أرجو المساعدة؟؟؟؟؟؟؟؟؟؟

**عواشي11** · 2008-07-01, 17:16

أنا عضوة جديدة وحبيت أشاركم ، اريد أسأل سؤال أنا حامل وتوني داخلة التاسع وما اعرف شو أسوي أحد يقولي اشربي حلول.... انا أول حمل لي وما ادري شو اسوي بها الشهر انصحوني اشرب أعشاب او اي شي ثاني اما بخصوص المشي الحين ببدأ أمشي ..... أرجوكم أريد نصائحكم... وتسلمون مقدما.؟..

المزيد من آخر المواضيع من نفس القسم:

**زوجه الياسي** · 2008-07-01, 17:19

الله يسهل عالجمييييع ومااوصييييج ادعيلنااااا..

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين..

**قلب ليوا** · 2008-07-01, 17:27

انا اسبوع وبدخل التاسع بس من اسبوع تقريبا كنت شااربه حلول وانا حاليا اكثر من الزعتر اشربه صبري بعطيج موضوع مفيد مخزنتنه ...

http://uaewomen.net/showthread.php?t=207278
هذا...

والله يسهل علينا وعليج

**um reem456** · 2008-07-01, 17:28

لا تشربين حلول ولا شي
انتي الحينه مب ناقصه
عليج بس اتسوين جدول مشي يومي ولا تنسين اغراض البيبي تأكدي من توفر كل شي وملابسج بعد ما اتربين اشتريلج شي مريح وحلو عسب يرفع معنوياتج وجهزي شنطه المستشفى عسب تأخذينها اول ما يجيلج الطلق

الاكل يكون وجبات خفيفه على خمسه مرات في اليوم وصحي
لا تنسين اكلي سبع تمرات في اليوم اذا ما فيج سكري حمل
الله يسهل عليج الولاده
اذا جالج عوار ما كنتي عارفه انه عوار ولاده اشربي شاي قرفه
اذا خف العوار معناه طلق جاذب اما اذا زاد معناه عوار ولاده

**مغتربة2** · 2008-07-01, 18:32

حبيبتي عليج بالدعاء واكثري من الاستغفار انا ولله الحمد كنت ادعي فكل سجدة انه الله يسهل علي الولادة..

وما مشيت ولا نص كيلو بس يوم بدا طلقي مشيت كم خطوة بالمستشفى،، وشربت ماي زمزم وزعتر لانه الياهل كان موصخ ببطني فقالت لي دكتورة الاشعة شربي زعتر عشان تتطلع الوصاخة الله يعزج..

وكليت عسل وتمر والممرضة يزاها الله خير كانت دوم تقول لي قولي يالله! والحمدلله تميت اذكر ربي وعلى آخر لحظة بغوا يسون لي قيصرية رغم اني الحمدلله ما تعبت وايد بس قالوا نبض البيبي قل تميت اقول لاحول ولا قوة إلا بالله وانا كلي رجاء من رب العالمين انه الياهل ينزل ،،اقل من دقيقة انفتح الرحم ونزل الراس

والحمدلله ربي ما قصر وولدت..

وانصحج بهذا الدعاء ما تم حد إلا ونصحته به "اللهم يا خالق النفس من النفس ومخرج النفس من النفس ومخلص النفس من النفس خلصني.

**حرم المهيــري** · 2008-07-02, 13:47

الحلول بيسبب لج اسهال والاسهال بيسويلج جفاف ؟؟؟

حاولي تاخذين من خبرة امج الغاليه وان شالله تربين بالسلامه

**HinD...!** · 2008-07-02, 13:58

الله يسهلج عليج حبوبة

**ورديه** · 2008-07-02, 13:59

لا تشربييين حلول شربي زعتر واااااايد سويلج دله وشربي قد ماتقدرين وامشي وايد والله يسهل علينا وعليج ان شاء الله ....

**E-biz Lady** · 2008-07-02, 14:10

الموقع اللي معطتنه الاخت قلب ليوا وااااااااااااااااااااايد مفيد
الله يسهل عليج وعلينا يا رب

**عواشي11** · 2008-07-02, 16:13

مشكورين حبايبي ( قلب ليوا ، um reem456 ، مغتربة2 ،حرم المهيــري ، HinD...! ، ورديه ، E-biz Lady ) على المعلومات ، لكن أنا ما أحب التمر لكن بمشي إن شاء الله وبشرب زعتر وما بقصر بالدعاء وإن شاء الله بدعي لكل حامل يسهل ولادتها ويعطي كل زوجة ذرية صالحة ..... ومشكورين وااااااااااايد. والله يسهل علينا وعليكم
...

الموضوع: أرجو المساعدة؟؟؟؟؟؟؟؟؟؟

أدوات الموضوع

عرض

العرض المتطور