كيف اعمل عمرة

**غاده مصريه** · 2008-06-21, 13:50

اخواتى الاحباء..السلام عليكم
انا فى الامارات الان فى رأس الخيمه باتمنى اعمل عمرة منهنا ..كيف ذلك وهل المسافه لمكه قريبه تصلح بالسياره...دعواتكم اخواتى

المزيد من آخر المواضيع من نفس القسم:

**فلانة** · 2008-06-21, 15:46

المسافة تقريبا 2000 كيلو متر

تتجهين من راس الخيمة الى المنفذ الحدودي في السلع يبعد عن مدينة أبوظبي حوالي400 كيلومتر

من المنفذ الحدودي في أبوظبي(السلع) الى الرياض حوالي 1000 كيلو متر ويستحسن المبيت ليلة في الرياض (للنوم)

من الرياض إلى مكة تقريبا 800 إلى 900 كيلو متر

الصراحة نحن سافرنا السنة الماضية بالسيارة صح تعب لكن اللي خفف علينا انا كنا مجموعة تقريبا ثلاث سيارات

بس والله لج الأجر والله يكتب لنا هالسنة ونزور مكة مرة ثانية

**أمووون** · 2008-06-21, 15:59

انا سرت العمره بالطيارة.. مرة وحدة... وان شاءالله الله يرزقني وأسير الحج...

الطريج متعب بالسيارة... انا سرت البحرين والكويت بالسيارة.. وتوووووووبه اروح

ماشاءالله وايد حملات يروحون بالباصات... يقولون شوي تعب بس عادي كله يهون عشان مكه...

بس اختي.. اظن فيه اجراءات لازم تسوينها قبل ما تروحون لأنكم مقيمين...

اتصلي القنصلية السعودية في دبي وشوفي شو الاوراق اللي تحتاجونها...

بعدين مرة في البث المباشر سمعت محمد بن سليم رئيس نادي السيارات يتكلم عن التصاريح اللي يفضل الشخص اللي بيسافر بالسيارة ياخذها.. اعتقد يدفع رسوم عشان هالتصريح ويكون شامل للضرائب والتأمين...

بالاضافة لا تنسون الكتيبات...

ونصيحة مني لأني سافرت بالبر مرة وحدة... لازم تعبون السيارة بنزين عند كل محطة تشوفونها.. لأنه بعض الاحيان ما تحصلون محطة بنزين لمدة ساعتين قريبا (هالشي صادفنا ونحن متجهين الكويت).. بس نحن كنا نعبي السيارة كل شوي من خوفنا انه ما نحصل محطات...

بس هالوقت ان شاءالله بتحصلون واااايد مسافرين وياكم في الطريق.. يعني ماشي خوف ان شاءالله..

الله يتقبل منكم عمرتك ان شاءالله مقدما

**znoOoOb** · 2008-06-22, 00:05

الخوات ما قصروا ري يتقبل عمرتكم
وأسألك الدعاء

**غاده مصريه** · 2008-07-07, 16:30

جزاكن الله خير ......ما قصرتن

**om dana123** · 2008-07-07, 23:18

أنا رحت مكة شهر يناير 2008 بالسيارة....من أبوظبي لين الرياض 8 ساعات تقريبا ومن الأفضل المبيت في الرياض....ومن الرياض إلى مكة تقريبا 7 ساعات.........الصراحة كان اشوي فيه تعب ولكن احساس حلو ومميز ويهون عشان مكه...........أنصحج إختي يوم اتروحين ماتاخذين أطفال معاج لأنهم حرام بيتعبون وايد....وإنتي أكثر بتتعبين........................

**Al_Dloo3aa** · 2008-07-07, 23:29

حبيبتي انا سايره العمره يمكن 4 مرات بالسياره و3 مرات بالباص

ليش ماتروحون بالباص ترا اسهل وبعدين ترا الطريق يضيع شوي فلازم تبون حد يدليكم

ونحن ناخذ تقريبا 20 ساعه بالباص او اكثر شوي او اقل على حسب عدد وقوفكم في الخط للاكل والراحه او الصلاه
بس وناسه خصوصا اذا كانو معاكم حد من معارفكم

والله يرزقج العمره والحج بعد

**غاده مصريه** · 2008-07-08, 22:28

جزاكن الله خيرا

**ام_عبيد** · 2008-07-08, 23:58

انا ان شالله بطلع يوم الجمعه العمرة بالسيارة
وانا مجربه قبل السفر للعمرة بالسيارة الحمدالله
الله يسهل السفر على الكل ان شالله

الموضوع: كيف اعمل عمرة

أدوات الموضوع

عرض

العرض المتطور

كيف اعمل عمرة

المزيد من آخر المواضيع من نفس القسم:

المواضيع المتشابهه

اول مرة عمرة

عمرة مقبولة

عمرة رمضان

ولدى عمرة 13 سنة