مشكلتي إخت طليقي

[زهرة العين]

السلام عليكم خواتي

اشحالكم ،،،

ما بطول عليكم ،،،بس والله اكتب لكم هذا الموضوع من القهر الي فيني ،وأتمنى تساعدوني وتنصحوني شو أسوي ،،المهم

أنا مطلقة من 4 سنوات ،،،والحمد الله أنا راضيه بنصيبي ،،بس الي يقهرني أهل طليقي ما يخلوني في حالي وخاصة خواته ألين الحين يرمسون عني ،،ونا عارفه هذا الشي وما أقول غير حسبي الله ونعم الوكيل هدموا حياتي وشو يبون أكثر من جي ، لا وبعد ونا بعيدة عنهم يوصلني كلامهم ،،،انا ما أسأل عنهم وموكله أمري لربي ،،،بس ما تتخيلون كيف وصلت فيهم النذالة ،،،،بتقولون كيف عرفت ؟؟ صح بقولكم كيف

حرمة أخوي يديدة عندنا من 3 شهور ووايد وايد زينه الحمد الله ونحن نحبها ،،وهي تدرس الحين في التأهيل من جريب طلع اسمها في التأهيل الوظيفي ما بتصدقون قالتلي حرمة أخوي فيه وحده من أهل طليقج ويانا وأنا ما أعرفها إلا من اختي كانت صديقتها من أيام الدراسة ،،المهم تعرفت على حرمة أخوي بطريقة إختها ،،وما خلت كلام عني يلست تسب وتحاول تعرف كل شي عنا شو نسوي ،،لا وبعد وصلت فيها المواصيل أنها قالت حق حرمة أخوي ليش وافقتي عليهم مب زينيين ولا تداخلين معاهم وخاصة الي نحن مطلقينها وما خلت كلام عني عاد حرمة أخوي مستغربة ومقهووورة من الداخل مش عارفه شو تقول اتصلت فيني على طول وقالت اسمعي بس لا تتكلمين عاد أنا سمعت كل شي ،،،وآخر شي قالتلها لا تقولين حقها شي ،،بس المهم لا تخالطينهم ،،،،،،،،،،،،،،،،

عاد يوم رجعت حرمة اخوي والله كانت وايد مضايجة منها قالت ينعرف من شكلها انها منافقة ،،،قلت أنا حق حرمة أخوي الله يسامحها والله بياخذ حقي منهم أنا مش من الحين أسمع سمعت وايد وعانيت وايد عندهم والحين الحمد الله مستورة ومرتاحه وما يهمني أي شي وموكلة امري لله ،،هذا الكلام الي قلته حق حرمة أخوي بس والله ونا يالسة بروحي وايد وايد مضايجه ليش فيه بشر جي يحبون يهدمون ويفرقون بين الاخوان المسلمين ،،والله حرام ،،،وما مقهوووووووووووورة لأنها تكذب وايد وخاطري اواجها لاني صدق مقهوووورة من داخلي ،،،وخاصة أنا مب جي ليش تطلعني عند الناس إني مب زينه ،،،،،ادعولي يا خواتي الله ياخذ حقي منهم والله تطلقت والسبه أهله وخواته

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[h99990]

ربي يفرج همج ولا تحاتين رب العالمين فوق

بس كرري .. "حسبي الله ونعم الوكيل"

[العنود20]

ربي يفرج همج ولا تحاتين رب العالمين فوق

بس كرري .. "حسبي الله ونعم الوكيل"

[parwana]

الله يعيييييتج اختي والله اني حااااسه فيج لاني تقريبا مريت ف نفس ظروووفج و أخس...عليج بالصبر..يقوول المثل يوم لك و يوم عليك..
وترا الله يمهل ولا يهمل...استغفري واااايد و قولي حسبي الله و نعم الوكيل..واقري سورة البقره...وباذن الله ..الله بيييب لج حقج و زياااااده... النااااس بيعرفوووونهااا علا حقيقتها.. الله يفرج همج و ينصرج علا من ظلمج آمــــــــــــين

[شموخ عزي]

حبيبتي ..

ماعليج منهم ... ولاتكبرين الموضوع ..

وخليهم يرمسون لين باجر ..

الله فوق اختي .. ودام لج حقوق مسلوبه الله وياج ان شاءالله ..

والله يساامحهم ويهديهم ..

وبالعكس هم ينزلون صورتهم لأنهم يتكلمون عن وحده كانت منهم وفيهم .. وألحين راحت عنهم وبعدهم

يرمسون عنها ... ترى ماعليج حتى لو الناس بتسايرهم ف الرمسه .. إلا انهم حاطين صورة مب زينه عنهم..


دخلي من هني وطلعي من هني خويتي ..

وترى كل ماتجاهلتي الموضوع وخليته دون أهميه .. مكانج عن الغير يكبر ويكبر ..


والله يصبرج ( =

[ديــايــه]

حيااتي لاتواجهينهاا ولا شي وحده شرات هذى ماتستاهل المواجهه الصراحه ...
حسبي الله ونعم الوكيل .. صدقيني هي مارمست وطلعت هاي الرمساات كلها الا من قهرهاا ..
اذبحيهم ازيااده ويقولج الحقراان يقطع المصراان .. انتي الحمدالله عارفه نفسج وكل رمسه بترد عليهم هم باذن واحدٍ احد
ماعليج منهم .. ولاتتضايقين ولا شي انتي ماغلطتي ولا سويتي شي .. والطلاق مب حراام ولا انه عيب .. مب انتي اول وحده اطلقت ولا اخر وحده ..
عيشي حياتج الغاليه ودخلي من هذى الاذن وظهري من الثانيه .. ماعليج منهم مايرمس عنك الا الي مقهور منك

[Tuxido]

حسبي الله عليها ماتخاف ربها
ماعليج منها ربج فوق

[...(مريّة)...]

الله يفكج منها ، ما عليج الله بياخذ لج حقج منها

[عمري زايد]

الله فوق سبع سموات يشوفها ...,,

ماعليج منها الله بياخذ حقج ..

[من أنا]

الدنيا فيها الاحقر من هذيل ..!!
ترى لو شفتي مصايب غيرج بتهون عليج مصيبتج ..ّّ
ربج ع الظالم ..ّّ

[نااعمه]

تحسبي عليها عند الله حقج واكيد ما بيضيع لا تتظايقين انتي لو ما كنتي احسن عنها كان ما رمست عنج اصلا عيب الانسان يرمس عن الناس بهاي الطريقه تبين تربيته

[وردة الجاردينيا]

لا حول و لا قوة الا بالله العلي العظيم

ناس ما يخافون ربهم يفكرون انهم فالدنيا خالدون و ان ما وراهم حساب

[عسل نادر]

حسبي الله و نعم الوكيل... بس اختي قبل ما تنقهرين منهم تاكدي اذا هم صدق يرمسون عنج و لا لا...

[إيمان الساحره]

اهم شي ثقتج في نفسج وما عليج منهم خلي كل شي ع الله . . .

[غرشوبة ال غرشوب]

حبيبتي كما تدين تدان باجر اهل ريلها بيسوبها اكثر من جي