حبوب الـduphaston

**ZoOyA** · 2008-05-23, 04:13

السلام عليكم

بنات أنا في بداية الشهر الثالث وصار لي نزيف ولما راجعت الطبيبة وصفت لي حبوب الدوفستون بس قالت لي إن هذا الدوا ما ينعطى في المستشفى الحكومي وإن لازم تشترينه من برع ، قلت لها إن شاء الله بدون ما أفكر ليش هذا الدوا ما ينصرف من المستشفى ، وأنا كنت قارية من قبل إن هذا الدوا غير مثبت علميا ولا معترف فيه في تثبيت الحمل ، لكني اشتريته عشاني خايفة من النزيف ، وقلت خلني أسوي بحث عنه في النت وتفاجأت إنه ممنوع في أمريكا على الحوامل أو حتى الي مشتبه في حملهن ، وإن له آثار جانبية مب طيبة ع الجنين ...

ادري إنه وايدات منكن جربنه وبفضل الله ما صار شيء بس هذا ما يعني إن الدوا للحوامل آمن ..

الي تحب تتأكد تدش على هذا الرابط :

http://www.doctorndtv.com/FAQ/detailfaq.asp?id=11234

بصراحة أحس بتأنيب الضمير لو خذت الدوا ، وأحس بنفس الشعور لو تركته ..

ما أدري شو أسوي ..

الله المستعان ..

المزيد من آخر المواضيع من نفس القسم:

**QlaYeD** · 2008-05-23, 04:44

هالدوا يوصفونه لج المستشفيات الحكوميه لرخص سعره
وبالعكس المستشفى يعطونج اياه هذي غلطانه يوم قالت المستشفى مايصرف لج هالدوا
لكن لوتروحين عياده خاصه شي اللي افضل عنه ومفعوله افضل
انا كنت استخدمه بحملي والصراحه ماادري اذا سبب مضاعافات للجنين ولالا لاني اجهظت بالشهر السادس

بس على حد علمي ان هذا يثبت الحمل واذا عندج افرازات يوقفها بس مااعرف اذا يخص النزيف ولالا
والله يثبت حملج يااختي وتسلمين عالنصيحه

**863a_mEnY** · 2008-05-23, 04:49

ماعندي اي خلفيه بس حبيت ارفع الموضوع ..
ومن راايي روحي لكذا دكتوره اتكوون معروفه

**فطمطم** · 2008-05-23, 07:23

االغاليه هذا مثبت ليش خايفه
تووكلي على الله

**dxb banker** · 2008-05-23, 07:55

وانا بعد استعمله وفالبداية كنت خايفة ولكن توكلت على الله وخذته
وسعره 68.50 درهم

**دبي** · 2008-05-23, 11:28

أنا استخدمته بثلاث حملاتي لأني قبل تعرضت للإسقاط ووقف عندي النزيف ، ويوم راويت الوصفه للدكتوره في المستشفى الحكومي رجعت وصفتلي إياه وقالت لي استمري عليه لين الشهر الرابع

**اسعد تعيسه** · 2008-05-23, 18:49

هذا مثبت اختي
ماله اضرار على الجنين

الموضوع: حبوب الـduphaston

أدوات الموضوع

عرض

حبوب الـduphaston

المزيد من آخر المواضيع من نفس القسم:

المواضيع المتشابهه

بليز عياده جلديه :( .. حبوب حبوب حبوب

حبوب بيرميلوت نور ونزول دم منو منكن ياخذ حبوب توقف الدوره

حبوب الخميره او حبوب الصينيه لتنفيخ الويهه<<

حبوب حبوب وايد مضايجه منهموبقع بنيه

عندي سؤال عن حبوب منع الحمل الي هي حبوب الياسمين