شوربة بطاطس مع جبنة حلوم .. تجنن

**غالي حنانك** · 2008-06-26, 06:28

شوربة بطاطس بطريقتي ..
المحتويات :
بطاطس ..
ملعقتين طحين...
ماجي..
كوب ماي
بصل مفروم ...
ذره ..
جبنة حلوم مقطعه الى مربعات صغيره ..

اول شي تقشرين البطاطس وتقطيعنه شرائح خفيفه .. وتسلقينها بالماي لمدة ساعه ساعه ونص لين ما ينضى .. بعدين تحطينه بمشخله لين ما تبرد شوي تقريبا ربع ساعه وتحطينه بخلاط وشوية ماي وتخليطنه مع بعض .. عقب تحطين زيت في الجدر ويوم يحر تحطين الطحين تقلبينه بسرعه وعلى طول حطي البطاطس المطحون عليه.. وحطي الكوب الماي وتمي جلبيه حطي عليه البصل ماجي والذره وجبنة حلوم تمي جلبيه ربع ساعه .. لو شفتيه غليظه وايد زيدي شوي ماي .. وخلاص
اكثر شي يتخبل عليها في بيتنا اليهال ما شاء الله عليهم يستانسون فيها .. وغير جذيه وايد مفيده ..

المزيد من آخر المواضيع من نفس القسم:

**سكوكه** · 2008-06-26, 12:41

مشكوره على الوصفه وانا وايد احب الجبن حلوم

**غالي حنانك** · 2008-06-27, 04:50

المشاركة الأصلية كتبت بواسطة سكوكه

مشكوره على الوصفه وانا وايد احب الجبن حلوم

بالعافيه حبيبتي ..

**غالي حنانك** · 2008-06-27, 04:52

المشاركة الأصلية كتبت بواسطة أم ريوف

شكرا عالوصفة

بس معليش شن هو جبن الحلوم ؟؟ ما عرفتاش

العفو يا عمري ..
جبنة حلوم تلاقينها في الجمعيات مكتوب عليها جبنة حلوم هيه تكون تقريبا مربعه وصلبه .. يعني مب سائله .. وحتى لو حطتيها على النار ما تذوب .. بس طعمها روعه .. وبالعافيه حياتو

**الطيوح** · 2008-06-27, 06:03

يعل ربي يسلم ايدج عوقناااااااااااااااااااااااااااااااااااااااااااااا ااااااااااااااااااااااااااااااااااااااااا الجبن الحلوم

**(أم سلطان)** · 2008-06-27, 16:04

مشكورة الغالية...
بجربها ان شاءالله

**دلع الحب** · 2008-06-27, 21:27

شكرا حبيبتي ،،،،،
ترا هذي الشوربه مفيده جدا للصغار
بسويها لم انشاء الله

**maha pink** · 2008-06-28, 20:48

مشكورة الغالية...
يعل ربي يسلم ايدج

**ra3yt mood** · 2008-06-30, 06:54

الغاليه شو الطحين الي استخدميه ؟؟ وكم مقداره

واخر شي تطلع الشوربه .. غليظه ولا رفيعه

ياليت تحطيلي المقادير بالضبط يعني كم بطاطس وكم طحين وكم ذره ... الخ

لاني مب شاطره فالمطبخ وحابه اتعلم .. وتقريبا كل مقادير هالشوربه تعيبني ؟؟ السموحه اذا بتعبج ويايه

^^

**غالي حنانك** · 2008-06-30, 13:55

المشاركة الأصلية كتبت بواسطة ra3yt mood

الغاليه شو الطحين الي استخدميه ؟؟ وكم مقداره

واخر شي تطلع الشوربه .. غليظه ولا رفيعه

ياليت تحطيلي المقادير بالضبط يعني كم بطاطس وكم طحين وكم ذره ... الخ

لاني مب شاطره فالمطبخ وحابه اتعلم .. وتقريبا كل مقادير هالشوربه تعيبني ؟؟ السموحه اذا بتعبج ويايه

^^

بنسبه لي انا يوم اسوي تقريبا جد صغير ..
ثلاث بطاطس تقشرينهم وتقطيعهم مدور رفيع وتسلقينهم في ماي حار لمدة ساعه او ساعه ونص ..
بصله متوسطه الحجم تقطيعينه مفروم ..
ملعقتين طحين ( طحين رقم واحد )
حبة ماجي ..
ذره تقريبا نص كوب ..
جبنة حلوم .. تقريبا نص حبه تقطيعنهم مربعات ..
وملح حسب الرغبه
وكوب ماي ..

اول شي تقشرين البطاطس وتقطيعنه شرائح خفيفه .. وتسلقينها بالماي لمدة ساعه ساعه ونص لين ما ينضى .. بعدين تحطينه بمشخله لين ما تبرد شوي تقريبا ربع ساعه وتحطينه بخلاط وشوية ماي وتخليطنه مع بعض .. عقب تحطين زيت في الجدر ويوم يحر تحطين الطحين تقلبينه بسرعه وعلى طول حطي البطاطس المطحون عليه.. وحطي الكوب الماي وتمي جلبيه حطي عليه البصل ماجي والذره وجبنة حلوم تمي جلبيه ربع ساعه .. وعقب اذوقي اذا بغيتي ملح زياده حطي اذا اكتفيتي خلاص .. لانه اصلا جبنة الحلوم فيها ملح .. يعني الملح حطي في الاخر اذا لزم الامر ..
وبنسبه لسؤال اذا تطلع غليظه ولا خفيفه .. على حسب انتي شو تبين .. هيه في الاول تطلع غليظه بس لو انتي تحبينها خفيف زيدي ماي .. لين ما توصلين لسمك الي انتي تبينه ..

**ana123** · 2008-06-30, 14:37

مشكوورة

**قمر بوظبي** · 2008-07-01, 05:22

حلوووووووووووووووووو

**روح أبوظبي** · 2008-07-01, 13:18

تبين حلوة يبالي اجربها
يعطيج العافية ^ ^

**(NADA)** · 2008-07-02, 13:42

رووووووووووووووووووووعه ان شاءالله بجربها لاني اموت في جبنة حلوم ^_^ مشكووووووره الغاليه

**سارونة الحلوة** · 2008-07-02, 13:47

شكرا عالوصفة

الموضوع: شوربة بطاطس مع جبنة حلوم .. تجنن

أدوات الموضوع

عرض

شوربة بطاطس مع جبنة حلوم .. تجنن

المزيد من آخر المواضيع من نفس القسم:

المواضيع المتشابهه

شوربة جبنة شيدر تجنن

سحوري : سلطة مع جبنة حلوم

شوي جبنة حلوم

شندويشات جبنة حلوم بالصور,,,الطريقه سهلة

جبنة حلوم للفطاير