بنت ربيعتي..........!!! ساعدوها

[خدويا]

السلام عليكم ...


ابا حل لمشكله بنت ربيعتي ..

بنت ربيعتي عمرها 4 شهور ونص اوكي وياها اسهال فضيع من شهر ونص

واسهالها ايييييييها اكثر من اربع مرات ف اليوم بس هالمره كليوم اجيسها

اسهال والله حرام زغنوطه وربي يحفظها المهم

وربيعتي ماخلت شي ماسوت لها ودتها المستشفيات والعيادات والمطاوعه بس ماكو فايده

وهي مثل ماهي وهي لاحظت عليها هالاسهال الفضيع من بعد التطعيم

واربيعتي ماتعرف شوتسووووووي شو اتاكلها واحينه انا ابا خبراتهم يا البنات

وبلييييييز اي وحده اتعرف عياده او مستشفى حق الاطفال اوكي وزين خبروني

دلووني عليه وترا اهي من راك

بس عطوها حل لتوقف هالاسهال والله اهي تعبانه نفسيا واتشوف بنتها جي..

وشو الاكل المناسب حق اليهال ف هالعمر وضروووووووووووووري..

وهاي بنتها اللي كانت تترياها من بعد سنين والله تتعب لما اتشوفها جي

ربي يحفظها ويخليييييييييلها لها ولريلها ..

ساعدووووووها بليز ويزاكم الله خير

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خدويا]

حرام عليكم يا بنات ردو علي.. يحليلها يالسه اترمسني واتصيح شواسوي فيها

انا ماعندي اي خبرررررررررررررررررررررره..والله يتقطع قلبي جيييييييي


والله حاولت ادورلها حل ف النت مالقيت مع انها اترضعهاااااا بس الحال مثل ماهو

قلتلها لاتحاتييييييييييييييييييييين هالشي يستوي حق اليهال من للي قريته ف النت بس اهي

اقول ماروم اشوف بنتي جي والله ..


ساعدوني اريحها الله يخلييييييييييكم .. ردو ولو بدعوة حق بنتها ..

[أم الشيخ سعيد]

يا حليلها

والله ما عندي حل بس ودوها عند عادل المطاوع اللي في الشارجه

[بحيرة المحبة]

اختي انصحكم بالقرفه اغليها مع الماءخليها تبرد مايمنع انك تحطي شوي سكر معاه حتى شربيها بلمعقه والله يشفيها ويطمن قلبكم عليها

[poison]

ماتشوف شر انشالله
انا سمعت انه هذا فيروس الاسهال طالع حق اليهال ولهم تطعيم عنه بعد
اعرف عيادة استشاري اطفال يعطون هالتطعيم بس فبوظبي اذا تبينها
الله يشفي بنتج ويعافيها

[غروب11]

ما تشوف شر الغاليه .... بس اذا كانت تعطيها حليب صناعي لازم توقفه فورا وتعتمد ع الطبيعي
وبعد تييب العيش المصري وتغليييه زين طبعا بعد ما تغسله زيييين.....بعدين تعطي البنت الماي ماله بس ... هاي الوصفه من دكتورة وان شاء الله ما عليها شر

[Style Bébé]

للاسف ماعندي فكرة
بسس حبيت ارفع الموضوع

الله يشفيها يارب ويبعد عن الجميع الامراض والهموم والمشاكل
والله يوفق الجميع ان شاء الله

[ضي عيني]

صغيره وحليلها الله يشافيها

[! المزيونه !]

خلها تحطلها شوية نشا ويا ماي وتشربها

وبطرشلج رقم دكتور احمد اللي في عيادة مطاوع وخلها تسأله وهو بيخبرها شو تعطيها

والله يشفيها ان شاء الله

[خدويا]

تسلموون خواااااااتي ع هالردود اللي اتبرد الفوااااد بخبرها احييييييييييييييينه..

وشوكرن ويزاكم الله خيررررررر..

والله يشفييييييييييييييييييييييييها ياربيييييييي

[شوااقي]

الله يشفيهاا ياارب ,,

وخليهاا تعطيهاا روب ,, اناا ولديه يوم ايه اسهاال ماشي ينفعه غير الروب وكله من الله الحمدالله ع كل حاال ,,

[ام اريامي]

موفقه

[whitecode]

الموز يسبب الامساك بس ماادري اذا يناسب عمرها اولا
الله يحفضها ويخليها الي امها

[MiSs waT EveR]

الله يشفيها انشاالله ..... خلي اتوديها عند دكتور قيس في مركز نادية الطبي ومثل ما قالت الاخت غروب11 تعطيها من ماي الرز وااايد زين حق الاسهال وخلي تعطيها سوائل عشان ما يصيبها جفاف

[ميرة الامارات]

هلا اختي..

اول شي اذا كانت البنت ترضع صناعي غيري حليبها الى حليب خالي من اللاكتوز من نفس الماركه..واذا مالقت بتحصل وايد ماركات ..لانه السكر في الحليب يزيد الاسهال اما اذا خالي اللاكتوز يعني مافيه سكر..طبعا تعطي البنت في فتره الاسهال وبعدين ترجع على حليبها..

ثاني شي لازم تعوضها بسوائل وايد عصاير وماي وشوربات...ابتعدي عن الكوسا والبرتقال واي اكل يحتوي على السكر..لانه يزيد الاسهال..

تسوي لها عيش مصري وتشربها الماي..تعطيها بطاطا مسلوقه...علشان يوقف الاسهال..

اما اذا ما وقف الاسهال لازم توديها المستشفى تجنبا للجفاف..

والله يعافيها