أستحس من ريلي

[حساااسة]

شخباركم بنات ؟؟؟

بدون مقدمات أبا حل

بكمل سنة من زواجنا وأنا أستحي أطلب منه شي

حتى الأكل والله إني أستحي أطلب منه وأحيانا ما آكل طول اليوم عشان أستحي أطلب منه

وأنا ساكنة في بيت أهله وما أسير المطبخ أبدا

فأبا حل عشان ما أبا أكون مستحية منه طووول العمر

والله أنا وايد أستحي أطلب حتى يوم كنت في بيت أهلي ما أطلب شي أبدا حتى لو كنت مشتهية شي وخاطري فيه



أبا حل ضروري

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أمورة]

الغاليه انا قريت العنوان تحسبت بتكونين عروس يديده

حبيبتي حاولي تغيرين هالشي فيج لانه مب طبيعي...كملتو سنه المفروض علاقتج فيه الحين تكون احسن ن جيه و بينكم صراحه...

انتي شوي شوي حاولي تطلبين منه اشياء اضغطي على عمرج لازم...لانج ما بتحققين اي تطور اذا ما خطيتي الخطوه الاولى.

و صدقيني من بعد كمن محاوله بيصير الموضوع سهل.


شدي حيلج (^_^)

[حساااسة]

حاولت بس ما شي فايدة

طول هاي السنة وأنا أحاول

ويوم يقول لي تبين أكل أقوله لا شبعانة أو مو مشتهية

والله واااااااااايد أستحي

[أم عمهي]

انا اقولج طريقة يمكن تساعدج..مره يوم اتكونين يالسه وياه قوليله اتصدق بخاطري مثلا مكدونالدز هو بيفهم وبييب لج..ومره قوليله اتصدق يوعانه وبعد بيفهم وبيقولج امري وادللي ومع الايام ان شاء الله بيخوز عنج المستحى بعدين لين متى بتمين باجر بتيبين اعيال يبون اغراض بتمين مستحيه..الله يوفقج حبيبتي

[غــ مرحوم ـلا]

حرااام كسرتي خااطري تدرين انا بس انااحس يووم اكوون زعلانه منه اقووله مابا اكل خخخ

حاولي مره ومرتين وعقب بتتعودين انا كملت 5 شهوور وعاااادي اقوله تراني يوعااانه خخخ استوي جازوره وتراني مو دبه

[Al_Dloo3aa]

انا كنت جيه شراتج اول ماعرست كنت مول ماارمس وياه

والحين تعالي شوفي لساني اشطوله معاه حاولي تطلبين منه

هو ريلج ومهما كان لاتستحين ولا شي والله يعينج

[أمورة]

هممم كيف كانت محاولاتج؟؟؟

اشرحيلنا اكثر يمكن نروم انحصل لج حل (^_^)

جربي مثل ماقالت الاخت ام عمهي.

انتي تستحين تطلبين اكل عسب اتخافين يشوفج متينه ولا اكوله؟؟؟

لانه ربيعتي كانت متينه و يوم عرست تمت شهور ماتاكل جدامه وايد و تستحي تقول يوعانه لانه كانت خايفه يطالعها بنظره (انتي متينه اضعفي) ولا يقولها سوي رجييم... تعرفين البنات وايد حساسات.


هذي حاله من الحالات...

[أطياف الربيع]

بسيطة ، أنا في بداية زواجي كنت مثلك !!

الحل قمت أكتب على ورقة وأحطها على الطاولة أو أرسل له مسج

وأحيانا ، أسوي حركة استعباط وأقول : يااااااه ، من زمان نفسي في كذا !!

وأسكت على أساس انه خلص الموضوع ، وهو راح ينتبه للي قلتيه !!

وينفذه .. ^ . ^ !!

[أمورة]

بسيطة ، أنا في بداية زواجي كنت مثلك !!

الحل قمت أكتب على ورقة وأحطها على الطاولة أو أرسل له مسج

وأحيانا ، أسوي حركة استعباط وأقول : يااااااه ، من زمان نفسي في كذا !!

وأسكت على أساس انه خلص الموضوع ، وهو راح ينتبه للي قلتيه !!

وينفذه .. ^ . ^ !!

فكره وايد حلوه (^_^) تسلميين اختي

يلا يا حساااااسه شدي الهمه و لا تستحيين انزيييييييييين!!

و ابدي من الحين...انتي مكمله سنه ماشاء الله و الله يخلييكم لبعض

بس الحياة الزوجيه هي مشاركه بين اثنين لا تخلين المستحى يحرمكم من مشاركه بعضكم. (^_^)

[الوفى طبعي]

ههههههههههههه



والله انا من ابوي وخواتي استحي اطلب ... كيف لو عرست











الله يعينج حبيبتي

[على البال]

ماشي مستحى بين الحرمة وريلها المفروض ....
يمكن الكل بنفس هالفترة .. بس لازم تتخلصين من هالطبع ... والسنة مش فترة بسيطة ....

انتي ابدي وياه .. اساليه في خاطرك اسويلك شي ؟! شو ي خاطرك تاكل اليوم ؟!
انزين تعال بنطلع انا عازمتنك مكان ... مرة على مرة بيستوي الشي عادي ...
وبتبدين تقوليله انا في خاطري كذا ... انزين ممكن تستخدمين اسلوب المصخرة ...
يعني اونج تتمصخرين وتطلبين شي وشوفي ردة فعله .. وعقب كملي طلبج عادي بجدية ...
لازم في طرية والا اذا تميتي جي بتتعبين وايد...

اختج

[المهجه]

يــــالله هالشي الوحيد اللي افكر فيه واحاتيه يوم بعرس

انا مووول ما احب اطلب حد ,, اهلي مستحيل اطلب منم الا اذا الشوه^^الله يساعدج اختيه بس مثل ما قالوا الخوات انتوا بتكملون سنه ان شاء الله فالمفروض تكونين اكثر جرأة ^^

الله يكون ف عونج

[حساااسة]

مشكووووووووورين كلكم ع الردود

وإن شاء الله بجرب حلولكم

والله كريم

اختي أمورة

لا أنا ما أستحي أطلب عشانه بيشوفني متينة أو أكولة

وأنا جسمي عادي الحمد الله لا متينه ولا ضعيفة

انا أستحي منه عشان أنا أستحي أطلب بالأساس

خصوصا إذا كان ها الشي حقي أنا يعني مثلا ( أكله معينة مثلا ، أغراض حقي ، وحتى ثياب وإلا شي من السوق )

ويوم يفضى البت عاد وما يكون فيه شي نسير السوق وأخذ شوي من الأشياء إلي كنت أباها

(( وهو بالبدايات كان يقول لي خذي أي شي ويوم قلت له شو رايك في هذا آخذه جان يقول شو تبينه ما أحسه شي ضروري
ومن ذاك اليوم وأنا أستحي أطلب منه ))

[كيوت ومن]

صح اول ايام لازم في مستحى
بس انتي لازم اتعودين عمرج اشوي اشوي اتودرين المستحى
اكتبي في ورقه صغيرة او طرشي له مسج مثلا خاطرج بكيكه او سندويشه
او انج اتصاريحنه انج تستحين منه وهو لازم يتفهم لوضعج ويحاول يساعدج يعني يتم يلح علييج عسب اتقولين الي بخاطرج
والله يخليكم لبعض وويرزقكم الذريه الصالحه

[...(مريّة)...]

مااااافي شي اسمه أستحي يا بنت الحلال هذا ريلج إذا
ما بتقولين له هو اللي تبينه بتقولين لمنو ؟