حمل و تكيس نفس الوقت

**بنت_بلادها** · 2008-07-08, 10:12

اول شي السلام عليكم و رحمة الله و بركاته

خواتي انا من فتره احس في آلام في بطني من تحت و الدوره كملت شهر ما يت

من اسبوع تقريبا سرت العياده قالت لي ماشي حمل و المشكله تكيس في البويضات ما ادري المبايض

المهم امس سرت انا و ريلي مستشفى راس الخيمه و دخلنا على اساس نسوي تحليل الهرمونات الدكتوره طلبته مني

دشيت على الدكتور مصرررره اسوي تحليل دم و انا اقول ليش دام انا سايره للدكتوره من كم يوم و قالت ماشي بس هاييج ما سوت تحليل بس سوت لي سونار

المهم طلعت نتيجة الحمل اني حامل الحمد لله

الحين السؤال كيييييييييييييف ؟؟

اول شي يستوي اني حامل و الدكتوره ما لاحظت؟
يستوي يكون في تكيس و حمل نفس الفتره؟

الله يخليكم ردوا علي

المزيد من آخر المواضيع من نفس القسم:

**al3emyah** · 2008-07-08, 10:30

هلا وعليكم السلام ورحمة الله وبركاته

وبالبركة اختي

اما عن التكيس والحمل بنفس الوقت

انا سمعت التكيس ما ايخصه بالحمل والله ما ادري بعد

ان شاء الله البنات ايفيدونج

**شوكليت توي** · 2008-07-08, 10:47

عادي حبيبتي لا تفكرين وايد

**بنت_بلادها** · 2008-07-08, 11:00

مشكورات والله

بس المشكله ريلي وايد مستانس اخاف يطلع في شي او شي غلط

ان شاء الله الي عندها معلومات تفيدنا

**مهاري الحلوة** · 2008-07-08, 11:11

الله كريم

**•.·° دلال °·.•** · 2008-07-08, 11:18

مرحبا الغاليه

فديتج لااتحاتين أظن الدكتوره الأولى تشخيصها غلط

أعتقد إنها شافت كيس البيبي واتحرته تكييس .. وممكن يكون سبب الألم هو انغراس البويضة في الرحم
وهالألم طبيعي .. تقلصات الرحم تسبب ألم مثل ألم الدورة في فترة الحمل فلاتحاتين

عزيزتي اسئلي البنات عن أشطر دكتوره ف إمارتكم وسيريلها ولاتحاتين شي
أصلاً الحمل في أول شهر يطلع على شكل كيس وإن شاءالله الدكتوره الموثوق فيها بتأكد لج هالمعلومه

^_^
طمنينا عنج عقب ماتراجعين

**بنت_بلادها** · 2008-07-08, 11:22

مشكورات والله

الله يخليكم و يرزقكم بالذريه الصالحه

توه الدكتوره اتصلت لي و خبرتني ان الحمل اكيد و ان الموليد كمل من 4 الى 6 اسابيع

مشكورين ^_^

**•.·° دلال °·.•** · 2008-07-08, 11:25

مبرووووووووووووووووووووووووووووووووووووووووك يالغاليه

الله يسعد قلبج يارب عيل خذي موعد من الدكتوره عشان تراويج نبض قلبه ولاتنسين تسيرين وي بوالعيال عشان يستانس

أسأل ربي إنه يفرحج مثل مافرحني بحمالي

ترى الحمال تجربة حلوه لازم تستمتعيبها ^_^

تحياتي لج

**مرت سلطان** · 2008-07-08, 11:35

مبروك حبيبتي
وحتى لو في كيس بينزل مع الولاده ....وما بيكبر ولا بياثر باذن الله ...

**بنت_بلادها** · 2008-07-08, 11:39

تسلمون الله يبارك فيكم يا رب

والله يرزق الي تبا ان شاء الله

و يخلي و يثبت كل حامل يا رب

**وداد القلب** · 2008-07-08, 11:51

الغالية تعالي بخبرج ..
انا عندي تكيس ... و حامل الحمد لله في الشهر السااااااااابع .. ربي يثبت حملج ...
التكيس مؤخر للحمل مب عائق .. و يمكن الدكتوة الاولى ما انتبهت للحمل لنه بالايام الاولىما يبان في السونار
الحين اهم شي انصحج بيه الرااااااااحة و مثبت الحمل لن التكيس و اسم الله عليج ممكن يتسبب بنزيف و اجهاض لو ما خذتي مثبت .. و حاولي ترقدي على ظهرج هالفترة و تريحي جسمج و اهم شي.. العلاقة الزوجية ممنووووووووعة هالفترة
و لو صارت تصير بهدوء و بدون قذف داخلي و السموحة منج على التعبير و انشاء الله نسمع عنج اخبار حلوة

**تقوى الله** · 2008-07-08, 12:23

الغالية انا قالولي عن التكيس
وبعدين صار الحمل وانا في السادس
لا تحاتين
بس راجعي بانتظام

**بنت_بلادها** · 2008-07-08, 14:13

ان شاء الله

الموضوع: حمل و تكيس نفس الوقت

أدوات الموضوع

عرض

حمل و تكيس نفس الوقت

المزيد من آخر المواضيع من نفس القسم:

المواضيع المتشابهه

فيني تكيس المبايض و وايد محتارة .. بليز الي فيها تكيس تنصحني ..

تكيس !

تكيس أو كيس ..

كيس او تكيس؟!!!

حمل .... تكيس.؟.؟