يوم كنا اصغار

[!! بدوية !!]

:1 (60):
السلام عليكم
عندي موضوع عسل وحابة اشاركن فيه:22 (8):

الموضوع الله يسلمكن
ان كل وحدة تكتب عن ذكرياتها ومواقف سوتها او استوتلها يوم كانت اصغيره
وشو كانت ردة فعلها تجاه الموقف ...يعني سوالف اتضحك وتخلي المنتدى يفرفش بذكريات الطفولة
فاشو رايكن؟؟

أحب افتتح الموضوع بذكرياتي:

انا يوم كنت صغيرة كانت عندي احلام قد الدنيا في حجمها
بس صغيييييييييره في محتواها..
مثال:
كان واحد من احلام حياتي ان اتكون عندي طاسه عووووووده قد البيت لونها اخضر فاتح
ممزورة اسكريم :1 (21):
شسوي ماشي مخ!!!!:1 (35):
ومن احلام حياتي بعد ان امي تربط الدكان بحبل دور ماداير وتسحبه بالبسطه مالها اللي اتسير به العزبه!!
وتوصله لين البيت عشان اغيّل في الاسكريم...
....
كان ابويه الله يرحمه اييب كل يوم بقشة متروسه اسكريم الظهر وانا واخواني نعفد عليها اول ماني من المدرسه وناكلها عن بكرة ابيها...ولا نتغدا طبعا لأن البطون فل اسكريم..
فقامت البشكارة وخشت الأسكريم عنا..فاضطرينا نتغدا على مضض..غصب ماشي اسكريم واليوع مثل ماتعرفون!!:1 (6):
المهم بعد الغدا طلعته وقالت:انتي كل يوم مافي غدا انا سوي بادين جبي!!!سو هدا؟؟
وشعناها ولعناها لأن مافي مكان له بعد الغدا....بس شونسوي كلناه جبر..تراه اسكريم..
بس ماقدرت اتعيدها لأنا كنا بالمرصاد...

ويوم اييب ابويه همبا _4كراتين_ كانت اختي الصغيرة تسوي عليه شفتات ويا اخويه لين يخلص كله!!
ياخذله حوالي يومين ماكسمام!!ان كثر بعد والا في نفس اليوم...
همبا هذا مب اي كلام!!! والقرح والخريان بدون قياس!!!!


وبعد وبعد وبعد...
وايد عندي

اتريا مشاركاتكن وتفاعلكن للموضوع...

المزيد من آخر المواضيع من نفس القسم:

• مرحبا انا ساكنة في ابو ظبي
• "لعبة أيام الاسبوع"
• انا جديده وحابه اتعرف ع كل الصبايا
• لعــــبـة الأعــتــراف
• منو حابه تلعب معي شطرنج!؟
• أي الأ سـمـيـن أحـلـى
• وردني الحنين
• مفاجئه رهيبه لصاحب الصوره
• شو اكثر عقاب خفتي منه
• رمسة حريم ....الجزء الخامس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم الـغـالـي]

السلام عليكم مشكوره الغاليه على الموضوع ويم يم يا حلاته الاي سكريم صدق يخبل

أخخخخخخخ يا بخاطري ما تعطيني شويه ؟

إحم أنا بخبركم عن سالفه صارت لي وانا صغيره بس لا تضحكون علي

كنا على بحر الشارجه انا واختي اللي اكبر عني بثلاث سنوات نسبح في البحر فقلت لاختي شورايج نمثل ؟؟ قالت شو ؟؟ قلت لها أنا اسوي عمري اغرق واقول النجده النجده وانتي تنقذيني

عاد الحبيبه ما عيبها الوضع جان تقول لا انا بسوي عمري اغرق وانتي انقذيني قلت لها اوكي هبله تراني لول
الحبيبه بدت تستغيث وتقول النجده النجده اونها عاده اطول مني وانا انقذها مقصه مسوتني

فرحت لها امسك ايدها اوني انقذه ههههههه تجدمتني ودزتني وراحت ولا درت عني لول وانا كنت على وشك اروح فيها غطيت في البحر أخخخخخخخخخخخخ عيني قامت تحرقني اتذكر كيف كان .. اانا مبطله عيوني واحس ان في شي يسحبني لورا صوب البحر
وابطل عيوني على وسعهن وامسك الرمله والرمله تروح من بين اصابعي تدرون كأنكم تمسكون سراب سبحان الله

شوي شوي طلعت اتسحب للبر وعقيت بعمري الا اشوف يدامي سمجه خايسه وطايحه قلت الحمدلله طلعت والا جان صرت مثلها

عاد بنت الاياويد مشاكل شليت السمجه ووديتها عند خواتي الكبار اقول لهم قوموا نطبخها واللي لاعت جبده واللي مادري شصار فيه وانا ما عرفت السبب الا لما كبرت .. الله لا يراويكم كيف صارت عيني ذاك اليوم تقولون طالع منها دمان

وهاي سالفه من سوالف بنت الاياويد وهي صغيره

ماااااا اوصيكم لا تخبرون حد

[*أم اسمـــا*]

عجيب هالاسكريم .. مسولكم أزمه
كله كوم والطاسه الخضرا كوووووم ههههههه <<سؤال دار عبالي..اشمعنا خضرا؟؟؟؟

انا بقولج مرة يوم كنت صغنونه.. ألعب ويا بنت عمي في وحده من العزب المهجورة<<قلّت الأماكن
وكان شتا علينا.. أونّا عاد سوينالنا بيت صغيرون نتذرا فيه عن المطر
وشوي .. مر واحد بنغالي أو باكستاني ما اذكر من جدامنا.. جان انقول بنزيغه وبنسوي عمارنا جن <<قلّت الادوار اللي ممكن نتقمصها
والريال يطالعنا ويمشي.. يقول في خاطره الحمدلله والشكر خخخخ
عاد أحلى شي يوم يلسنا نبقق عيونا ..عشان يزيغ وهو ولا داري

والله أيام حلوه
[01]ننتظر المزيد من اللي في جعبتج[/01]

[أم الـغـالـي]

ههههههههه أم أسما بتزيغوووونه ؟ لول وين يخافون هاييل يخوفون بلد لول

[منى الحمادي]

هههههههههههههه ضحكتوني

[أم الـغـالـي]

ههههه ريانه بس داخله تضحكين يالله طلعي طلعي السوالف ؟

[صدى حنيني]

[01]لي عودة للموضوع [/01]

[!! بدوية !!]

[12]بـنـت الأيـاويـد[/12]
سلامتج سلامه عيل!! اشوا انج ماكلتي السمجة والا جان انتي في خبر كان الحين:1 (54):

[03]*أم اسمـــا*[/03]
عيل مسويه عمرج فتوّه؟؟؟انتي وبنت عمج!!!
اقول لو رد عليكن البنغالي وانتن اتزيغنه !!!شو بتسون؟؟ والبقعة مهجورة؟؟
عاد خلي اسما تسلك سلكج..وتلوف العزب المهجورة.

[01]ريــانـــ العــود ــــة[/01]
هلا والله ...ماعندج ذكريات؟؟القاج مريتي بدون ماتذكرين شي عن الطفوله!!والا كنتي من الأطفال الهاديييييين اللي لا لهم ولا عليهم؟

[08]صدى حنيني[/08]
:1 (60): اتريا عودتج

عاد الحين بخبركن سالفه من سوالف الطفوله:
كان سمي وموتي السبوح مادانيييييييييييييه يوم انا صغيره!!
احس انه قطعه من العذاب!!
اول شي لانه يلهيني عن اللعب :22 (8):
وثاني لانه بعده سحاي شعر!!وهذا امر وادهى:1 (19):
وثالث لان الصابون يحرق عيوني
ورابع لان امي كانت اتروغني لين اتزخني واتسبحني بعد الضرب والتنكيل..:12 (84):

كان واحد من احلام حياتي انه يلدغني دبي (الدبور الأصفر)
كل اخواني يلدغهم الا انا!!!
والحمد لله :12 (14): في يوم كنت في المزرعه العب تحت شجرة فيها عش دبابير وماشفته!!
يريت الغصن اللي فيه العش بدون مادري!!
والله لايراوييييكم صفيت ب 8لدغات وحده فيهم على شفايفي!! اتخيلو المنظر عاد!
وكان شكلي يهلك من الضحك بس كانت اختي اللي اكبر عني توهها ماخذه درس في الدين عن عدم الشماته والضحك على الناس...فكانت اتيود عمرها بالغصب كل ماتشوفني!!!

ومره كنت اوايج في مزرعه عدال بيتنا وعمال يشتغلون فيها ..يبنون..
وسفت ريس احمررر مستوي زين (حد ايسميه اصبار) واشتهيته
وعاينت المكان قبل لا انقز على اليدار وقلت في نفسي ...بسيييييط، بسرعه برد ارقى وبطلع على طول
ونقزت !!واكتشفت المصييبه ان اليدار وااااايد عود ،طاحت جبدي من النطه...
وخليت الريس والغنايم اللي جدامي . ..كان اكبر همي كيف اطلع من المزرعه بدون مايشوفوني العمال
(طبعا هم شافوني بس لبسوني)وتميت امشي شوي شوي لين وصلت طرف اليدار الثاني اللي مندفن نصه وطلعت الحمد لله....:12 (28):

كنت في صف ثاني احاول اصوم واصلي (امحق صوم و صلاه) فكنت اسهر عشان اصلي الفجر!!
وافرش السيادة غرب صح!!بس جدام التلفزيون عن لايفوتني الفلم اللي في التلفزيون!!
فلكم ان تتخيلو كم يطول الوقوف بعد الركوع على حسب المشهد اللي جدامي لين ايخلص..والكم ان تتخيلو مقصر السجود عن لايفوتني شي!! اقولكم امحق صلاة!!1:1 (67):




بكمل عقب ماشوف مشاركاتكن....

[التــووح]

ام اسما هههههههههههههههههههههههههههههههههههههههههههههههههه ههههههههههه والله ضحكتيني

والله انكن طماااشه خخخخخ

بنت الاياااويد .. تستاهلين السلامه خخخخخ زين مارحت فيها غربالله بلييسج


الميااانه.. تسلمين عالموضوع الحلو :1 (8):
فدييتهم والله اخوانج الصغار

[!! بدوية !!]

هلا ملااايييين ب
[03]التووح[/03] :22 (6):
مشكوره عالمرور وحابين انعرف انا والجماعة شي من سوالفج التووحيه :22 (27):

[الدانه]

ههاهاهاااااااااااااااااااي والله ضحكت ع سواااالفكم ,,,,,


عاد انا أذكر يوم كنت صف ثاني ابتدائي تقريباً ,,

كان اكرة شي عندي الوااجب كنت دووم ابا اخلص بسرعه عشان اسير ألعب ,,

المهم مرة من المرات والله ما ادري كيف كنت افكر ,,خخخخخخخ صدق غببببببببببببببيه ,,

وانا واخوية كنا نشوف رسوم ,, وكانت الحلقة عن القلم السريع وهذا القلم أونه يخليج تكتبين بسرعه

وتحلين الواجب بسرعه المهم عاد انا واخوية اتأثرنا وايد وأونه حصلنا حل لمشكلتنا ,,

اتريت ابويه واماية لين ما رقدوا ,,

والظهر أنا واخوية ,, اتفقنا نسير ندور على القلم سريع>>>> واااافشلتاااه اسمينا كنا فضيييحة

>>> المهم وطلعنا سرنا الدكان أحيد كنا نراكض بدون نعال


هاهاهاهااااااي المهم سألت الهندي عندك القلم السريع جان يقول الهندي : شووووووه

يحليله انصدم ,, يتحرناه شردنا من مستشفى المجانين ,,

عاد أخويه اكبر عني ,, جان يقول انا انا بفهمة انتي ما تعرفين ,,

وتم يقولة القلم السريع اللي يخلينا نكتب بسرعه ,, والهندي يحليله ابتلش فينا ,,


قاعد يقوول ,,: بابا انته شو يقول انا ما عندي شي ياله روووح ياله ,,

جان يروغنا من الدكااان ,,

وانا واخوية ما سكتنا شوحنا على الدكان الثاااني كان بعيد ,, شوية

وسرنا ونفس القصة ,, اتخيلوا سرنا 4 دكاكين وكل دكان ابعد عن الثاني ,,

قاعدين نشوح ما خلينا مكان ما سرناه وكل ما نسير يضحكون علينا ويروغنا واحنا أونه معصبين

نبااااه يعني نبااااااااه ,,, اهاهاهاهاها وحاشرين الدنيا القلم السريع والقلم السريييييع ,,


هههههههههههههههههه والله يوم اتذكر تجيسني ضحكة وامووووت على عمريه


اسمييييينا صدق كنا أغبياء ,, ألحين أخوية يشتغل يوم اذكرة يضحك ع عمرة ضحكككككككك ,,


وعندي سواااااااااااااااااالف واااااااااايد ومغاامرات ,,,

[رعبوبة العين]

ههههههههههههههههههههههههههههههههههههههه >>مت من الضحك
ولي عوده مره أخرى ان شاء الله

[!! بدوية !!]

[16]الدانه[/16]
خخخخخخخ
ضحكتيني والله ... ماشاالله عليكم اظني طفتو علي نص البلاد اتدورون هالمعجزه.....مخ
انا كنت اكتب الواجب اول مارد وبعدني بلباس المدرسه...(ساعاااات) بس ماشاالله عليّه دايما قبل لا أرقد بعشر دقايق اتذكر كل الواجب اللي خذناه :1 (21):
واكتبه ابا مابا وعيوني مب مساعدتني ماشوف من الرقاد ..
واسهر عاد لين تالي الليل...والصبح ارقد في الحمام:1 (21):

[04]رعبوبة العين [/04]
مشكورة رعبوبة على المرور واتريا مشاركتج.....

[عالية المقـام]

مابا اقفط انزين ..

بس الموضوع مكرر انا منزلتنه قبل ههههههههههههههههههههههههههههههههههههههه ..

لي عودة بعد وبقووولكن سوالفي ^_^

[عالية المقـام]

انا من شطارتي كانوا يعطووووونا نسخ الدرس كامل .. ويوم الاولاد اللي في صفنا يعصبون بالابله كانت تخلينا نحن البنات بعد ننسخ وياهم الدرس مرتين ولا ثلاث ..

وشوفن القهر .. كله منهم ننسخ الدرس ..

ولاني انا اتملل بسرعه .. كنت انسخ الدرس كامل .. بس ما حط الحركات ..

اخليهم وعقب اقوووول لابويه ولا امايه يحطولي الحركات ( الضمه والكسره والفتحه والشده ) ..

شوفن كيف انا شاطره ..

انسخ والنقش عليهم هههههههههههههههههههههههههههههههههه