خطة يديدة وحلوة للنادي ..

**صدى حنيني** · 2006-02-13, 23:44

السلام عليكم ورحمة الله وبركاته ..

الغاليات نبا اراؤكم في هالاقتراح ..

الاقتراح هو يا طويلات العمر ان لو نكتب المشكلات اللي تتعرض لها المرأة الاماراتية او الاسرة الاماراتيه ونعين لنا مندوبات و يكون في تعاون بينا وبين اذاعات محلية مثل بوراشد واستديو واحد .. طبعاً نكون مناقشين القضية عدل وحالينها ومرتبينها صح ونعرضها عليهم وهم طبعاً يقرونها ويعرضونها للجهات المعنية ..

او حتى لو نحن نمر بمشكلات بنعرضها عليهم ليش لأ ..

بس لازم العضوة تكون جريئة وعندها اسلوب في الكلام ..

ونحتاج لمتحدثات باسم النادي .. يعني اللي تشوف نفسها قد المسؤولية ياليت تتكرم وتتبرع ..
بس في البداية نبا العضوة نسير لمبنى الاذاعة اذا تقدر وتتكلم وياهم باسم النادي وتقوللهم اهدافنا شو .. وإنا حريصين كل الحرص على نقل كل مشاكل الاسرة الاماراتية ..

وهم طبعا مثل ماقلت يوصلونها للجهات المختصة ..

وعقب مب مشكلة نقدر نتواصل وياهم عن طريق الهاتف او البريد او الفاكس وانا عندي استعداد اسوي الاخيرات لاني بصراحة ما قدر اوصلهم لاني ما دلهم ..

وفي النهاية نحن نسعى لتقديم المساعدة للشعب وحل كل مشاكلهم اللي يواجهونا واقل شيء نسويه ان نوصل المشكله للمعنيين ..

والهدف الثاني اعلاء نادي سيدات الامارات في سماء الامارات ...

فشو رايكم واقتراحاتكم ..

طبعا المشاركة للجميييييع عضوات ومشرفات ..

تعالوا اخبار الامارات بعد يسون شغل !!! اممم بتصل بهم باجر وبرمسهم وعاد شدوا حيلكم وما نبا خيال ومستحا خاصة اذا كنا نساعد الغير ..

والله يولينا العافية ..

المزيد من آخر المواضيع من نفس القسم:

**عالية المقـام** · 2006-02-13, 23:54

صدوي الفكره عجييييييييييييييييييبه .!!

بس يبالها تطبيق عاد

وشي حلووووو ان نحن اللي نبدا بها ..

شدن حييييييييييييييييلكن والله يوفجكن

**صدى حنيني** · 2006-02-13, 23:57

علووووي ادري انها عجيبة بس نبااااااا متحدثات باسم النادي ..

**أم الـغـالـي** · 2006-02-14, 00:21

هلا صدوي تسلمين على هذا الاقتراح الفكره حلوه ولو كنت حرة وعلى قولتهم سيدة نفسي كنت بكون أول وحده تروح

عادي برمس لكن المشكله ان ريلي مستحيل يرضى اني اروح المبنى واكلمهم

واذا في اي شي اقدر اساعد فيه انا حاضره وما يردكم الا كيبوردكم

**عالية المقـام** · 2006-02-14, 00:23

صدوي شو مهنتج انتي ؟! ..

[01]يالله شدي حيلج وسيري[/01]

**صدى حنيني** · 2006-02-14, 00:24

تسلمين يا بنت الاياويد وماتقصرين قصيرة فديتج .. ان شاءالله نلقى متحدثات بسرعة ..

**صدى حنيني** · 2006-02-14, 00:25

عالية المقام والله بودي اسير لكن المشكلة مادلهم وشيء ثاني ماعندي حد يوديني ومستحيل يخلوني اصك عيمان ولا بوظبي بروحي

ولا والله اني مستعدة اسير

**مــــيره دبــي** · 2006-02-14, 00:25

ماشاء الله عليج يا (( صــــداااوي))

بصراااحه فكره .. بتخدم الكل.. وبتهل علينا بالأجـــــــــــر..

[11]بس.. عااااااد منــوا هالجريئه اللي بتتكلم بأسم النادي...؟؟؟[/11]

للأمـــــــــــــــــــــام دائمـــــــــــاً

**عالية المقـام** · 2006-02-14, 00:27

جان بالتيلفوووون بنرمس ..

بس سيره ما ظنتي

**صدى حنيني** · 2006-02-14, 00:30

ميرة ان شاءالله بنلقى وحدة تسير .. اميييييييين يارب ..واذا كلش كلش مالقينا بنتصل بهم وبنحشرهم خخخخخخخ

**ظبية بوظبي** · 2006-02-14, 03:14

الفكره واااايد حلوه بس يبالها وحده جريئه هي اللي تتكلم بإسم المنتدى

**دبيّه** · 2006-02-14, 07:41

اقتراح حلو بس , أختكم مالها لسان

ومب جريئه, والله يبارك في المسجات وsms.

**منى الحمادي** · 2006-02-14, 08:02

تبغي لهاتفكير

يعطيج العافية

**نبضة قلب** · 2006-02-14, 08:22

الفكره قويه وكبيره ويبغيلها تحرك
هم ما عندهم ايميلات ليش موكل وحده تتصل الاذاعه الي في منطقتها اوذات صوت مسموع وسمعه جيده وتاخذ ايميلاتهم او بريدهم
ونراسلهم

**أم أحمد** · 2006-02-14, 11:46

مرحبا خواتي

طبعا صعب إنه نلاقي متحدثة جريئة لجميع الأسباب التي ذكرتوها

والفكرة مثل ما قالن الخوات يبالها تفكير ودراسة

وفكرة الإيميلات أوكي وممكن نراسلهم رسمي من الإيميل الرسمي لإدارة النادي

وإذا توفرت المتحدثة الجريئة طبعا لازم يتوفر فيها :

1- متحدثة لبقة
2- ملمة برسالة ورؤية وأهداف النادي
3-ملمة بالقضيةأو المشكلة المراد طرحها

وهمتكن يا بنات زايد

الموضوع: خطة يديدة وحلوة للنادي ..

أدوات الموضوع

عرض

خطة يديدة وحلوة للنادي ..

المزيد من آخر المواضيع من نفس القسم:

المواضيع المتشابهه

عطورات يديدة وحلوة

بغيت صور نقشات حنا يديدة وحلوة وبسيطة

تعرفون أحد يبيع فساتين يديدة وحلوة