أبا أساافر =(

**Um Athoob** · 2008-05-21, 10:01

هلا خواتي شحالكن؟؟؟

حابه أسأل، فيه وحده منكن سافرت وبحملها الأول لدولة آسيوية يعني تيلسين في الطيارة 8/9 ساعات ...

خاطري أسافر مع ريلي بس هو خايف يقولي أول حمل لج وراح تتعبين وأنا ودي أسافر معاه

والحمد لله أنا والبيبي تمام

حابه أشوف رايكم!!!

المزيد من آخر المواضيع من نفس القسم:

**لك القرار** · 2008-05-21, 10:19

على حسب مده الحمل اذا كنتي معديه الثالث ممكن بس لازم اتحاسبي على عمرج يعني ما تمشين لمسافه طويله لازم اتريحين وتحاولين انج ترفعين ريولج بعد كل طلعه اما اذا مب مكمله الثالث فيفضل لا لانه في خطوره عليج وعلى الجنين ..........بس انتي اسألي دكتورتج عشان ترتاحين اكثر

**MISS SHJ** · 2008-05-21, 11:14

أفضل شي تسيرين عند الدكتورة وهي تقرر اذا حالتج تسمح او لا

والله يسهل عليج

**غلا بن شامس** · 2008-05-21, 11:22

الوالده سافرت لما كانت حامل بأخويه لأمريكا وهي بالشهر الثالث كانت مضطره تسافر بسبب عملية اختي الصغيره
والحمدلله طلع مثل القمر
لكن انصحج تشاورين الدكتوره
لان يلست الطياره متعبه خاصه 8 ساعات واكثر
الله يسهل عليج

**أم رشودي وعبادي** · 2008-05-21, 11:29

مرحبا:
لو كان الحمل طبيعي وما فيه مشاكل أنا أفضل أنه يكون السفر بعد الشهر الثالث مثل ما قالت الأخت لك القرار قبل سنتين تقريبا سافرت بانكوك مع ريلي وكنت في الشهر الخامس طبعا أول شي رحت مستشفى الوصل وسألت الدكتوره فقالت لي عادي تسافرين إذا ما تحسين بأي ألم أو تعب ..............
في مطار دبي شافتني المسؤوله عن الطيران التايلندي هناك وسألتني إنتي فأي شهر قلتلها الخامس وقفتني وراحت تسأل إذا بالإمكان أسافر ولا لأ فعطوها الموافقه ,,,,,,,,,,, المهم في الطياره تعبت من اليلسه وكنت كل ساعه أنش وأمشي شويه في الطياره أو أوقف وحاولت إني ما أشرب سوائل وايد عاشان ماأروح الحمام كل شوي وطلعت روحي لين ما وصلنا من الساعه 11-8 وأول ما وصلنا سيده على الشبريه وركدت ولا أدري بشي
والسموحه على الإطاله

**فروله حمرا** · 2008-05-21, 12:06

انامن رأيي استشيري الدكتوره اواخصائيه واسموحه اختيه

**قايده الغزلان** · 2008-05-21, 12:14

بما انه اول حمل لج حاولي تحافظين عليه وتريحين نفسج

انا اول حمل لي وكنا حاجزين على النمسا والمانيا ومن عرفت اني حامل كنسلت كل شي مع انه الدكتورة قالتلي تقدرين اتسافرين شهر 8 بس الوحدة ما تضمن يعني لو تعبت وانا مسافرة شو بستفيد

فانت شاوري دكتورج افضل لانه ادرى بحالتج

**فريج العيايز** · 2008-05-21, 12:17

الغالية شاوري الدكتورة,,

وان شاء الله ما يصير الآ كل خير

**Om 7aMda** · 2008-05-21, 12:24

البارحة سألت الدكتورة لأني انا بعد بسافر ..
قالت السفر بحد ذاته والطيارة مووول ما تشكل خطر
بس اللي يخافون منه تجلط الدم
عشان جي يقولون لازم تتحركين كل ساعتين ولاترقدين طول السفر

يعني عاااادي بس حاسبي ع عمرج ,,

ومثل ما قالوا اذا حاسه انج بتتعبين لاتسيرين .. والقرار لج

**زوجه الياسي** · 2008-05-21, 12:28

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

**Um Athoob** · 2008-05-21, 15:31

شكرا خواتي وما تقصروون ^_^

وأنا بنهاية شهوري تقريبا باجي لي 3 شهور إن شاء الله دعواتكم

الموضوع: أبا أساافر =(

أدوات الموضوع

عرض

أبا أساافر =(

المزيد من آخر المواضيع من نفس القسم: