اسئلة؟؟؟؟؟؟؟

**عوشة** · 2008-06-25, 08:00

السلام عليكم ورحمة الله وبركاته

خواتي انا بنتي عمرها شهرين وهذي اول بيبي لي وعندي وايد اسئله.... بليييييييز ردوا علي من تجاربكم...

السؤال الأول: انا ما اقمط بنتي الا نادرا لأنها اتم تتعصر يوم اقمطها لين ما اطلع ايديها وترقد.. عادي؟؟ ولا لازم اقمطها غصب؟؟ وهل صح ان البيبي اللي ما يتقمط ما يمشي عدل بعدين؟؟ والله خايفة

السؤال الثاني: من ثالث يوم ولاده وللحينه وبنتي عيونها فيها رمد وتوسخ ومحمرد والفتره عيونها مستويه صغار اهيء اهيء فديتها والله,, هاي العين اليمين... جربت مرهمين وقطره للعين عطوني الدكاتره وتخف عيونها بس بعد فتره ترد ترمد.. شو الحل؟؟ والله فديتها قلبي وايد معورني عليها وماعرف شو الحل؟؟؟ حتي من حليبي اعصر في عيونها بس ماشي فايده

السؤال الثالث: من اسبوع وبنتي كل اتمصص اصابعها حتى لو شبعانه وماعرف شو اسوي ومثل ما قلتلكم تراني ما اقمطها وتيلس تتعصر وتصيح لين ما اطلع ايديها وعقب تيلس اتمصص فيهم.. اعطيها مصاصه بس تعقها وتيلس اتمص اصابعها.. شو الحل؟؟؟

السؤال الرابع: بنتي عندها لحمه صغيره صوب اذنها.. الدكاتره قالولي بسيطة بس لا تستعيلين عليها اتريي لين ما البنت تكبر وبعدين سوي جراحه عسب اشيلونها.. منوا تعرف بهالحاله؟؟

السؤال الخامس: بنتي ضعيفونه ماتمتن شو اسوي عسب تصحصح شوي؟؟؟

وربي يحفظكم وكل من ترد علي بدعيلها من قلبي

المزيد من آخر المواضيع من نفس القسم:

**Mis.Dior** · 2008-06-25, 08:09

صباح الخير غناتي انا عن نفسي ما اعرف بس بخصوص القماط ما اظني البنت ما بتمشي سيده لان الانجليز نفس الشيء ما يقمطون عيالهم ... واشوفهم يمشون سيده ؟؟؟!!!

و بخصوص التعصير اذا انتي تبين تقمينها عادي لو تصيح طنشي و بعدين روحها بتعود ودامج بتقمطينها خلاص مص الصبوع هب مشكلة ...... لانها ما بتروم

و بخصوص الرمد ما عندي خلفيه الله يشفيها ان شاءالله ...

و اللحمه الزايده الكتور كفا ووفا ..

اهم شيء حياتي لاتمين توسوسين ...

**بناتي عمري** · 2008-06-25, 08:40

وعليكم السلام ورحمة الله وبركاته

أنا بنتي كانت شرات بنتج من ما أقمطها تتعصر وتطلع إيدها واتمصها

ف خليتها ع راحتها والكل كان يقولي مب زين عليها وع جسمها بس الحمدلله كبرت

وما فيها إلا العافيه

وما فيها شي لو تمص أصابعها فتره وبتودر هالشي

وهي كانت ضعيفه مع إنها تاكل وتشرب عادي بس هذا طبيعة جسمها

يعني إنتي من ما تكبر بنتج شوي وتتعلم ع الأكل بتتغير لكن إذا تمت ضعيفه

فهاي طبيعة جسمها المهم الصحه

وبالنسبه للعيون هاي كانت معاناتي مع بنتي الثانيه الله يحفظها إستعملت مراهم وقطور

يمكن 4شهور تقريبا لين ما خفت الحمدلله وإن شاء الله بنتج بتخف
والله يخليلج بنتج ويحفظها من كل شر

**الامارات999** · 2008-06-25, 11:41

السؤال الأول: انا ما اقمط بنتي الا نادرا لأنها اتم تتعصر يوم اقمطها لين ما اطلع ايديها وترقد.. عادي؟؟ ولا لازم اقمطها غصب؟؟ وهل صح ان البيبي اللي ما يتقمط ما يمشي عدل بعدين؟؟ والله خايفة

من خلال تجربتي ان القماط يربي الياهل حتى انا عيالي كانو يطلعون ايدينهم بس اقمطهم على الاقل 4 شهور

السؤال الثاني: من ثالث يوم ولاده وللحينه وبنتي عيونها فيها رمد وتوسخ ومحمرد والفتره عيونها مستويه صغار اهيء اهيء فديتها والله,, هاي العين اليمين... جربت مرهمين وقطره للعين عطوني الدكاتره وتخف عيونها بس بعد فتره ترد ترمد.. شو الحل؟؟ والله فديتها قلبي وايد معورني عليها وماعرف شو الحل؟؟؟ حتي من حليبي اعصر في عيونها بس ماشي فايده

الغالية انا بعيالي كلهم ياهم بس هذا مب رمد يمكن ايكون عندهم انسداد في القناة الدمعيه فلازم اتسوين الها داااايما مساخ امبين خشمها وعينها

وراجعي الدكاترة واستمري على المدة الي يعطونج عليها مب يوم اتشوفين البنت صحت تخلين الدوا

السؤال الثالث: من اسبوع وبنتي كل اتمصص اصابعها حتى لو شبعانه وماعرف شو اسوي ومثل ما قلتلكم تراني ما اقمطها وتيلس تتعصر وتصيح لين ما اطلع ايديها وعقب تيلس اتمصص فيهم.. اعطيها مصاصه بس تعقها وتيلس اتمص اصابعها.. شو الحل؟؟؟

الغالية جذية البنت تلعب بس لازم ما تخلين هاي تستوي عادة عندها

لبسيها قفازات وبتنسى صبوعها

السؤال الرابع: بنتي عندها لحمه صغيره صوب اذنها.. الدكاتره قالولي بسيطة بس لا تستعيلين عليها اتريي لين ما البنت تكبر وبعدين سوي جراحه عسب اشيلونها.. منوا تعرف بهالحاله؟؟

واااايد حلات عندنا بنت عمي كان في راسها وسو الها عملية وبنت اختي كان في بطنها والحين الحمد لله اختفت
بس الغالية اتحملي لا تنشمخ او تنجرح لان واااايد خطر عليها
السؤال الخامس: بنتي ضعيفونه ماتمتن شو اسوي عسب تصحصح شوي؟؟؟

اسالي الدكتورة مالت التطعيم هل نموها طبيعي اذا قالت طبيعي توكلي على الله والله المتن ما فيه فايدة على الاقل بترحمين بنتج من عيون الناس الي ما تصلي على النبي

وربي يحفظكم وكل من ترد علي بدعيلها من قلبي[/QUOTE]

الموضوع: اسئلة؟؟؟؟؟؟؟

أدوات الموضوع

عرض

اسئلة؟؟؟؟؟؟؟

المزيد من آخر المواضيع من نفس القسم:

المواضيع المتشابهه

اسئلة محتاجة لمن يساعدني اسئلة منوعة

بس 3 اسئلة

اسئلة عن الحمل

اسئلة !