صة ولادتي لخلودي الحلو

**حورية العين** · 2008-06-13, 23:26

السلام عليكم
اليوم بخبركم قصة ولادتي في بكري خلودي
طبعا انا في الشهر الثامن ما كملته ياني الطلق وربيت ولادة مبكرة الحمدالله رب العالمين على كل حال
..............
يوم السبت اللي طاف رحت العيادة كنت تعبانه من الفير ودخلت علة الدكتورة قتلها بطني يعورني وظهري المهم يالسة تطالع البيبي في الصورة قالت نازل تعالي بسويلج فحص من تحت اتاكد من الالتهاباات لانها يتني قبل المهم وهي تفحص قالتلي راس البيبي نازل ومفتوح 2 سم عاد انا هني فجيت عيني وزقت ما عرفت شو اسوي قالت لازم الحين اعطيج دوا عشان ما ييج الطلق وعطتني حبة دوا وقالت بعطيج ابرة لرئة البيبي احتاط عن اييج طلق
ودخلتني الحجرة وعطتني الابرة وحطت جهاز نبض البيبي تتاكد من التقلصات قالت اذا وايد على طول روحي المستشفى واذا خفت روحي البيت ارتاحي ولا تمشين ولا تشلين شي
............
المهم كل شي بخي ووقف الطلق ورحت البيت يوم الاحد رحت بيت اهلي لانه ريلي واهله طلعو ياخذون اغراض من السوق وانا ما اقدر اقعد بروحي في البيت المهم رجعت البيت وقعدت ويا اخت ريلي نطالع التلفزيون ييني ويع على الخفيف ومرات احسه يزيد وما قدرت ارقد رحت غرفتي وريلي راقد وانا اتجلب رايحة ورادة من الحمام على صلاة الفير قمت وعيت ريلي حق الصلاة ويوم خلص انا صليت وقتله اني ااتويع قالي اوديج الطواري قلت لا بيعذبوني ويمكن يرقدوني وما احب المستشفى

تعبت ما قدرت قلت اوكي نروح وقام وعا امه واخته ورحنا الطواري وهناك على طول غرفة الولادة يشيكون وحطو الجهاز وقالت في ولادة مبكرة بس ما نباج تربين لاني ما كملت 34 اسبوع وبيطلع صغير المهم رقدوني وعطوني ابر لرئة الياهل وعطوني دوا يوقف الطلق لمدة يومين على الاقل وتمت من يوم الاثنين في المستشفة ويا هالادوية
لين خوزو الدوا يوم الاثنين وقالو بنشوفج وخلاص سوينا اللي علينا والباقي ان شاء الله على الله نتريا البيبي ينزل بروحه

المهم على الساعه 12 ونص ياني الوويع وما اقدرت اتحمل يوم الاربعاء يتني الدكتورة وقالت 5 سم ولادة ورحت على طول غرفة الولادة وامي كانت وياي واتصلت في اختي واختي دقت لريلي ويو كلهم ودخلو عندي هههههههههه عاد تخيلو علة يميي ويساري وريلي يقرا علي فديته كان خايف علي وامي توصيني لا تصارخين هههههههههه
انا اتويع وما اقدر لين الساعه 3 الدكتورة قالت بعطيج دوا الطلق ومن عطتني على طول ياتي الويع خلاص احس بنفجر وربيت وعاد امي تصيح من صوب وعمو من صوب وانا ما ادري وين الله حاطني والولد نزل وما صاح يابو الدكتور وحطوه في الحضانة وصاح بس سمعت صوته فديته وما شفته الا اليوم الثاني بعد ماربيت سولي خياطة اااااه بس اه
وتريوني شوي ورحت الغرفة وتميت لين الصبح تريقت ورحت اشوف البيبي فديته
اليوم الجمعه رخصوني بس البيبي عندهم في الحضانه عشان الرئة
ادعوله الله يقومه بالسلامة ويرجعلي سالم

وهذي قصة ولادتي لخلودي حبيبي

المزيد من آخر المواضيع من نفس القسم:

**حبيبة حبيبي** · 2008-06-13, 23:34

الحمدلله على سلامتج الغاليه
والله يشفي لج خلودي ويرجعه لج سالم يارب

**اتعبني@غروري** · 2008-06-13, 23:40

الحمدلله عسلامتج انتي والنونو وان شاء الله اتقومون بالسلاااامه ...

الله يحفظه لكم ويتربى بعزكم ان شاء الله ..

**علياء2008** · 2008-06-14, 00:00

ربي يحفظه ويرده لج سالم الله لايحرم ام من ولدها انتضروني بحط قصة ولدي الحبيب
شجعتوني وربي يسهل الولاده على كل حامل وربي يحفظ الجميع

**أم القمر** · 2008-06-14, 00:12

الحمدلله على سلامتج
الله يحفظه لكم ويتربى بعزكم ان شاء الله

**أم فطومة** · 2008-06-14, 13:32

المشاركة الأصلية كتبت بواسطة أم القمر

الحمدلله على سلامتج
الله يحفظه لكم ويتربى بعزكم ان شاء الله

**حورية الجنة** · 2008-06-17, 11:46

المشاركة الأصلية كتبت بواسطة أم القمر

الحمدلله على سلامتج
الله يحفظه لكم ويتربى بعزكم ان شاء الله

**Al_Kindy** · 2008-06-14, 00:15

الف الحمد لله على السلامه

**H + S = LOVE** · 2008-06-14, 00:19

فديت خلودي ... الله يقومة بالسلامة ياااااااااا رب

وتستاهلين السلامة اختي حورية

**بنوتة العين** · 2008-06-14, 00:31

الحمد لله على سلامتج
ومبروك عليج خلودي
وإن شاء الله يطلع من المستشفى وتشوفينه ريال ويوزينه

**ام زيوودي** · 2008-06-14, 00:33

أأأأأأأأأألف الحمدالله ع السلالالالالالالالامة
والله يحفظة لج ويخلية ان شاااالله

**غــــلا عيمــان** · 2008-06-14, 00:42

الحمدلله على سلامتج الغاليه...

ومبروك ماياج ....

وربي يشفي لج خلودي ويرجعه لج سالم ...

**Al_Dloo3aa** · 2008-06-14, 00:59

الحمدالله ع كل حال

وان شاءالله يرد البيت سالم غانم

**عاشقه زوجي** · 2008-06-14, 01:02

الحمدلله عسلامتج انتي والنونو وان شاء الله اتقومون بالسلاااامه ...

الله يحفظه لكم ويتربى بعزكم ان شاء الله ..

**دلوووعة أمها** · 2008-06-14, 01:05

ألف الحمدلله عالسلامة .. ومبروك ما ياج وإن شاء الله ربي يعافيه ويطلع بالسلامة ..

الموضوع: صة ولادتي لخلودي الحلو

أدوات الموضوع

عرض

العرض المتطور

صة ولادتي لخلودي الحلو

المزيد من آخر المواضيع من نفس القسم:

المواضيع المتشابهه

قصة ولادتي ...قصدي معركة ولادتي بدندونة فديتها...

الكلام الحلو فن ..والرد الحلو ذوق ..!!!

قصة ولادتي الكاذبه و ولادتي الحقيقيه !!!!!

الكلام الحلو فن والرد الحلو ذوق