مراحب

**الاغفليه** · 2008-06-26, 15:04

رجعتلكم وبخبركم مغامرتي في الولاده صح ما خبرتكم الله رزقني اب بنوته حلوه وسميتها ريم..

خلونا ويا القصه

يوم الاحد تاريخ 20الصبح كنت اشوف فلم عرسي مادري ليش دق اف بالي اني اشوفه وعقب ما شفته حطيت راسي ورقدت ونشيت العصر وسرت الحمام عزكم الله احس وانا امشي شرات الماي الخفيف ينزل مني عاد انا خفت الانه هذا اول حمال لي وماعرف شو السالفه ماي بدون الم والمصيبه الكبرى انه ريلي دوااااام المهم اتصلتله فديته وقلتله ينزل مني ماي قالي تمي يالسه انا الحين بستأذن وبييج قلتله اوكي وحليله استأذن وعلى طول الدرب يالس يكلمني يالين ماوصل البيت دش علي الحجره حسيتبه زاااايغ المهم انا ساكنه ويا اهله واخو ريلي ماخذ اختيه العوده وكلهم حسو انه فيه شي طلعت وانا اضحك اوني ميوده عمري مابا اصيح من الروعه سرت عند اختيه وعطيتها ككاو هيه تحبه وسولفت وياها وشافتني لابسه عباه تتحراني بسير الممشى امشي قالت بيي وياكم قلتلها لا ابا اطلع انا وريلي ابا ارمسه اف موظوع برع البيت قالت اوكي
وحليلها ماتدري على قولت ريلي اني يالسه (( أخر) ههههه المهم سرنا المستشفى مستشفى دبي دشيت الطواري وترى مول ما حسيت اب الم دشينا انا وريلي شرات المهابيل مانعرف شو نسوي دشيت الطواري عند الحريم طبعن ريلي مادخلوه لانه مكان حريم المهم انا دشيت وشفت دكتوره يالسه على الكرسي وانا الماي تحت ايصب شافتني وصدت عني الصوب الثاني كرهتهاااااااا قلتلها الماي نازل تقولي شرات الحنفيه قلتلها انتي شو تشوفين يعني تمت تلعب الخايسه اف تيلفونها عقب دقيقتين نزلت المبايل من ايدها ومن ورا خاطرها قالتلي تعالي وحليلي غمضت عمري سايره من دون الوالده الانها تخاف وحالفه علي يمين ما اخبرها اني بربي المهم انا ما تحرطمت ولاتنازعت على الدكتوره الانه انا المحتايتنها

المهم
اكشفت علي قالت مسكر عندج قلتلها كيف امسكر والماي وايد تخيلو الغبيه شو قالت قالتلي اونه الماي اللي يصب يمكن التهابات كيف الاتهابات وهو يصب وايد المهم قالتلي انتي وين ساكنه قلتلها عيمان قالت بعيد حاست بوزها يمين ويسار المهم قلتلها هذا مب الاتهاب هاذا ماي البيبي قالتلي بنشوف شو رايج اخذلج عينه من الماي ووديها المختبر بكل بروووود قلتلها اوكي
تخيلو الماي عندي نازل من الساعه 2 الضهر المهم ودو العينه المختبر وطلع ماي البيبي وحجزوني وووووو تميت وماشي الم الحمد الله فتح عندي 2 سانتي بدون الم وتميت الين الساعه اثنعش فليل وبعده 2 سانتي تحميلة الطلق وما سوت شي وهم ايركبولي السيلان ( المغذي اللي يسرع الطلق ) شفت الوالد ه يايه فديتها من الراس الخيمه هيه والوالد واختيه العود ه عااااااد نحن دلوعين البابا المهم اول ما شفت باباه تميت اصيييييييييح واصييييييييح وهو وحليله تعب وانا اصيح وهو يقولي أميه يعورج وايد وانا اقوله ماشي شي يعورني قالي عيل ليش اتصيحين قلتله عشان شفتك وتميت اصييييييييح ومات علي من الضحك هو وريلي المهم تمت الوالده تقرى علي قراااان مادري كيف اول مره تحضر ربى بنتها على قولتها انا الغاليه من بين خواتي خخخخخخ المهم عقب ما حطولي المغذي اللي يسرع الطلق بدت الالام وانا اصيح والوالده تقرى علي وتصيييييح واختيه العوده ادموعها عالقه فعيونها استوت شرااات همتااارو ههههه المهم وريلي فديته ميود ايدي وانا اصيح ومحطي راسي على صدره وانا اصيييييييح أف والله الحين يتني صيحه اتذكره يوم ايقول هذا كله مني كله مني وهو يصيح والوالد طايح يسكته فديته الله لايحرمني منه المهم ارجع لمحور حديثي
طبعن انا الدكتوره اللي كنت اراجع عندها قبل لا اربي بريطانيه وكانت اتشجعني اني اخذ ابرت الضهر واول ماياني الويع ريلي صرخ على النيرسات تعالو عطوها الابره تعالو وانا اصيح عاد العور ايي ويسير وانا قاصه عليهم طايحه اصيح طول الوقت عسب اغمضهم ويو وجيكو لقو 3 سانتي نزلوني غرفت الولاده وعطوني ابرت الضهر والحمدالله ما حسيت غير كأنه وخز ابره وعقب رجعوني غرفت الانتضار وياني ريلي وامي وابوي واختيه عاد هم مايدرون شو هاي الابره لو درو جان الوالد ه بتحلفله يمين مايعطوني اياها عشان سالفت الشلل والخرابيط اللي يخربطونها الدكاتره عن هاي الابره المهم رجعت وانا اضحك واسولف وتكعكع وريلي يغمزلي وانا اضحك والوالده تقول شو سووبج ليش ما تتويعين قامت ادعي على عمرها ياربي برد عليها العوق يالله تفكها يالله تسهل عليها ترى فيه معتقد عند البدو انه الويع يبرد يعني بطول الحرمه مال يوم ازياده عشان اتربي قامر ريلي وهداها وسكتت عرفت السالفه عاد انا مالي بارض على تسألات الوالده المهم الحمدالله فتح عندي الرحم 8 سانتي وانا مب حاسه اب شي نزلوني غرفت الولاده وربيت الحمد الله ويت ريم شيخت الحريم

شو رايكم بمغامرتي ؟؟؟؟؟؟؟

صح للي بيقولون انه هاي الابره ضاره ومساوئها بعد فتره انا من ربيت كملت شهرين ما حسيت انه فيه شي وبنت خالي ما خذتنها من ثلاث سنوات ولا حست بمضاعفتها وانا انصح اي وحده تربي تاخذها للعلم انه الدكتوره البريطانيه قالتلي نحن في بلادنا مانولد الا لازم ناخذ هاي الابره وهنيه ليش يخوفونا بقولكم الصدق الانه سعر هاي الابره غاااالي غاااااالي ويبونها حق ربعهم اللي منهم وفيهم وثاني شي اللي بترمس عن سالفت الاجر والثواب لو كان هاذا الشي موجود اف زمن الرسول عليه السلام جان نصح الناس فيه الانه الدين يسر وليس عسر

الموضوع: مراحب

أدوات الموضوع

عرض

مراحب

المزيد من آخر المواضيع من نفس القسم:

المواضيع المتشابهه

مراحب

مراحب

مراحب