ريلي يبا ينام.!؟

[ترانيم القلوب]

السلام عليكم

خواتي انا عندي مشكله ويا ريلي

هو مووول ما ينام الليل لين يتصلبي

يقولي يا فلانه نومي

وانا ماعرف شقا انومه وانا ارمسه عالفون.!؟!؟!

يقولي انا يوم فالغربه اتصل ف اختي واتنومني دووم وانتي حرمتي ما اتسوين هالشي

و دوم يزعل على هالموضوع

وانا مب عارفه شسوي

ساعدوني بليز وعطوني طريقه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ra3yt mood]

سالي اخته كيف كانت تنومه ؟؟

ماعليج الريااييل مثل اليهال ويحبون يدلعون

صدقيني وايد سمعتها كل ما تعاملين الطفل بحنيه ودلع يحبج اكثر والريل نفس الشي

عادي سولفي وياه .. ذكريه بايام حلوه .. قوليله سوالف بس تكون حلوه وتونس ( وتنعس )

حاولي تعرفين منه شو يحب .. طبعا لاتسالينه على طوووول ........ شوتباني اسوي شوتباني اقول ؟؟؟ ترى هالشي يضايق

يعني انتي وشطارتج اعرفي منه شو يحب وسويه مهما كان ترى فالاول والاخير ريلج

الله يهديه ويسخره لج

^^

[بنت البوادي]

اختي ليش انتي مصعبه الموضوع دقي حق اخته اونه تبين تسولفين وياها وعقب قوليلها والله فلان اشكثر يحبج ودوم يطريج وما اعرف شوو وقوليها دومه يقولي يوم كنت في الغربه ادق حق اختي وانتم انسولف لين ما ارقد ليش انتو شو تقوليه عسب يرقد على الفون ابا اعرف هالسر الخطير
وجي وبس وانتي وشاطرتج عاد ويه اخته

[روحي_تحبك]

موضه الكل هاب فيها هالايام اختي ,,
سالي اخته ,, وحاولي ترضينه بكل الطرق

اتمنى لج الحياه السعيده

[زلال2008]

حليله ريلج .. مثل ما قالوااا خواتى حااولي انج تسالين اخته بس بطريقه غير مباااشره ... وطبقيهاا ويااريلج .. شو رايج انه وحده من ربعي ما يرقد ريلهاا الا اذا تمت تلعب بشعره عادي ساعه ساعتين عسب جيه اتحملي ريلج وحاولي اتسوين اي شي يسعده ... والله يوفقكم ويرده لج سالم ...

[إيمان الساحره]

وانا جيه بعد ريلي ومرات اطفر بس ما أبين له اني طفرانه واحاول اقووله كلاام حلو . ..

[قلبي من ألماس]

هههههههههههههههههههه

نفس ريلي خخخخ

بطرش لج عالخاص بخبرج كيف >>> طريييقة سررريه هههههههههههههههههه

الله ييسر لج ان شالله

[s0fty_soul]

الموضووع وايد سهل من غير حتى ماتسالين بس اول مرة اسمعها اخته ترقده انا ريلي جيه يقولي من خذني واتم اسولف عادي وياه بس برقه ودلع ويوم اشوفه على وشك اقوله حبيبي سم بالرحمن وحط راسك ع صدري وارقد واكمل سوالف شوي عقب اقوله تغطى عدل يعني هو دلع ورقه واهتمام وبتشوفينه رقد

[basko0ota]

عادي حبوبه بس اخته كانت ترقده !!!!
انتي يوم يتصلج فليل حاولي انتي بعد ترقدين نفس الوقت عشان اييج ارقاد واتخيلي انه وياج اذا تبين باقي التفاصيل راسليني عالخاص ههههههههه

[قلب-أبدويه]

الغاليه لا الله لا تخبيرين اخته ولا شي هاذج اخته واني حرمته وسوالف الاخت غير وسوالفج غير غير ودلعج غير بزيه وعندج اياه ترا الريال ياهل ويحب الحنان والبزا .

اخته بتقوله سوالف عاديه وانت بتقوليله سوالف غير بيتوله لها من خاطره .

[بنوته كفالي]

تمي كلميه لين مايرقد ع الخط و عقب ماتتأكدين انه رقد

سكري

[نبض أحمد]

انا اقوله قصه ..
وكل يووووووووووووووووووووووووووم نفس القصه ..
اونه قصتي انا وهو ..
واحيانا اتعب واخليه هو يكملها ههههههههههههه

<<< يهال يهال نحن ..

ربي يوفقج وترقدينه ان شاءالله خخخخخ

الله يسعدج يالغلا ..

[القمر 2002]

عاااااااااادي اسهل من كده مافيش بس استحي اكتب بالتفاصييييييل خخخخخخخخخخخخخخ

[OM MUBARK]

ماا ادري بصراحـــه شو بعد اقوله قصة ليلى والذيب ههههه
ان شاء الله البنات يفيدونج

[احبه موت]

انتي ترقدينه اوكيه لكن كيف اخته ترقده بعد
<_>