دخيلكم قولي رايكم بمكياج نبيلة

[الغلا طبعي]

السلام عليكم ورحمة الله وبركاته

فديتكم انا عرسي ان شاء الله اذا الله كتب بكون شهر 10

وأفكر أحجز عند نبيلة يعني انا محطية 3500 ميزانية للميك اب

يالله قولي لي شو رايكم فيها واذا عندكم حد ثاني ومجربينه قولي لي ربي يحفظكم


اريااااااااااااا المساعدة منكم

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعزبه]

عن نفسي انصحج بــــــــــها

لاني جربت ميك اب عاادي وكاان حلوو

وشي عرايس من المنتدى حطوو عندهاا
وعقب العرس حدرن وايد مدحوهاا

الله يوفقج حبيبتي .. ويتمم لج على خير

ياااااااااااااااااا رب

[مكيااجي]

بنات المنتدى يمدحونها بس انا ماجربتها موفقه غناتي ومبروك

[عنود الدلع]

وايد روعه مكياجها انصحج فيها حطي عندها انا كذا مره حطيت عندها واختيه يوم عرسها حطت عندها

[سااروه]

حلو مكيجها بس انا عن نفسي حجزت عند العنود وعرسي بشهر 8 انا بتسوي لي التسريحه والميكاج على 3500 سعرها ايد حلو وهي الي بتيني الفندق وشغلها روعه

[um jsooom]

نبيله وايد حلو وانا حطيت عندها في ملجتي

[جناان]

ام خالد حلو مكياجها اختي تعدلت عندهاا في عرسهاا

نبيله ما جربتهاا

[ولوف]

اذا تحبين المكياج الثجيل خلج عليها


انا عني ماحبيت شغلها كانت امكيجه عرووس من اهلنا حسيت انه واااااااايد ثقيل الاساس اللي حاطتنه
والعروس كان ويهها ناعم بس بالمكياج صاير كبيرر



وفي النهايه الناس اذواق دوري بتحصلين وحده من الخوات حاطه شغلها

[Hno0odah]

بصراحه ما صارلي الشرف اني اتعرف عليها ف ما اعرف منوا نبيله

بس اسمع عنها في المنتدى والكل يمدحها

[ام فارسون]

نبيلة مكيجها روعة روعة و خاصة اذا ويهج مدور وعريض

[ام فارسون]

نبيلة مكيجها روعة روعة و خاصة اذا ويهج مدور وعريض حميتي حطت عندها

[لازم اسم]

بنات ممكن رقمهاااااااااااااا

[الغلا طبعي]

فديتكم والله ما قصرتوا الصراحـــــــــــــه

ما توقعت كل هالردود منكم

ربي يحفظكم من كل شر وفي انتظار المزيد من الارااااااااء

[Amool99]

هلا اختي

بالنسبه لمكياج نبيله هو ثقيل وااااايد انا ما احب المكياج الثقيل يعتمد عالوحده واستايلها

والناس اذواق

[Mrs. Dior]

في بنآت من أهلي يحطون عندهآ و مآ شآءالله غآوي
أنآ كنت حآطه عند هيفآ صفر ميك أب و شعر بـ 5000