مشكلة أخوي

[راعية بوش]

السلام عليكم

هب عارفه كيف ابدأ بالموضوع

بس اللهم لقطت كم كلمة من عند أخويه وبصراحه هو كاتم الموضوع من زمان ومن

حرقة صدره خبرنييه وغصب عنه خبرنييه ..

هو خبرنييه انه معجب فالبنت من زمان وبصراحه قلته من تنعجب من اي بنت خلاص انت

تباها من قلبك وهي مشكلة نص الشباب كذا فيهم نظرة اعجاب وهب نظرة مستقبيلة وكيف

ينظم حياته وكيف يرتبه من داخل وخارج عشان يكون حياة زوجية وانا فاهمه عدل شو اللي

يريده بس من فترة راح صحارى سنتر وشاف البنت مع اخواتها وامها وطووف مره الاولى

ومره ثانية وثالثة ما قدر يتحمل من كثر ما يشوفهم وفالنهاية قرر انه يجابلهم وبالاحرى

يجابل امهم عشان يرمسهم عشان يطلب ايد بنتها بس هاي لحظه شاف مكان هب مناسب ويدام

الناس يرمسهم ومن ظهروا من سنتر ليين باركنات اهني قرر اخويه انه يرمس امهم

ومن لحظه سلم عليها ما قدر يتكلم وكان متردد بكلام ومافهمت رمسته وقال لأمها

افهميني وقالت طلبك مرفوض .. عقبها قال ما عرفت كيف اتصرف وكانت فيني رجفة

ومالقيت حل الا افهمها اكثر لاني ما فهمتها عدل ويمكن ما فهمتني عدل بس لحقتهم ليين

سنشري مول والام عصبت وقالت مره ثانية طلبك مرفوض ..

وانا هني عصبت على اخويه وقلت له هالتصرف غلط اللي سويته وعيب انك تتصرف

بطريقة هب زينه ولازم تشاور الوالدة وتشاورنا قبل ما تأخذ رأيهم يمكن احنا نرفض

مش هن يرفضن واذا وافقن واحنا رفضنا بتنحرج منا وتم معصب علييه ورديت علييه

الف كلمة انا من نفسي انحرجت من كلامه وموقفه بصراحه ماكنت ارضى انه اخوييه

يسوي هالشئ الغلط وعطاني عنوان موترهم وهني انحرجت علييه اكثر ..

بصراحه كل يوم مأذيني وكل ما يأذيني اخذه من صوب وانصحه ..

بصراحه معظم مواقف الشباب تنحرج منهم ..

شو رأيكن في تصرف اخويه !!

اريد مساعدتكن عشان انصحه اكثر ..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر