طفل ضايع

**مرت المهيري** · 2008-06-03, 13:28

السلام عليكم بنات اسمعو هالسالفة
انا دوم اسير جمعية كارفور اللي في بوظبي وامس من التعب قلت بسير اسواق الامارات اللي في منطقة الشوامخ لانها اقرب عليه عقب ما خلصت من الجمعية كنت واقفه اتريا الهندي يحط الاغراض في السيارة فجأة اكتشفت ياهل يمشي ورايه في نص الشارع استغربت اقول الحين حد من اهله بيشوفه اشوفه كمل ويصفق وحالته حاله عقب شليته وطلع ما شاء الله عليه يجنن ومستوي طماطه من الحر حبيته وسالته اقوله وين ماما يقولي في السيارة طلع عربي بس ما اعرف سوري او لبناني يمكن عمره سنتين ومسكين توه يتكلم ولا افهم شو يقول شليته وديته عند الجمعية واتريا حد يشوفني وما حصلت حد سرت قعدته في السيارة واتصلت في الشرطة وبلغت وقالوا لي بنشوف اذا في حد امبلغ عنه وبنرد عليج وعقب عطيته عصير وحلاوة مب طايع لا ياكل ولا يشرب وعقب قلت بوديه مرة ثانية الجمعية شفت وحدة عربية مع بناتها اقول ان شاء الله تطلع امهاشوفها عادي مب مهتمه وفجاة اشوف وحدة يايه صوبي ميته من الروع وطلعت امه حضنته وتمت تصيح مسكينة صيحتني معاها تقولي من ساعة يدورون عليه كسرت خاطري لا واللي ضحكني اكثر اخته اللي اكبر عنه يمكن عمرها اربع سنوات على طول حضنته وتحبه وعقب تضربه على صبوعه وتتحرطم عليه لانه خوفهم مساكين والله كنت اتمنى اني احصل امه بسرعة عشان ترتاح يوم تشوفه ويا امهات تحملوا على عيالكم ربطوهم بحبل يوم بتسيرون الجمعية اموت في اليهال وعقب سالت امه عن اسمه قالت لي اسمه وســــام ويا ابوه وتم يشكرني قلت لهم الحمدلله على سلامته وخلصت الحتوته... ادعوا لي انه الله يرزقني بولد يكون مثل زوجي خلّقا و خُلقاً آميين

المزيد من آخر المواضيع من نفس القسم:

**ام حمدة الحلوة** · 2008-06-03, 13:34

الله يرزقج بولد يكون مثل زوجج خلّقا و خُلقاً .................

**ام هجوري** · 2008-06-03, 13:35

الله يرزقج بولد خلقه القران
وجزاك الله خيرا

**دلوعة_راك** · 2008-06-03, 13:36

يزاج الله الف خير وان شاء الله في ميزان حسناتج ويرزقج ولد صالح وبار بوالديه

**um-khalifa** · 2008-06-03, 13:37

حليله الصغيروني يوم انا طاح في ايدج ..... الله يرزقج بلي فبالج ياااااااااااارب

وحمدلله ع سلامته ولا تنسين اتبلغين الشرطه ان هله كانوا مضيعين الياهل وحصلوووووووووووه

ويزاج الله الف خير على الي سويته (( ارحموا من في الارض يرحمكم من في السماء ))

**ام حمده** · 2008-06-03, 13:37

الله يرزقج بولد يكون مثل زوجج خلّقا و خُلقاً .................

**الفارسة** · 2008-06-03, 13:39

يزاج الله خير غناتي و كثر الله من أمثاااااااااالج ..

الله يعوض عليج بالولد الصااالح ان شا الله ..

**um hind** · 2008-06-03, 13:39

الله يرزقج بولد يكون مثل زوجج خلّقا و خُلقاً .................

**(NADA)** · 2008-06-03, 13:40

يزاج الله خير الغاليه

وياما شفت يهال ضايعين في السوق بسبب اهمال الاهل اتشوفين الام والابو في صوب والياهل بروحه في صوب اتقولين مب ولدهم .. والله انا يوم اخذ ويايه بنت اختي ماخليها اتخطي عني خطوه وحده من خوفي عليها اخليها لازقه فيني وين ماسير وعيني ماشلها عنها بس شو نقول الناس مب كلها واحد .

والله يرزقني ويرزقج ويرزق كل محرومه الذريه الصالحه ياااااااااااااااااااااااااااارب

**الرزينـــــــه** · 2008-06-03, 13:40

الله يرزقج بولد يكون مثل زوجج خلّقا و خُلقاً

**rozee** · 2008-06-03, 13:40

لالالالالالالالالالالالالالالالالالالالالاحول

**ام حمد ..** · 2008-06-03, 13:43

الله يرزقج بولد يكون مثل زوجج خلّقا و خُلقاً ومن حفظة كتاب الله

**مرت المهيري** · 2008-06-03, 13:45

مشكورات خواتي .. رجعت اتصل في الشرطة وقلت لهم اني حصلت امه

**"أم عبدالله"** · 2008-06-03, 13:46

الله يرزقج بالذرية الصالحه يارب ...

ويرزق كل محروم ان شاء الله ....

**daloo3a** · 2008-06-03, 14:02

يزاج الله الف خير وان شاء الله في ميزان حسناتج ويرزقج ولد صالح وبار بوالديه

الموضوع: طفل ضايع

أدوات الموضوع

عرض

طفل ضايع

المزيد من آخر المواضيع من نفس القسم:

المواضيع المتشابهه

حصلت ع شي ضايع

فستاني ضايع

تيلفوني ضايع