طلق صناعي

**الجوهرة المصونة** · 2008-06-09, 00:35

السلام عليكم بنات
اختي حامل و طاف موعد ولادتها و المستشفى عطوها موعد يوم الاحد الياي عشان ابرة طلق
وهي عندها 2 وهذا الثالث ما شاء الله
وما تعرف شي هنها
ودقتلي اليوم تسألني و انا بعد ما اعرف شي عنها
ودورت في النت و ما حصلت وايد
بس اريد اعرف هي تكون في الظهر؟؟؟
وهل تاخذ فترة لين يبدا مفعولها؟؟؟
وهل هي اصعب من الطلق العادي؟؟؟
و السموحة منكم

المزيد من آخر المواضيع من نفس القسم:

**المـــها** · 2008-06-09, 00:38

اختي في نوعين نوع تحاميل ونوع سائل يخلونه في الوريد مع المغذي ..بس ان شاء الله تربي وماتحتاج للصناعي ...وهي اصعب من الطلع العادي لان الويع يكوووون اكثر ...

**حنان العالم** · 2008-06-09, 01:19

الله يسهل عليها ... وتقوم بالسلامه انشالله

**moongirl** · 2008-06-09, 10:04

فيه نوعين الابر فالظهر هاي وايد قويه وتاثيرها قوي
والثانيه يحطونها مع الجلكوز انا عطوني هنتين في ولادتي السابقه وما فاد
خلها تمشي وسوي تمارين الولاده عشان ينزل البيبي فالحوض وتبدا التقلصات
ممكن تسال الدكتوره والله ييسرلها

**شموع 03** · 2008-06-09, 11:19

مثل ما قالوا الخوات هي نوعين وحدة تحاميل وحدة ابرة احطونها في الوريد، التحاميل يستخدمونها اذا كانت النفس بعدها منفتحت اما اللي في الوريد اذا كانت النفس مفتوحة ومافي طلق .

انا اعطوني ايها في ولاتي الثانية لانه كانت عندي النفس مفتوحة 5 سانتي بس ما في ويع والحمدالله من عطوني ايها خلال ساعتين ربيت .

والله اسهل عليها ان شاء الله .

**أشواق333** · 2008-06-09, 11:22

اعتقد تكون مالمة اكثر من الطبيعى ..
حاولى تخلى اختج تمشي والمشي مفيد ينزل البيبي تحت,,
ويسهل ولادتها..

ادعولى.

أشواق333

**فطمطم** · 2008-06-09, 11:56

الله ايسهل عليها ان شاءالله

**الجوهرة المصونة** · 2008-06-09, 15:05

مشكورات خواتي ما قصرتن
بدقلها اليوم و بخبرها
والله يسهل
وتربي بدونها
يا رب

الموضوع: طلق صناعي

أدوات الموضوع

عرض