ندمت على الزواج

[wadia]

لو سمحت أبي رايكم و مشورتكم

بصراحة ما عندي مشكلة شخصية مع زوجي بس مع أخواته,

أنا ساكنة مع أهله و ما مرتاحة أبدا و عندي بيبي

من9 شهور تقريبا ثنتين من خواته صرخن علي و نازعني و بصراحة هن سليطات اللسان و متكبرات بس خدومات و ما قصرن معي في البداية
و أنا زعلت وايد وما أكلمهن لين الحين و لا أسير عندهم اللهم طول الوقت داخل بيتي منخشة؟

أنا ما غلطت عليهن بس هن كان يكلمن أخوهن بصوت عالي و انا قلت ليش تعلن صوتكن عليه بس و هن اشتكن و قالن ليش تدخلين و بعدين سبني و تضاربن ويا أخوهن

الحين أنا ندمانة أشد الندم أني تزوجت واحد مسؤول عن أخواته و أهله
وعقب هذا الموقف أنا كرهتهن و كرهت التعامل مع وايد ناس يقربولي , أريد أستقر و أرتاح

بس شو رايكم و شو اسوي؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وردة الجاردينيا]

يا بنت الحلال تعوذي من ابليس

الحمد لله المشكله هب مع ريلج

ما عليه حبيبتي تحملي و اعذريهن ترى الخوات اللي هن خوات يتهاوشن مع بعض

ما عليه الحياة فيها الحلو و فيها المر تحملي حبيبتي و طوفي انا ما اشوف انهن غلطن وايد عليج

انتي بروحج قلتي انهن ما قصرن معاج من البدايه فاعذريهن

[جمر بارد]

رابطه راسج بلايا ويع ليش

هم ويا اخوهم كيفهم

انتي شلج

برايهم

رووح بعيد وانته سالم

[حلوه وقموره]

تحمليو طنشيهم وسوي طاف وعيشي حياتج ماعليج من حد اهم شيء ريلج يكون زين معاج بعدين حاولي تصلحين الامور
وتكونين شرحه وتنسين الزعل وعيشي يومج وكوني احسن منهم

[الوفيه]

حبيبتي لاتدخلين بينهم وبين اخوهم

[صـدى الأمل]

الله يوفقج في حياتك

عزيزتي مشكلة بسيطة ولاتحتاج لهذا القرار وهي خاصة بزوجك وخواته

نصيحة لاتتدخلين بينهم لأنهم أهل وبيتصالحون بسرعة إبعدي نفسج وبتسلمين من المشاكل

[wadia]

بصراحة هن يضربن الشغالات و و يشتمنهن و أنا كنت فخاطري \أزعل عالشغالة فلما تنازعن وياي حسيت بنفس الموقف الموضوع في كرامة نفس ؟

[أم عامره]

هاااي مشكلتنا نحن مااانحب انجوووف شي غلط ونسكت
بس اهم شي ريلج وخليييج ابعيده احسن عشااان ماااينرد عليج الغلط والله يسااامحن وخلي قلبج كبيررررررررررر

[قلبي صامت]

رووح بعيد وانته سالم
ما يخصج فيهم حبيبتي و هذا النقاش بينهم و بين اخوهم يمكن ما يبونج تتدخلين
ربي يسر لج امورج ان شاء الله

[@بنت عز@]

انا بصراحه نفسج مضايجه منهم .. بس انا مسويه طاااااااااف من الخاطر و عايشه حياتي ويا ريلي بأحلى ما يمكن ..

أهم شي انج ما تدخلين في أمورهم العائلية و تكونين بعيده عن حياتهم و ما تبدين رايج في أي شي الا اذا هم طلبوا منج المساعده ,،، و دوم خليج سمايل فيس كله ابتسمي و شوفي شقايل ما بيصبرون عنج ..
وبس ع فكره انا بعدني مالجه يعني ما عرست و اجربت منهم أكثر ،، و ريلي قالي ما بسكنج عند اهلي ..

يعني ابعد بعيد وارجع سالم ؟؟

والسمووووحه

[أموناليزا]

يا بنت الحلال تعوذي من ابليس

الحمد لله المشكله هب مع ريلج

ما عليه حبيبتي تحملي و اعذريهن ترى الخوات اللي هن خوات يتهاوشن مع بعض

ما عليه الحياة فيها الحلو و فيها المر تحملي حبيبتي و طوفي انا ما اشوف انهن غلطن وايد عليج

انتي بروحج قلتي انهن ما قصرن معاج من البدايه فاعذريهن

كلام الاخت سليم 100% خذي نصيحتي ولو انج بتشوفينها واااااااااااااااااااااااااااااااااايد ثجيلة على نفسج بس والله ثجيله في البدايه بس وعقب انشالله بتدعيلنا قولي حق ريلج ابغي اكلمهن ونتصالح وفي يوم جذه خلي ريلج يكون موجود وتاكدي من وجودهن في البيت ومافي حد غريب موجود وقولي حق بو الشباب ياخذ عشا وكيكه وخليه طبعا يخبرهم انه لا يسوون عشى هو بييب اذا سإلوه ليش يقول يمدحولي مطعم وبنجرب أكله ووقت العشا شلي البيبي وسيريلهم انتي وريلج وخليه هو يزقرهم وكلهم ويقولهم شوفوا انتوا خوات وانا مابتعشا الين تتصالحون وماله داعي نفتح الموضوع ونعيد ونزيد فيه لانه شي فات وانا احترمكم كلكم ومافي وحده منكم تهون علييه والحين بيي رمضان فكيف بتمون جيه حرام عليكم يالله سلموا عبعض ( واذا وحده منهن قالت انتي الغلطانه قوليلها انزين اسمحيلي يالله عاد من عفى واصلح فأجره على الله ) وانتي وريلج تكلموا بخفه روح يعني مب جنه مجبرين .
حبيبتي في الحياه لازم اطوفين أشياء وايد وحطي بالج من هذي الجمله ( الدنيا مثل البحر فيها أمواج عااااااااااااااااااااااااااااااااااااااليه والانسان الذكي مايخلي هذي الامواج تهزة لا بالعكس ينحي براسه شوي ويخلي الموجه تعدي وعقب يرفع راسه وهو مرتاح . ) وتعلمي درس من هذي السالفة ثاااااااااااااااااااااااااااااااااااااااااااني مره اذا سمعتيهم يكلمون ريلج أو أخوهم الثاني بصوت عالي ولو حتى يفاتنون عليه مالج خص تدخلين لانه مهما صار هو اخوهم وانتي الغريبه . أنا بترياج تبشريني وتقوليلي يزاج الله خير تصالحنا

[عزي قرآني]

مصير الهم ينفرج
ان شاءالله بي يوم ويكون لج بيت روحج
وبتفتكين

[هيا1]

ما عندج سالفه تدخلين الغالية بينهم .. أنا لو منج لو أشوف إنه شبت النار بينهم مووووول ما أتدخل .. وبس .. إنتي الله يسامج دقيتي الباب وسمعتي الجواب وهم بعد ما طلعن محترمات ... الله يهدي الجميع وبس وإيسر أمورج ..

[دنيا الوله^,^]

اختي يوم انج تعرفينهم من ها النوع ليش تتدخلين
اختي نصيحه لا تتدخلين من بينهم ولا لج شغل شو يسون الانه مب من مصلحتج مول
وترى عندج ولد وريل مافي داعي ها القرار

[سلواه]

اختي انتي الغلطانه

دام ريلج كان ساكت يوم اهم يتكلمن جي

فليش تدخلتي انتي بينهم

المفروض ماتدخلي بين لاخووان لانه لازم بعصبوووون

تعلمي درس ولا تتدخلي في امورهم مره ثانيه دام هم مايبون

تعوذي من شيطان وخليج احسن منهم وخذي اجر من الله