يا اهل الخبره وينكن؟؟

**بتول** · 2008-06-12, 17:09

السلام عليكم ورحمه الله وبركاته

اشحالكن عساكن بخير

اخواتي العزيزات

انا حامل في الشهر السابع يعني قولن في نهايه هالشهر ان شاء الله بدخل
الثامن وهذا اول حمال لي الحمدالله.. بس ظهر لي شي في فتره حمالي وحبيت استفسر هل هالشي طبيعي
والا بس انا

الله يسلمكن لاحظت اسمرار فضيع تحت الصدر وما بين ريولي وكرشتي وشي خط اسمر
من السره لين تحت مع اني من النوع اللي امرخ عمري 24 ساعه كل جسمي بس اللي
مضايقني ان ريلي لاحظ وساكت واحس اني منحرجه منه واخاف استخدم اي مرهم
وياثر في حمالي تراني من النوع الوسااااس

شو رايكن شي طبيعي واشقى اخوزه..

والسموحه خواتي

ربي يحفظكن ويسهل على كل وحده حامل

المزيد من آخر المواضيع من نفس القسم:

**جرح رمايل** · 2008-06-12, 17:53

حبوبه الاسمرار فالحمل شي طبيعي حتى لو ادعكتي بليفه ماشي فايده وعلى الشهر التاسع بتسمرين زياده بالذات عند الرقبه، وبعد الاربعين انشالله ها كله بيخوز عنج،،،،
الله يسهل عليج يارب

**BenToooH** · 2008-06-12, 17:56

سمعت ان وايد حوامل يصير معاهم جيه ويرد كل شي طبيعي عقب الولادة!!
بس ماعندي فكرة عن التفاصيل أو كيف تخففين ..... سوووري

قولي حق ريلج ان هاي من سوالف الحمل مب بايدج تغيرين.. وكل شي انشالله بيرد طبيعي عقب ^_^

**طيف وردي** · 2008-06-12, 18:00

عااااادي الغلا
انا السواد وخاصة الرقبه اييني من اول شهر
وبعد الولاده يروح تدريجيا بروحه

**RNEN** · 2008-06-12, 18:08

انا نفس حالتج بالضبط بس يقولون بعد الاربعين يخوز والله اعلم

**بتول** · 2008-06-12, 18:12

يزاكن الله كل خير ان شا ء الله يخوز عقب الربى..

اختي جرح رمايل اذا بتسود رقبتي اكثر عن جيه في شهر التاسع بموووووت من الحيا..

**بتول** · 2008-06-12, 18:17

المشاركة الأصلية كتبت بواسطة RNEN

انا نفس حالتج بالضبط بس يقولون بعد الاربعين يخوز والله اعلم

الحمد الله حد مثلي

ان شاءالله يخوز لاني كارهه عمري كثر ما اسبح
احس اني بخلص ماي البيت

بس مافي فايده..

تسلمين حبوبه.

الموضوع: يا اهل الخبره وينكن؟؟

أدوات الموضوع

عرض

يا اهل الخبره وينكن؟؟

المزيد من آخر المواضيع من نفس القسم:

المواضيع المتشابهه

الخبره يا اصحاب الخبره

كيس حمل بلا جنين .. وينكن اهل الخبره

وينكن يالبدويات؟

بنات وينكن