استوديو للتصوير حق الاعراس .. ممكن ؟؟

[بنت الشوامخ]

السلام عليكم عرايس وبنات شحالكم ^_^

انا اختي عرسها بالصيف ان شاء الله شهر 8 وهي تدور استوديو زين للتصوير حق عرسها

هي حجزت عند فوتوغرافيا .. وطلع 10 الاف درهم .. وهي محتاره تخاف تكلف على المعرس

فهي حابة تسألكم في استوديو يصوور زيين حق العرس ويكون زين وجوده واقل من 7 الاف درهم ولا ماشي ؟؟؟

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيناويهـ]

فوتوغرافيا يوم شفت البوماتهم ف معرض العروس ابدا ماعيبني ..

شوفي استوديو سوزان .. يبدا اسعارهم من 4000 لين 10000 على حسب الالبوم لي تختارينه ..

وتصويرها وايد بيرفكت .. اما البوماتها حلوه لكن ماشفت يديدهم ..

[بنوته كفالي]

مرحبا اختي

يبت لج هذيل الروابط يمكن يفيدونج


http://www.uaewomen.net/showthread.php?t=263865


http://www.uaewomen.net/showthread.php?t=263546

[شـ ـ ـوق]

الغاليه انا اظني انه ريلي حجز حق العرس عند استديو الجميرا الي بالعين
وأنا سرت اخترت أحسن الابومات والتصوير يكون شرات المجله يعني التطوير الفوتوغرافي لاصق في الالبوم مايظهر شرات المجله .. وهذا اللي دارج هالايام .. وتسوي لج 2او3 البومات على ما اظن .. واحد عود فيه انتي وريلج بس
والثاني مع الاهل .. وتختارين شكل الالبوم ع كيفج .. وفي اشياء ثانيه اظني تسويها

[روrــــح]

اختي انا سمعت عن الياقوت بس ما اعرف اسعارهم
وطبعا الاسعار تكون في اي مصور على حسب الالبوم اللي تطلبه اختج
والله يتمم لها على خير

[بنت الشوامخ]

تسلمون حبيباتي على الردود ما قصرتووو ^_^

العيناويه .. انا وايد اشوف بنات يمدحون سوزان .. اذا عندج رقمها يزاج الله خير ممكن تعطنيي ؟؟ وهي وين مكانها ؟؟

اها !! زين والله خبرتيني عن فوتوغرافيا .. بخبر اختي لانه اصلا ما شافت شغلهم


بنوته كفالي الف شكر على الروابط ماعليج قصوور

اختي شوق .. هيه رووعه هالالبومات يوم تكوون الصور في الصفحه مثل المجلات =) .. بس صعبه في العين =( .. مادري اذا اختي ممكن تحجز عندهم ولا لاء .. الف شكر ما قصرتي والله


اختي روح مشكوره حبيبتي على المساعده والمرور بالغاليه .. بسأل عنه ان شاء الله

[زهور العمر]

انا شايفه فوتوغرافيا .. بصراحه روعــــــه واسلوبهم وايد حلو خصوصا ان راعيته مواطنه وتفهم عليج شو تبين وما تبين .. غير جيه عقب ما يخلصون السيدي الخاص بالصور يحطوله باسوورد ويعطونج ياه بدون ما يخبرونج شو الباس ..

وانا سالت راعيه المحل عن سبب الباسوورد وقالت ممكن فيه بنات ياخذون صورهم من السيدي ويفرونهم مني ومني وعقب الكلام بيطيح فـ راس المحل وراعيته وبيطلع عنها كلام مب زين ..

وسعرهم جدا معقول على فكره انا سالتهم السنه اللي طافت وقالوا 10000 وما شاء الله لهالسنه نفسه ما تغير .. مع اني توقعت يرتفع وايد عقب موجة الغلاء ..

وانا ناويه ان شاء الله اذا عرست اسوي عندهم ..

[pinkyflowe]

استديوا الاطلال تصويرهم وااايد حلوووو وسعرهم وااايد زين 7000 الف تصوير مجلة وفيديو واضاءه ودخان والزفه

[بنت الشوامخ]

زهور العمر حياج الله .. اللحين مادري شو اسوي خبروني انه مب لين هناك شغلهم .. وانتي تمدحينه .. احترت والله

بس يمكن سعره شوي مبالغ فيه لانه اشوف ما شاء الله كلهم عطوني استوديوهات اسعارهم اقل وشغلهم حلوو يقولون.. بس حلوه وايد حركة الباسوورد .. مادري والله احترررت بخبر اختي


مشكووووره اختي pinkyflowe

بس هالمحل وين موجود في بوظبي ؟؟؟ واذا عندج رقم تلفونه ممكن تعطيني ويزاج الله خير

بنات الله يخليكم ياريت يكون الاستوديو مكانه في بوظبي لانه صعبه برع

[sajaaya]

لو تبين شي رخيص في بوظبي ...
استوديو الارجواااااان او لمساااااااات

[ديــايــه]

اختي انا سمعت عن الياقوت بس ما اعرف اسعارهم
وطبعا الاسعار تكون في اي مصور على حسب الالبوم اللي تطلبه اختج
والله يتمم لها على خير

ياقوت تصويرهم غاوي... بس اسعارهم لالبومات العرس فوق العشره... انا سويت مال ملجتي وهوه ارخص شي عندهم باربعه ونص
كل شي زااد الحين الله يعيينا ونخلص الزهااب ع خير

[ايمان الجنيبي]

يمدحوون اضواء المدينه شغلهم وايد حلو وراقي واسعارهم على حسب الالبوم بس المشكلت وووايد يتاخرون انا مرت ا ربت بنتها كملت خمس اشهر والبومها بعده ما خلص

[بنت الشوامخ]

اختي سجايا بس كيف شغلهم اوكي ولا لاء ؟؟ لانه اهم شيء يطلع الشغل حلوو ومرتب .. مب مهم يكون رخيص بس اذا كان فيه اقل عن 10 الاف زين

هلا اختي ديايه .. معقوله فوق 10 الاف عييل فوتوغرافيا ارحم خخخخ .. هيه والله شو هالاسعار اعوذ بالله ترتفع بسرعه الله يعين بس

اختي ايمان هيه اشوف الخوات مدحوو لي اضواء المدينه بس حشا ههههههه معقوووله جي وايد يتأخروووون !!!! مشكله مافي شيء كامل

انا اريد اعرف اكثر عن سوزان الله يخليكم اللي يعرف وين مكانها في بوظبي ولا لاء ؟؟ او رقم تلفوونها ع الاقل

[DiDi_14]

الله يوفقج ..اول شى انا اختى كان عرسها فى شهر 1 اللى طاف وحجزت عند فوتوغرافيا...ووايد البومها طلع حلو وكان البوم الملجه بعد من عندهم...وسعر ال10000 هذا سعر الاوفر اللى عندهم..وانا ان شاء الله عرسى جريب وحجزت عند فوتوغرافيا ..وبعدين هى عندها اكثر من طريقه فى الالبوم تقولج تبين الستورى ولا السلفر على حسب ما تختارين ..وانتى لج حرية الاختيار..

[نسمة هوا]

انا حجزت حق ملجتي عند الاطلال بعد ما سمعت عنهم وان شاءالله يكونون قد المدح ..

بس بعد ما حجزت وحدة بطت جبدي وقالت لي يتأخر الالبوم لين ما يظهر ..