قصة حقيقية

**guess_ who** · 2008-07-09, 22:40

قصة حقيقة وليست خيال

فلبينية تعمل خادمة لدى عائلة قطرية كخادمة مدة 11 سنة متوالية وبدون اجازات ، أحبتهم وأحبوها ، وأصبحت مثل بنتهم وأختهم ، ففي يوم من الايام جاءت الى معزبتها ربة الاسرة وقالت : ماما ! انا في رجال يسوي كلام بابا مال انا داخل فلبين ، يبي انا عروس

( الترجمة: خطبني رجال من ابوي في الفلبين )
المعزبة : مبرووووك ، بس انتي ليش زعلانه؟؟
: انا لو في عروس كيف انا بعدين ترشي فلوس ألشان بابا مال انا؟ ( الترجمة : لو انا تزوجت اشلون بعدين ارسل فلوس حق ابوي؟)
المعزبة : ولايهمك ، انا ازوجك أحسن زواج وأجيب خطيك هني الدوحة وأزوجكم
وطارت المسكينه الفلبينية من الفرحة ، ومن فرحتها كان بيطير عقلها

من هنا بدأت قصة الزواج ، التي تكفل بها مخدوميها ،
اولا طبعا العائلة تكريما وعرفانا لها والعشرة اللي بينهم جابوا العريس من الفلبين بفيزة وعلى حسابهم وسكنوه في بيتهم وعدلوا لهم الغرفة ، صبغ جديد وغرفة نوم وزل على كيفكم ، والمعرس جايب معاه المسكين البدلة السودة ولكن المعزبة قالت لعيالها فصلوله ثياب وجيبو له بشت ، وبالفعل تم ما أرادت الام
اما يوم الزواج الرجال والمعازيم من القطريين والفلبينيين المسلمين وحديثي الاسلام ، والعشا : ذبايح ماشاء الله.
جابوا لها كوشة ، ودي جي اسلامي (DJ) ، و بوفيه من أحد المطاعم الفاخرة ، والمعازيم من القطريات والفلبينيات وصديقاتها من خادمات الفريج ، وكل هذا على حساب عائلة المرحوم / احمد بن عبدالله العبيدلي وأقيم الحفل في منزلهم العامر في منطقة معيذر بالدوحة وذلك تقريبا قبل عشرة شهور..

واترككم الآن مع بعض صور حفل الزواج :

العريس الفلبيني بالزي الخليجي

وهنا العريس مع رفاقه وأصحابه

وهنا المواطن القطري بجوار العريس الفلبيني

المزيد من آخر المواضيع من نفس القسم:

**marina** · 2008-07-09, 22:43

حلووو وناسه

**ام عبادي70** · 2008-07-09, 22:44

ناس مب لاقيه اتعرس وها الفلبيني عرس قبلهم
والله صدق الدنيا حظوظ بس شكله غلط بالبشت

**السيده نفافه** · 2008-07-09, 22:51

صراحه حد منهن يستاهلن........تساهل العروس وهذا من طيب اصل اهل البيت.......مبروووووووك عقبال ما يشوفون عيالهم........

**almasa64** · 2008-07-09, 23:10

هههههههههههههه حلوة يتهنوا سعيد و سعيدة

**الحزينه55** · 2008-07-09, 23:14

حلوووووووووووووووه .... يتهنى سعيد ب سعيده

**ظبية الامارات** · 2008-07-09, 23:42

بنات ترى السالفة صدق وهذيل عيال عم أمي الي في قطر

يحليلها شغالتهم ( فطوم ) وايد زينه وشالة البيت وتخدمهم

وهم عايله ملتزمه ما شاء الله عليهم

**حب اللؤلؤ** · 2008-07-09, 23:43

واو معقوله,,

**NOUR168** · 2008-07-10, 02:10

مشكككككككككككككككككككككككوره

**Traneem** · 2008-07-10, 02:15

من طيب اصلهم اهل البيت
جزاهم الله الف خير، فرحوها المسكينه

**دلوووعة أمها** · 2008-07-10, 02:19

زين ما شاء الله .. يزاهم الله خير

**guess_ who** · 2008-07-10, 13:36

تسلموووووووووووووووون على المرور

**السكوت ارح** · 2008-07-10, 13:43

والله دنــــــــــــــــيا

**ونة خفوق** · 2008-07-10, 16:11

والله كشخه هههههههههههههههه بالبركه

الموضوع: قصة حقيقية

أدوات الموضوع

عرض