رحلتي الى مالــــيــــزيا

[بنت (^_^) دبي]

شحالكم بنات

حبيت اخبركم عن رحلتي الى ماليزيا - اتمنى اني افيد خواتي اللي بيسافرون ماليزيا

يلا جاهزين؟؟

1

2

3

نبدا



انا سرت ماليزيا 4-3-2008
طبعا يلسنا 7 ساعات ف الطيارة انا بغيت امووووووووووت
لاني مب متعودة ايلس مكان واحد ومااتحرك
وسفرتنا كانت ف الليل ماشفنا غير الليتات خخخ
والحمد لله وصلنا بالسلامة
وبصراحة هالوقت موووووووووول ماشي عرب
هالشي الوحيد اللي ماكان عايبني
لان كنا بروووووووحنا انا وريلي ولا مواااااااااااااااطن ف ماليزيا
حتى الماليزيين استغربوا يوم شافونا قالوا العرب موسمهم شهر 7
بس ع حظنا كان عندهم تنزيلات ف كل السناتر وكل شي رخيص شهر 7 يغلون اسعارهم


@@@ هي طيارتنا@@



@ @ @

هذا الفندق (رينيسانس) – احنا حجزنا كل شي من الامارات عسب مانتوهق



شوارعهم عكس شوارعنا – وسياييرهم جنه سيارات مال لعوب يلفون ع كيف كيفهم اي مكان – والسكان ع اليمين
ف البداية مخي انجلب عقب رد مكانه خخخ







هالمنظر من الفندق
شوفوا سحبهم كيف (اصلي) مب (تقليد) نفس اللي عنا ملوث ههههه
جوهم نقي والمطر يوميا يطيح على مدار السنة
يعني عادي الشمس طالعة والمطر يطيح
مطرهم عجيييييييييب ودرجة الحرارة عندهم 32 ماتتتغير







يـــــــــــــــــتـــــــــــــــــــبـــــــــــ ـــــــــــع

المزيد من آخر المواضيع من نفس القسم:

• بسافر لكن ،.........
• رحلة ^الدماني^ إلى عالم والت ديزني -...
• سكن فى كولون ارجوكن
• كافيه الكورن فليكس Cereal Killer Cafe في لندن
• رحلة الي إيطاليا
• رحـــلتنــا عــبــر الخــطــوط البـــريــة...
• رحلة ^الدماني^ الساحرة إلى مراكش الحمراء
• رحلتي الى ارض الجمال اوربا من 7 الى 28 /8...
• رحلتي إلـــى ماليزيــــا ( الرقم١ ) شعارها
• رحلة راهيه دوم الى نيويورك أرض الحرية :)

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام -سالم]

بصراحه روعه

[fula]

ما شاء الله روعه انشاء الله استانستي و مشكوره ع التقرير

[بنت (^_^) دبي]

اول مكان سرناله (حديقة الحيوانات)

الحديقة كبيرة وااااااااااااااايد – يعني يبالكم جوتي رياضة
شي دكاكين ف الحديقة اهم شي تاخذون لكم ماي من اول ماتدخلون الحديقة لان يمكن تضيعون ولين ماتحصلون الدكان يباااااالكم
















@ @ @

[نقنوقة]

تبارك الله كانه صورة مرسومه،، عقبال ما أسافر تركيا < شو يخصة *_^ لوول

[بنت (^_^) دبي]

واليوم الثالث ركبنا التاكسي – وقلنا حق الريال ودينا اي مكان سياحي
جان يودينا صوب المنبع الحار (وااااااايد حار)
يقولون زين حق الروماتيزم واغلبية الناس ل يايين شياب وعييايز



[url=http://uaewomen.net/up/index.php?action=viewfile&id=3064][/url


هي بعض صور (المعبد الهندي) او( الكهف)
هالمكان رهيييييييييب انا اول مادخلت قلت سبحااااااااااااان الله كهف بهالحجم وعميييييق وايد
طبعا تصعدون على مااظن 400 دري لين توصلون الكهف
انا كل 20 دري ايلس استريح شوي
بس السبلان مايخلون الواحد ف حاله يتفلون ع الناس ويهجمون عليهم (بس الصراحة احنا كنا نلعوزهم شوي) هع هع



طبعا السبلان ف كل بقعة من ماليزيا



يبيعون اكل حق الحمام والناس يعطونهم عسب جي متيمعين عند المدخل



هذا هو السبال اللي كان يهددنا هههههههه – لاتودون وياكم اكياس لانهم بيهجمون عليكم



الكهف من برع و داخل – بس من داخل ظلام شوي – شي معبد ثاني صغير حق التماثيل بس وقبله نهر












عقب سرنا مركز يسمونه (تايم سكوير) المركز يتكون من بنايتين بينهم نهر وشي قوارب للي يبون يتجولون ف المركز وبرع المركز – بس المركز مخربط ماعرفنا راسنا من ريلنا – واللي عنا احلى بواااااااااايد

[بنت (^_^) دبي]

امــــــا بعد سرنا مكان يسمونه (شلالات) رووووووووووووووووعة – هذا احلى مكان سرتله لان مفتقدين الشلالات ف الامارات – هالمكان عبارة عن حديقة تتكون من 7 شلالات كل شلال فةق الثاني يعني تركبون الدري وعقب شلال لين ماتوصلون السابع
وشي مكان حق السباحة – الشلال ينزل ف حوض يعني حق الشباب اوكي

[بنت (^_^) دبي]

مرينا ع اطول برجين ف العالم اللي هم (توين تور) او (بتروناس) اللي يبون يسرون اخر طابق ويشوفون الاجواء لازم يسيرن الساعة 8 الصبح عسب يعطونكم تذكرة – طبعا شي واااااااااايد محلات داخل ومطاعم باشكالها وانواعها دوم كنا نتعشا هني ف مطاعم عربية – المكان حلو وايد شي حديقة ورا المركز حق اليهال عندهم واااااايد العاب
















هالبرج من داخل ومثل ماتشوفون يتكون من كذا طابق



هالتصوير ف الليل – من الفندق



(المنارة) مثل برج طوييييييل وضعيييييييف وايد – بعد اتسيرون اخر طابق وتشوفون كوالالمبور - هني كان يطيح مطر

[بنت (^_^) دبي]

آخر مكان سرناله وكان من اغرب الاماكن (جنتنج) يسيرون له بالتلفريك لان فوق السحاب – التلفريك كل شوي يرتفع لين ماتدخلون ف السحب ومابتشوفون الا دخااااااان وكل اللي حوليكم ابيض ف ابيض – وطبعا تحتكم غابة كبييييييييرة وايد – كنت خايفة اطيح ف الغابة (وايد اتكلم) بخليكم مع الصور وبرجعلكم






هني بدينا ندخل ف السحب





للاسف انا ماصورت يوم دخلنا ف السحاب الا بالفيديو لان اصلا مايبين شي



وصلنا











نسيت اخبركم (جنتنج) مدينة العاب كهربائية كبيرة نفس الالعاب اللي ف القرية – الدخول ب 60 حق الكبار بس الالعاب بلاش – شي العاب مائية بعد بس ماصورنا

كان يطيح مطر – حسيت ان حد يفر حصا ع راسي لان كنا جريبين من السحب بس فــــــــــن
وبعد سرنا واااااااااااايد اماكن مثل مراكز بس ماصورت

وهي رحلتنا العجيبة – اسمحولي ماقدرت احط كل الصور لان احنا فيها خخخ

انصحكم تسيرون وخاااااصة حق اللي بيسيرون شهر العسل

اتريا تعليقاتكم

[غلا الروح 1]

ربى يهنيج الغاليه

[Roo7_AD]

روووووووووووعه .. خاطريه اسير صوب شرق اسيا



تسلمين يالغلا عالصور

[بنت (^_^) دبي]

اشكركم ع المرور

[راعيه سوالف]

ناااااااااااااااااااايس ان شاء الله بسير بعد اسبوعين ... وبالتوفيق للجميع..

[شوكليت توي]

مشكوره على التقرير الرائع

بما انج كنتي سايره شهر عسل لو سرتي لانكاوي بدال جنتنج احلى

الله يهنيكم

[عزوونة95]

رووعة الصور ماشاء الله ومشكووووووورة يابنت دبي ,,,