عطوني رايكم... بسرعة

[نوس العروس]

هلا خواتي العزيزات....
زوجي يريد يسافر مع ربعه اسبوع تقريبا،،، وأنا حامل وتوني داشة الشهر التاسع،،، فشو رايكم أخليه يسافر وإلا أمنعه،،، أخاف أمنعه ويكرهني،،، وأخاف أربي وهو مو موجود،،، شو أسوي ،،، إللي عندها خبرة تقولي بسرعة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نوس العروس]

وييينكم خواتي

[فــداكـ العمر]

خليه دامه ف خاطره السفره وان شاء الله اسبوع مابييضرج حبيبتي

وان شاء الله تربين بالسلامه

[نوس العروس]

لاي دوله ؟؟؟؟؟ انتي ما عندج احد لو ربيتي ؟

رايح مصر يتمشى،،، صراحة أنا ما عندي أم ،، وما عندي حد ييلس معاي في المستشفى،،، صح أن عندي خوات،، لكن معرسات ومستحيل يخلن ريا ييلهن ويباتن عندي.

[خاطري ارتاح]

فديتج انتي اتعرفين موعد ولادتج اكيد
فاذا كان بموعد ولادتج خلاص خبريه وقوليله بعد ما ما اربي اتوكل على الله
بس اذا كان لا خليه يروح يغير جو ما فيها شي
وربج يهون عليج الغاليه

[نبض أحمد]

أحس ما يحتاااي يسااافر يعني السفره مب مهمه لهالدرجه ..
مب اهمـ عن حرمته والبيبي اللي يااي فالطريج ..

(( الله اييبه بالسلامه ان شاااااااااااااااءالله ))

يعني حاولي وياه بس بطريقه حلوة وبرومنسيه انه ما يسافر ..

وانتي عوضيه فالبلاد ..
يعني مصر كلها بحر لووول

انتي وهو نشوا الفير الساعه 5 واتمشوا ع البحر خاصه انج فالتاسع ولازم تتمشين ..
وسويله حركات .. <<< ادري مب متفيجه بس عسب تعوضيه ..

وعقب الاربعين سافروا انتي وهو ..

وربي يقومج بالسلاااااااااااامه ..
واتييبين بنوته تشبهني قولي آمين ..

تراني حلوة ..

هههههه

[ديــايــه]

والله انا اييد بنض احمد الصراحه .. السفره لاحق عليهااا انتي واللي ف بطنج اهم ...
قوليله بس باسلوب حلو .. يعني لو سرت مالي غيرك انا والبيبي ومحتاجينك ومن هاي السوالف مايحتااي اعلمج خخخخ

الله يقومج بالسلامه ... ويسهل ربااج عليج ان شالله

[دموع الوفا]

أي سفر الحيين وانتي في شهرج

لا حبيبتي خلييه ييلس في البلاد السفر لاحق علييه
حاولي تيبينه بهداوه وتبينين له انج محتاجه له في هالفتره .. اذا ياج الطلق بالليل والا وقت وما لقيتي حد .. شو بتسوين..

وان شاء الله انه بيلغي السفرة من دون ما يزعل

ولا تعتدمتي ع الموعد انا عيالي او ما ادخل التاسع اربي فيهم
يعني يكون باجي ع الموعد 3 ولا 4 اسابيع وطبعا ع حسب الحرمه

[...(مريّة)...]

لا والله أشوف إن تربين وتسافرون عقب الأربعين ويا بعض
شحقة مستعيل يبى يسافر وحرمته بتربي ؟؟
قولي له : يوم بربي يصير خير . .

[نجمة الفجر]

انامن رايه خليه يسافر وان شاء الله ما عليج شر يمكن ما تربين الحين يمكن تربين اخر التاسع خليه صدقين لو تميتي تضغطين عليه راح يمل ويضايج وربج انتي ما تدرين يمكن يغير رايه وما يسرمصر^^

نجمة الفجر

[حزن قلبي]

في هالامور الصراحة ريلج لازم ما يسافر، اولا انا ضد السفر مع الربع ثانيا خذيها حجة عشان ما يسافر و قوليله سافر بعد ما اربي، بس صدق انتي ما تعلمين يمكن تحتاجين له في هالوقت و هو لازم يقدر هالشي.

[عشق راشد]

ماعرف لو انا بزعل وايد لو راح وانا في شهري الاخير

[العيون السوود]

والله انا اييد بنض احمد الصراحه .. السفره لاحق عليهااا انتي واللي ف بطنج اهم ...
قوليله بس باسلوب حلو .. يعني لو سرت مالي غيرك انا والبيبي ومحتاجينك ومن هاي السوالف مايحتااي اعلمج خخخخ

الله يقومج بالسلامه ... ويسهل ربااج عليج ان شالله

صدقها اختي

[ms calm]

حبيبتي عن تجربه .. لا تعارضين سيرته .. لكن قوليله و انتي حزينه و مثلي و لا تخلينه يشك فيه مثلي انج "حزينه" مب مبوزه !
قوليله حبيبي حاول ما تتأخر يمكن اييني الويع و انته محد منوه بيوديني و منوه بيسويلي يعني خليه يتلوم
و اذ ا ما فاد هذا كله و سافر
انتي لا تتصلين فيه ابدا
خليه هو يتصل و اذا ااتصل مره ردي عليه و مرتين لا تردين و اذا قالج شوووه فيج قوليله لا كنت مشغوله شوي
حسسيه انج مشغوله مش فاضيه له جذيه بتنكدين عليه سيرته و بيحاول يرد بسرعه و بيكون خايف عليج !

صدقيني عن تجربه من اختي الله يوفقها

[نوس العروس]

حبيبتي عن تجربه .. لا تعارضين سيرته .. لكن قوليله و انتي حزينه و مثلي و لا تخلينه يشك فيه مثلي انج "حزينه" مب مبوزه !
قوليله حبيبي حاول ما تتأخر يمكن اييني الويع و انته محد منوه بيوديني و منوه بيسويلي يعني خليه يتلوم
و اذ ا ما فاد هذا كله و سافر
انتي لا تتصلين فيه ابدا
خليه هو يتصل و اذا ااتصل مره ردي عليه و مرتين لا تردين و اذا قالج شوووه فيج قوليله لا كنت مشغوله شوي
حسسيه انج مشغوله مش فاضيه له جذيه بتنكدين عليه سيرته و بيحاول يرد بسرعه و بيكون خايف عليج !

صدقيني عن تجربه من اختي الله يوفقها

شكرا حبيبتي ،،، ردج ريحني،،، جزاك الله خير