طلقني

[الكـ دلوعة ــون]

الله يكون في عونج حبيبتي ويفرج همج انشاءالله
انا راي غناتي تخلينة صدقيني بروحة بيراجع عمرة وبيشوف انه غلطان وبييه يوم يحتاجج فيه وخلي اهلج يتفاهمون وياه
وبنات الشوارع هدامات لبيوت وايد الله يبعدهم عن دربكم ان شاءالله ويردلج ريلج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماسة شرجاويه]

الله يهديه ويسهل لج امورج اختي

[حرمة]

لا حول ولا قوة الا بالله

[هجوري الجوري]

لا حول ولا قوه إلا بالله
الله يكون في عونج الغلا
والله يساااعدج

[ياقوته]

الله يعينج اختي

بس لازم تخبرين اهلج
السالفه ما تسوى انه يطلقج طلقه اولى
والله مب حلوه منه

والله يسهل امورج حبوبه

[عطر فواح-6]

الله يصلح بينكم يارب

[ميثه 2000]

السلام عليكم ورحمة الله وبركاته


من أمس وأنا قاعده في غرفتي ومو مستوعبه السالفه ليش وحق شو ما أعرف ريلي طلقني طلقه وحده مو قاده أستوعب المهم بتقولون ليش


الله يسلمكم لاني شفته قاعد على النت وداش الشات ويسولف مع اللي تسوى واللي ما تسوى

ودخلت غرفت امي وفصلت الواير لس مثل ما يسمونه وقبل هذا قايلي ما اتفصلين عاااااااااااااااااري حق عرس اخوج انا قلت له اذا عاري الحرمه بتحطيلي دانتييييل بس هو ما اقتنع جنه كان يدور سبب



ما أعرف شو أسوي وياه وقالي ليش تفصلين النت وقام يبا يرفع ايده طبعا انا ماخليته قام إيقولي كلام مايليق بأم عياله كلام أنا ما توقعت يقولي وطلقني طلقه وبعدين قالي الحين خلي ولد عمج ياخذج لان قبل 6سنوات يا ولد عمي وخطبني انا رفضت ووافقت على بوعيالي

ياربي موعارفه شو أسوي سااااعودني شو اسوي وكيف اتصرف أنا كان بإمكاني أسامحه بس جرحني بكلامه الغير لاإق معايه


شو اسوي في هل الحاله طلقني طلقه


أرجوووكم ردوا عليه



ردوا ولا بموت من القهر

اختي انا مع الخوات لازم حد يعرف لانها الطلقه الاولى ولازم يعرف الريال مب منييه والدرب ايقولج ع ولد عمج هالكلام لج بعديين هذاك شي ماضى.....

لا تسكنييين عليه ولا تطلعين من البيت خليج فيه وعرفيه حقوقج وعرفيه حقوقه ... والله اليكون في عونج,,,,,,,,,,,

[دلع دويه]

الله يكون بعونج


ويهدي ريلج ان شاالله

[uae_9009]

الغالية لا تفكري في الطلاق

كان خذتي الامر بسلاسة و ما سحبتي الواير

ادري كنتي في حالة غضب و هو بعد

بس ان شاء الله تتفاهمين وياااه

و لا تفكرين ابدا في الطلاق

فكري في مستقبل عيالج

الله يسهل عليج و يوفقج

[seemaa2022]

لا تتطلعين من البيت و كلمي أبوكي أو حد من رجال العايلة يبهدلونه.
بصراحة مرة ابني على الكمبيوتر جالس و شلت أنا الواير عن الجهاز ابني جلس يصارخ ساعة و ينافخ هذا ولدي فكيف زوجش.
انتي غلطانه ما كان لازم تسوين شدي يعني مو بهذه الطريقة وهو ردة فعله قوية
طولي بالك بتتصلح الأمور يا رب
و عليكي عزيزتي بالدعاء

[النهديه]

الله يهدي زوجج ويندم ويرجعلج

[بـــدور]

هذا شكله يبي سبب

خليه بيراجع نفسه ومرده هو بيرجع بنفسه دام انتي ماغلطتي بشي

والله ان شاءالله يصلح اللي بينكم

ويردكم مثل اول واحسن

الله معاج

[مهـرة]

إيجابيات كثيره تتحقق بإلتزام الزوجه الصمت عند غضب الزوج .

فسماعك لكلمات لا تسرك من قبل الزوج ..ليست نهاية العالم...
فالزوجة الذكية التي تستطيع تحويل الغضب الى رضى!

وبييبلج بعض الحلول والنصايح ..

لي عودة

والله يلم شملكم ان شاء الله

[شوكلت]

يعني كشفتيه ويضربج بعد !!!! صج فوق شينه قواة عينه لا تسكتين خلي ريال يتدخل يوقفه عند حده ويعرف ان وراج حد

[نوف_دبى]

لاحول ولا قوة إلا بالله العلي العظيم
الله يصلح حالج ويا ريلج ويهدي سركم ويهديكم الى ما يحب ويرضى