لكل ارمله .....

[يابس رقيص]

فديت روووووووووحج ولله ادعيله واتصدقي عنه واتصبري فديتج هذا حكم ربنا ومحد بيتم فالدنيا كلنا ماشين على هالدرب يالغاليه وان شالله تلاقيييييييينه فالجنه يااااااااارب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المسك ليوا]

الحمد لله على كل شي - وشكراً لج أختي على هذا الموضوع الجميل

[حروف ومعاني]

مرحبا اختي ,,

زين سويتي يوم فتحتي هالموضوع اللي بيكون واحه ومتنفس لج ولاخواتنا الارامل ,, الله يصبركم ويعينكم على ابتلاءه واختباره ,, وتأكدي عزيزتي ان الله اذا احب عبدا ابتلاه ,, لكن الغاليه عليج بالصبر والتوكل عليه في كل امورج ,, الله يرحم زوجك واموات المسلمين اللهم آمين ,,

الغاليه ,,
بما ان نحن بشر أكيد تمر علينا لحظات ضعف وانهيار ,, شي مب عادي ان تفقدين انسان غالي لكن المفروض اننا نستعين عليها بالله ومانخلي للشيطان علينا منفذ لانه عدونا المبين ,,اختي توجهي لله سبحانه وتعالي وادعيه يربط علي قلبج ويصبرج واكثري من الاستغفار والصدقه ,, كذلك استعيني علي تربيه عيالج بالكتب التربويه والسنه النبويه تراها جدا مفيده واقري لاهل الخبره والمتخصصين في شؤون الاسره بتحسين ان تفكيرج تغير وتطور للأفضل ان شاء الله

والله يوفقج الغاليه وييسر أمورج كلها ويعوضج في عيالج اللهم آمين

[العذوب]

شوفي ,, هي السنة الاولى وااااااايد صعبة .. والنصيحة الافضل هي انج تطلعين من الضيجة وتنخرطين في الحياة الاجتماعية ..

واهتمي بنفسج وصحتج وعيالج ,, لا ترفضين الدنيا إذا اقبلت عليج بس احرصي على القرب من رب العالمين


بتهون حبوبة .. بس يبالها وقت .. طويييييييييل حبتين

[al3yon121]

الله يرحمه ويغفر له واتلاقينه في جنات النعيم
اختي حاولي ماتعيشين في حزن وهالشي اللي صار مكتوب علينا كلنا
حاولي اتعوظينهم غياب الاب ولا اتحسسينهم انج مالج خلق عليهم وانج تعبانه بسبة فراق ابوهم
لان هالشي بيأثر ع نفسيتهم ,, وهذيلا اليهال هم اللي بقوا لج من ريحة بو عيالج
وربي يصبرج ويعوضج الخير

[زلال2008]

لاحول ولاقوه الابالله الله يصبرج غناااتي والله انج غمضتينى فديت عياااالج الله يعينج ع تربيتهم يااما حريم ربت رياااييل واطلعوااا دكااتره وصلووو لمنااصب عااليه ادعيله بالرحمه والمغفره

[أميرة بوظبي]

الله يرحمه ... ويصبرج الغالية .. ويقدرج على تربية عيالج تربية صالحة ...

الغالية ... انا تجارب عايشتها ... خالتي توفى عنها زوجها وعيالها صغار ... وصبرت واحينا عيالها كبرو وتتفاخر بهم ..

عاشت معاهم الام والاب ... ورفضت تتزوج عشان عيالها ... ويوم فهمو وايد كبرت في عينهم .. وما يقدرون على زعلها ...

وبنت عمتي ... توفى عنها زوجها -الله يرحمه- ... وهي في النفاس ... واحينا تربي ولدها ...

اول الايام انطوت على نفسها ... بس احينا تأقلمت مع الوضع ...

ولدها ما يعرف شي اسمه ابو ... بس تعبت مع بنتها كانت وايد تسأل عن ابوها ... بس حاولت تكون كل شي في حياة عيالها ...

صدقيني أختي ما في شي يصيد الانسان الا فيه خير ...

واصبري وبتحسين انه هالشي اللي صار فيه خير لج ... ادعي من رب العالمين يصبرج ويسهل عليج أمورج ويقدرج على تربية عيالج ...

واحنا كنا هني خواتج ... وان شاء الله محد بيقصر معاج في شي ...

ربي يسهل عليج ان شاء الله ...

[ام حمد ..]

الغاليه الموت درب وكلنا بنسير فيه بس لفراج صعب والله يعينج ان شاء الله ويصبرج علي ما ابتلاج به وبتلاج عشان يشوف مدى صبرج وما بعد الضيج الا الفرج والله يكون في عونج وتقبلي فائق تحياتي

[الصهبا]

الله يرحمه ويصبرج يااختي
الحين ديري بالج بعيالج ولا تحسسيهم بفقدان ابوهم وربيهم التربية الصالحة حتى يفتخرو يوم يكبروا نج امهم
وحاولي ادشين دورات وتحضري ندوات اسلامية واجتماعية وتلهي عمرج واختلط بالناس ولا تكوني منعزلة
لان الوحدة مب زينة حكج والله يعينج اختي

[الوعود]

الله يصبرج يارب ويقدرج على تربيه اليهااال الله ايعينج

[عزي قرآني]

الله يصبرج يارب
واانا عن نفسي اعرف وايد ناس مروو بتجربتج وكانو في عز الحاجه لوجوود الاب
بس سبحان الله ربج ياخذ ويعطي
ان شاءالله لا تياسين من حياتج هذا اهم شي
وماعليج من الناس اطلعي وسيري وكوني علاقات اجتماعيه وان شاءالله الله بيفتحها علييج
وان شاءالله هالشي يكون اخر احزانج يارب

[فرحه الدنيا]

عزيزتى ذكرتينى بجرح مو راضى يندمل والله يوم الجمعه كنت انا ورفيجتى وحبيبه دربى نتكلم عن المرحوم زوجها توفى من ثلاث سنين توهم كانوا متزوجين وعلشان تكونى فى الصوره انا بحكيلش حكايتها وصبرها يا ستى صديقتى كانت اكبر عن زوجها بسنوات يمكن 3 او 4 سنوات ما اذكر بالضبط وهذا الى خلاها تتردد فى الزواج المهم هما حبوا بعض فتره لما كان يكمل دراسته فى امريكيا وعقدوا على طول بعد رجوعه من السفر اعتقد لمده 3 سنوات لين اشتغل وبعدين اخذها يعنى فتره الحب اكثر من الزواج فى هذه الفتره الله رزقهم بطفل ولا اجمل شبه ابوه وفجاه ومن غير مقدمات اصيب الزوج بسكته قلبيه وراح اتعالج ورجع بس سبحان الله يمكن بعدها بسته شهور تقريبا توفى وما شاف صديقتى هى كانت مداومه دوام الليل وهو الصبح طلع راح الدوام والعصر راح يلعب كوره وهو يلعب جاته ازمه قلبيه وتوفى طبعا هى بعد ما طلعت من الدوام رجعت البيت ونامت يعنى يوم كا مل ما شافوا بعض ونا رايحه بيت اهلى اتصلوا فينى البنات انه زوج رفجتش ودوه المستشفى ويمكن مات روحى لحقى عليها لما رحت عندهم البيت شفتها هى واختها جاعدات يضحكوا ولا على بالهم انا بصراحه استغربت اول ما شافتنى قالتلى ايش فيش ليش جايه ها الحزه تقريبا كانت الساعه 8 العشاء قالتلها ولا شى بس جيت اتعشى معاكم واخذت اختها على صوب وسالتها اذا كانوا سمعوا بشى ولا لا قالتلى لا وتوترت وما عرفت اشلون اقولها ولا شلون نوصل الخبر حج رفيجتى المهم مسكت فمها وقلتلها لا تصيحى الحين خلنا نتاكد يمكن ما مات المهم دخلنا على رفيجتى وقلتلها سمعت ناس يقولوا انه زوجش تعب وودوه المستشفى خلنا نروح نشوفه واحنا فى الشارع شفنا سياره الجنازه وانهارت البنت وقالت هذا وزوجى انا اعرف وبديت تصيح واحنا نصيح وبغت تفتح الباب وانا اشوق واحاول اكذ بها واقلها لا مستحيل كان اهله اتصلوا وخبروش وغيره اتصلت حال ابو زوجها وقالها الخبر قالت رجعينى البيت ورحنا البيت والله انه شعرى وقف قالت اريد اصلى ركعتين صلت ركعتين وطلعنا بعد ما غطيناها ورحنا ورا الجنازه وما شافت المرحوم زوجها الا 10 دقايق ان ما كان اقل وخذوه ووقفنا بعدين وانا واختها ماسكينها وهى تشوف يغسلوا زوجها ومشينا بعد ورا الجنازه لانه ما كانت راضينه ترجع البيت لين توصله قبره بس قالولها مايصير ورجعنا فى السياره نامت على كتفى ما مصدقه ما ادرى كيف عدت ذيك الليله بس عدت والحمد لله الايام الاولى كانت وايد صعبه عليها وخصوصا ولدها عمره 11 شهر لما توفى ابوه وكان يكرر طول الوقت بابا بابا وحنا ما قدرنا نسكته ومريت الايام والحمد لله الحين بس بدت تعرف انه لولدها عليها حق وبديت ترجع مثل الاول وقبل امس كانت تقول انه زوجها دايما معاها تحلم بيه وتحس انه معاهم على طول كنا نشوف صورته حاطته فى التلفون وكانه الموضوع عادى اتمنى من الله انه يجى اليوم الى تكملين حياتش علشان عيالش الى مالهم ذنب وصديقنى ها اليوم يعتمد عليش انتى يا تقدميه او تاخريه

[أم بيسان]

ربي يــصبرج ويعووضج خير إن شاءالله ،،
ويقدرج ع تربية عياااالج تربية صالحه

[AD Classic]

فعلاً خواتي ,

لازم تتاقلمون مع الناس .. انتو شراتنا .. مافيكن شي اقل عنا ..

بنت عمتي .. يوم عرست كانت صغيره في العمر .. وتخيلو ترملت وهي عمرها 17 سنه !!

وكان عندها رضيع صغير .. عمره بالشهور .. يعني ولدها يتيم ..

الفتره الأولى كانت صعب عليها .. لأنهم تزوجو عن حب .. مب زواج تقليدي ..

والحمدلله رب العالمين الله عوضها باحسن ريال .. وانتقلت من مرحله لمرحله ماشاء الله ..

الحمدلله عندها الحينه 3 بيبيات وماشاء الله كلهم كتاكييت ..

تأكدن خواتي اجركم كبيـــــــــــر عند الله .. وانتو عندكم ايتام .. ويالله بس نعرف كم اجر كفاله اليتيم ..

فما بالكم بتربته احسن تربيه ؟؟ يالله كم الاجره ..

[بهلولة]

upppppppp