها يعني معاملة وحدة ويصير لج مصروف شهري فـحسابج
- أحسن لج انتي لأنج ما بتضطرين تطلبين منه
ولو ماعندج حساب خليه يفتح لج مايباله وايد

أو لو ماتبين سالفة التحويل مع اني اشوفها أحسن
-قوي قلبج- لول وخذي مصروفج منه يوم يعطيج.... المستحى هذا لازم يروح
في المستقبل أكيد بتكون عندكم التزامات مالية والنقاش فهالسوالف بيصير شي ضروري!!

[هوتميل]

مب في مصلحتج اتسوين جيه

[...(مريّة)...]

والله يا أختي شو أقول لج . . يعني تستحين تاخذين
من ريلج مصروفج وما تستحين من أختج تفكر في
ريلج إنه بخيل وياج ؟ مادري أحسها مب مقبولة
إني آخذ مصروفي من أختي . .
الحينه انتي حرمة معرسة المفروض تكونين راعية
بيت عدل وتدبرين الأمور المادية لبيتج من الألف للياء . .
مب تاخذين مصروفج من أختج

[P u r e]

اسمحيلي أقولج إنه راسج مخبوووق

ترى إذا عودتي ريلج ما تاخذين منه .. بيتعود وبيضرى على هالشيء .. عقب لا اتين اتصيحين واتقولين ريلي ما يصرف عليه

حطي هالكلام مثل الحلق في أذنج .. وبتتذكرين كلامي عدل

والله يوفقج إن شاء الله لكل خير

[عذبة الإحساس]

ترى إذا عودتي ريلج ما تاخذين منه .. بيتعود وبيضرى على هالشيء .. عقب لا اتين اتصيحين واتقولين ريلي ما يصرف عليه

حطي هالكلام مثل الحلق في أذنج .. وبتتذكرين كلامي عدل

والله يوفقج إن شاء الله لكل خير

نفس كلام اخوووووووووووووووي الغالي لي .... دبريها من الحين ... ترا عقب بيقووولج ماعندي وماادري شو .. وبتصير وااايد مشااااكل بسبة هالموضوووع

[ترانيم القلوب]

حطيتو علي حط

والخوات اللي ذكرن سالفة التحويل انا ما عندي حساب فالبنك وماروم اقوله افتحلي

و بعد ماروم اقوله حطهن ف مكان وانا باخذهن لاني مول ما ارمس عن البيزات والمصروف وجه

المهم انا بحاول ان شاء الله انه اذا عطاني ما ارده

لاني صدق احاتي انه يتعود ع هالشي وما يصرف علي مثل ما ذكرن الخوات

وتسلمن فديتكن

^^

[BenToooH]

الحين تستحين لأنج مب متعودة...
عقب بتتضاربون عالبيزات خخخخخ بتحشرينه تبين زيادة وهو بيقول لا


اممم بالنسبة لسالفة الحساب
ماعطوج بيزات الزهبة ولا المهر وهالسوالف؟؟ أكيد مابتشلينهم كاش خخخ خلي اهلج يفتحون لج حساب حق هذيل وعطي الرقم حق ريلج عشان المصروف...
ولو بتقولين له عادي ترا، بس ع قولتج تستحين....

الحين استلمي منه اللي يعطيج عقب انتقلي للخطوة الثانية اللي هي فتح الحساب <<< هالشي بينفعج

[حزن قلبي]

اختي من الحين كوني حازمة و لا تتنازلي عن مصروفج و اذا انتي تستحين خلي حد من اهلج يرمسه و يقول له يحط لج المصروف في حسابج او في ظرف و يحطه عدالج ما لازم في ايدج.