كيكة النوتيلا...

[UAE_DrEaMs]

صباح الخير حبيباتي...
اليوم بشاركم بوحده من حلوياتي المفضلة...طريقتها سهله وبسيطه..
والكل يحبها بالذات الصغار...

اولا الكيكه:
إما تستخدمين الكيك الجاهز اللي بس تخلطينه او تسوين الكيكه في البيت طبعا كيكه اسفنجية..
الكيك الجاهز انا استخدم Pillsbury بلسبيري بالكاكاو Cocoa
كرتونها ازرق وممكن اذا تحبين تختارين الخلطه العاديه من دون كاكاو..

واذا بتسوينها في البيت فهذي المقادير:
4 بيضات
4 فناجين شاي سكر
1 1\2 كاس دقيق
فنجان شاي حليب سائل
فانيليا
بيكينج بودر

الطريقه:
تخلطين البيض والفانيليا بخلاط الكيك لين ينتفخ البيض
بعدين تحطين له السكر وتخلطينهم...واول ما تشوفين ان الخليط صار متجانس
ابدي باضافة الدقيق والبيكينج بورد شوي شوي طبعا تخلين الخلاط على السرعه
البطيئه...
واخر شي تضيفين الحليب وتخلطينهم شوي ...

الحين تشغلين الفرن شوي عشان يدفى على نار هاديه ...
وتجيبين صينيه تقريبا 30 سم قطرها وتدهنينها بزبده وترشين عليها شوية دقيق وتصبين الخليط
طبعا لمن تدخلينها الفرن لاااااااااااااااااااااالا تفتحينه عليها ابدا الا لمن تتأكدين انها استوت
انا اخليها في الفرن ساعه الا ربع تقريبا لكن التوقيت ممكن يختلف من فرن لفرن وهذي راجع
لتقديرك...
لمن تستوي الكيكه راح تفك اطرافها من الصينيه وعشان تتأكدين اكثر ممكن تجيبين عود الشوي
الخشب وتدخلينه في النص اذا طلع مثل ما هو يعني الكيكه ممتازه ومستويه...

الحين بعد ما طلعنا الكيكه من الفرن نخليها تبرد شوي وبعدين نقلبها...
نقسمها اثنين ونبدا بالقسم اللي تحت ...
نجيب شوي عصير اناناس وبالفرشه نشرب الكيكه بالعصير.. بعدين نغطيها بطبقه دريم ويب او
اي كريمه تحبينها...
نأخذ الطبقه الثانيه ونحطها فوق ونشربها بالعصير بنفس الطريقه...
اخر شي نجيب النوتيلا مو اي كاكاو ثاني وتأكدي انه سايح واذا كان الجو بارد حطيه في ماي حار..
الحين نأخذ كميه ونحطها فوق الكيكه ونبدأ نوزعها وحاولي انك اذا سويتي منطقه ما ترجعين لها
لان ممكن تخترب ... ونكمل لين نغطي الكيكه كلها وندخلها الثلاجه تبرد ... وبالعافيه

ان شالله ما اكون طولت عليكم.. اسمحو لي محد يعطيني كيبورد :13 (29):
وهذي صور للكيكه قبل شوي سويتها واعذورني على التصوير مو لهناك لكن يعطي فكره

المزيد من آخر المواضيع من نفس القسم:

• طريقة عمل كنافة بالعسل اللذيذه
• طريقة عمل كيك الاناناس الهشه
• طريقة عمل كيك البرتقال الشهية
• طريقة عمل كيك الكاكاو السهل
• طريقة عمل بسبوسة السينابون السهله
• طريقة عمل كنافة بالمهلبية السهله
• طريقة عمل معمول التمر السهل
• طريقة عمل كيك التمر اللذيذ حصري
• طريقة عمل كيك التمر السهل حصري
• طريقه عمل كيك النستله السهل

[وحدة مواطنه]

لذيذه تسلم ايدج جوعتيني
بسويها اليوم حق عيالي انشاء الله

[هبوب الخير]

يعطيج العافية على الكيكة

[بنوته ابلادي]

احلى شي يوم نبدى الدوام بشي حلو
تسلم ايدج انشالله اسويها اليوم....... يزاج الله خير باعداد من بياكلها واعداد من يجربها

[السيليه]

يعطيج العافية على الكيكة

[انوثة امرأة]

تسلم الايادي ......بجربها وبخبرج بالنتيجه

[Miss World]

شكلها يممممميييي! خبلتيني ^_^ بيخترب رجيمي ههههههه

[أم سالم]

تسلم الايادي ......بجربها وبخبرج بالنتيجه

[UAE_DrEaMs]

يسلمووووووو حبيباتي ...
ترى اصدق عمري بعدين
وهنا وعافيه ان شالله

[alainflower]

شكلها وايد حلو انا اموت على الكيك وانشاالله بجربها :22 (4):

[عبق الزهور]

يعطيج العافية إختي على الوصفة الشهية

[عيوووون دبي]

تسلم ايديج ويعطيج العافيه



تحياتي

[الكشيخه]

اموت على الكاكاو ما اقدر اقاومه و تسلم ايدج

[شيما]

يعطيج العافية على الكيكة

[×نسايم×]

تسلمين الغلاااااااااااا ع هالوووووووصفه السهله