اعترف غلطت

[ندمانة]

مساء الخير .. اخباركم ؟

بصراحة ما شجعني اشترك الا اللي شفته من العضوات فعلا كأنكم أسرة وحدة

وهذا اللي شجعني اكثر اني اكتب مشكلتي

يمكن يعتبرني البعض حقيرة او اني ما تربيت

بس انا غلطت وندمانة وتبت للرحمن

انا اول شي عمري 17 سنة من عمان
اقولكم مشكلتي على طول

صادفت بحياتي صديقة سوء اول شي شجعتني ان استخدم الشات اللي توفره لنا شركة الاتصالات عن طريق التلفونات وفعلا دخلت وكنت مستانسة واضحك ولا فكرت باللي اسويه
وأصر واحد من الشباب انه ياخذ رقمي فالبداية رفضت بس ابليس وصديقة السوء شجعوني وانا الله يهداني تبعتهم وعطيته رقمي

اقترحت لي صديقتي انها تفتح لي رقم ثاني عشان اكلمه عليه ووافقت وفعلا كلمته وانا حاطة فبالي ان انا وهو نضحك على بعض

طبعا رقمي الثاني بدون علم اهلي..

كذبت على الرجال واخترعت له سوالف كذبت باسمي وعمري ومكاني كذبت بكل شي وهو كان يتعاطف معي بمشاكلي ويصدقني ويواسيني وانا اساسا اكذب عليه

حسيت بغلطتي وقلت لازم انهي هالعلاقة .. خبرته انه ولد عمي خطبني واهلي موافقين على اساس اتخلص منه
جن جنونه وقال بس اعطيه كم اسبوع راح اخذ قرض من البنك عشان البيت وتأكدت من هالشي لانه اخوي يشتغل بالبنك
واشتغل بوظيفة مسائية عشان يزيد راتبه ويجمع المهر

طول الفترة يطلب رقم اخوي عشان يكلمه ويحجز معه موعد وانا اتهرب منه ولا اعرف ويش اقوله

انا بمصيبة هو يبيني وانا ضحكت عليه .. ارجوكم ما اعرف ويش اسوي كيف اتخلص منه اعطوني حل بس لا تقولن اصارحه مالي وجه واخاف لو قلتله بيفكر يسوي شي او ينتقم مني بأي طريقة

الرجال حبني بصدق وانا لعبت عليه

واقسم بالله ندمانة والله العظيم اصيح كل يوم ابي اتخلص منه بأي طريقة من دون ما اصارحه .. عرفت غلطتي وندمت عليها وابي اصلح اللي سويته بس كيف ما اعرف



ساعدوني ارجووووووووووووووكم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[xenamax]

غيري رقمك و اقطعي العلاقة
و لا تعيديها

[ندمانة]

طيب انا مستعدة

بس هو لما اقطع العلاقة بدون سبب اكيد بيحاول يدور علي واقل شي يسويه يعرف اسمي الحقيقي عن طريق رقمي من الاتصالات وبيفضحني

لازم يكون في سبب اقنعه فيه عشان يبعد

شاعديني طلبتج

[خربوشة]

بكل اختصار

الزواج من النت فااااااااااااااااااااااااشل ولايقولج انا احبج ومدري شو ترى سبب مشاكل البنات و من اسباب العنووووسة تعارف البنات على شباب و بققصد الزواج من النت .؟.؟...


90% اذا مب اكثر زواج فاااااااااااااااشل طلاق و مشاكل وخيانة و شك

[خربوشة]

اصلا ما يقدر يعرف الرقم باسم منو الا بامر تحريات وما اتوقع يسويها يمكن بس تهديد .....

اختي توكلي على ربج
و قيام الليل ادعي

اللهم من اراد بي سوءا فرده فينحره وتضرعي لربج

وانشاء الله مايصير الا الخير

[ندمانة]

انا ما اتعرفت عليه عن طريق الانترنت

والله معج بكل اللي تقولينه

بس انا ابا اتخلص منه

عطيني حل

[ندمانة]

زين خربوشة

تنصحيني اقطع العلاقة بدون ما اقوله شي ؟

[خربوشة]

زين خربوشة

تنصحيني اقطع العلاقة بدون ما اقوله شي ؟

انصحج اقطعيها عطول لانج لو عطيتي مجال آآآخر و رمستي على اساس قطع العلاقة بتاخذج العواطف و بتغيرين رايج والا بيلسج يهددج عالفاضي

بس صديقيني الشباب يهددون منلاشىء لانهم خوافين من المشاكل يعني مابيقدريسوي شىء دامج متوكلة على ربج و انتي تاااايبة لله

ومن رجع لله ما اخاب

[dm3t dubai]

تبين راي قطعي علاقتج فيه نهائيا وفكي عمرج من ويع الراس

[ندمانة]

يا بنات هو ما هددني

انا بس اقول لو اني قطعت علاقتي منه بدون سبب بيفكر ينتقم مني

هو ما هددني والله

واللي يثبت لي انه صادق دايم يطلبني رقم اخوي ويقولي بس ع الاقل حجز عشان لا تروحين لولد عمج ونفس الموال يوميا خليني افاتح اهلج وافاتحهم وانا محتارة ما اعرف ويش اقوله

[جوهرة الدوحه]

اختيه
الي سوتيه كله غلط بغلط انا اشوف انج تقطغين علاقتج بصديقة السوء وتنسينها ولاتذكرينها ابد

ثانيا ... قطعي والله يهديج ولا تخافين مايروم سويلج شي

[Amal_shj]

اول شي انا ابغي اعرف اختي هو شايفنج ولا ؟؟ وبعدين بخصوص الرقم اكيد يقدر يطلع باسم امنو للعلم ترى اذا يعرف حد يشتغل في الاتصالات صدقيني بظهروله لاني انا اعرف حد يداوم اهناك ودايما يوم ابغي اعرف باسم امنو اربيعتي اطلعلي يعني مب شرط امر من التحرياات .. وانا اقولج اتوكلي على الله والبسيييييه لانه ما يقدر يسوي شي مثل ما قالو الاخوات والله كريم

[جنيه بتعرس]

الغاليه احسن حل قوليله انج موافقه ع زواج ولد عمج عشان تفكين عمرج منه ,,,

لانج خايفه انه ينتقم منج بس اذا هو يحبج صدق مثل مايقوول ما بينتقم بالعكس بيفرح لج وبيخليج من دون مشاكل وانتي بعدها قطعي رقمج هذا وخذي رقم يديد وربيعتج لاترمسينها مره ثانيه ...

هذي لو ربيعتج صدق ما بتخليج تعرفين ع واحد وطلعين رقم ثاني من ورا اهلج,,


والسمووحه منج ...

[ندمانة]

غعلا معج حق انا غلطت بكل شي

بس صعب اصارحه اقوله عن ايش ولا ايش كله كان كذب

انا خايفة لو صارحته بيفكر يضرني بأي شي

وااانا ابي انهي الموضوع بسلام

[ندمانة]

اول شي انا ابغي اعرف اختي هو شايفنج ولا ؟؟ وبعدين بخصوص الرقم اكيد يقدر يطلع باسم امنو للعلم ترى اذا يعرف حد يشتغل في الاتصالات صدقيني بظهروله لاني انا اعرف حد يداوم اهناك ودايما يوم ابغي اعرف باسم امنو اربيعتي اطلعلي يعني مب شرط امر من التحرياات .. وانا اقولج اتوكلي على الله والبسيييييه لانه ما يقدر يسوي شي مثل ما قالو الاخوات والله كريم

لا ما شافني

معج حق خصوصا ان دايم يقول ان يعرف شخص بالاتصالات

بس اسمحيلي ما فهمت توكلي على الله والبسيه ؟