فنادق بانكوك

**lovely-reem** · 2008-05-20, 19:05

حبيباتي.........
بليز ساعدوني شو احسن فندق في بانكوك و يكون جريب من المولات و المطاعم يعني مكانه يكون حيوي....ويكون فخم و نظيف وسعره معقول ....

وبسالكم بانكوك زينة ولا... اخاف اتكون وصخة وفيها اماكن للسياحة هاي اول سفرة لي هناك...والمشكلة قوم امي بسيرون ويانا ....ما اباهم يتلعوزون هناكي والوالد يحب الطبيعة والكشتة...

ردوا علي بليييييييزززززززز...

المزيد من آخر المواضيع من نفس القسم:

**شوق عبود9** · 2008-05-20, 19:29

مرحبا الغالية
إذا كنت تردين تسكنين بالحي العربي فيه فندق بيل إير برينسس بس شوي بعيد ب3 دقايق مشي للسوق و المطاعم أما فندق أماري بوليفارد نظيف و راقي و معظم إلي فيه خليجيين و بوسط السوق و قريب من المطاعم الحلال و العربية بانكوك حلوة فيها أماكن وايد سياحية إذا تبين الطبيعة روحوا شنغماي بصراحة رووووووووووووعة و بعد فيها مراكز و حدائق و شلالات و طبيعة تجنن و عندي المزيد و المزيد بس حددي لي شو تبين بالضبط و أنا حاضرة و الله يوفقكم في السفرة و يردكم بالسلامة و سامحيني عالقصور.

**RO's** · 2008-05-20, 20:07

مرحبا اختي...

أنا سافرت بانكوك تقريبا من ٣ سنوات... سكنا في رويال ميريديان عن طريق الإمارات للعطلات...

الفندق راقي وفخم بعيد عن منطقه العرب اللي تستوي فيها الفضايح....

بانكوك تنفع للسوق مب للطبيعه مب مثل شنغماي.. وغير عن السوق الناس يسيرولها يسوون فحوصات....

تحياتي

Ro's

**al3asal** · 2008-05-20, 20:19

فندق برزدنت سوليتير وايد راقي ونظيف وجريب من الاسواق
والمطاعم والفندق على نظام شقق فندقيه .. والفندق يسوي
رحلات اذا تبون .. وبانكوك حلوه وناسه حق المشاري واذا
تبين الطبيعه سيري الجزر

**ماما سنفوره** · 2008-05-21, 01:28

مرحبا من الفنادق الموجوده وجريبه من منطقة العرب والمطاعم العريبه بل اير برنسس ورويال بنجه وعندج جي دبليو ماريوت بس على الجهه الثانيه واماري بوليفارد ومجابلنه السوبر ماركت ولاند مارك ورويال ماجستك واذا بغيتي جريب من المولات انتر كنتنتال وعن السياحه عندج الحدايق سفاري بارك ودريم وورك وحديقه ماذاكرتها بس اذا عندج عيال وايد بيستانسون في الحدايق مالتهم ولي متعود على المنطقه مايحس انه غريب فيها واحلا مافيها الشبنج هههههه

**عصفورة77** · 2008-05-21, 08:46

مرحبا الغاليه... بانكوك فيها فنادق راقيه مثل لاند مارك و اماري بليفرد و ماريوت الفنادق كلها في فريج العرب جريب من المطاعم العربيه وسنتر اصغير اسمه ربنسون وفي فندق اماري وترقت في السوق تقريبا مافي حذاله مطاعم عربيه

**بنت الديوان** · 2008-05-21, 10:37

مرحبا الغاليه بانكوك حلوه الاسواق احلى لاتفوتين اسواق البتونام ,MBK,السوق الصيني احلى فندق بن بن قراند برزدنسس نظام شقق.....
رحله سعيد ان شالله اذا اي شيء تحتاجينه انا حاضر لاني 4 مرات رايحه تايلند

**أم عبادي77** · 2008-05-21, 11:20

عندج فندق زنث الصراحه وايد حلو وكل الموجودين فيه عرب والفندق مافيه أزعاج والطاقم لي فيه معظمهم يتكلمون اللغه العربيه وهو بجانب المطاعم العربيه وعداله كل ليه تبغينه

**&المزيونه&** · 2008-05-21, 11:39

البنات ماقصروا ... احنا الصراحه حاجزين ف رويال بنجه ... يمدحووووونه

**حزينة زايد** · 2008-05-21, 13:25

انا بنصحج انج ما اتسيرين فندق زينت جربته العام صراحه مب شي تسمعين اصوات الغرب لي احذالج غير انه كان فيه صيانه وما طاعوا يبدلون الغرفه و ممنوع ادخلين اكل وياج للغرفه يعني بتيبين اكل من برع اكليه في المطعم مالهم وادفعي فلوس بعد بس ميزته فالحي العربي وقريب من المستشفى الامريكي يعني مشي 3 دقايق والمطاعم امجابلتنج في نفس الشارع اما عن بقيه الفنادق ما عندي فكره

**um maria** · 2008-05-21, 16:15

الصراحه بانكوك حلوه وشرحه بس ماعرف شويعيب العرب اللي يسكنون في فريج العرب كجره ويلوع بالجبد وببلاش مااسكن فيه وصخ احلى فندق انتركونتننتال في نص المراكز ماتحتاجين تاكسي عشان تتنقلين امسوبن جدامه الجسر المعلق ويوصلج لكل السناتر ومقابل المركز ماكدونالد واطلبي اي وقت وان شاالله تطبخين مايقولون شي وفي الاستقبال في موظفين عرب وخلف الفندق في سوبرماركت كبير اسمه بك سى ويتكون من عدة طوابق وفيه مطاعم ومحلات حلوه والسموحه

**بنت الاحمدي** · 2008-05-21, 18:33

قوة اختى عندخ فندق زيننت وامارى ورحله سعيدة

**غرنوجة العين** · 2008-05-21, 22:30

كلام الأخوات صح عن الفنادق
بس داخل بانكوك ماشي طبيعه ويمن اللي يروحلها اول مره يحس انها وصخه
بس للتسوق المراكز روعه
وعندج فحي العرب منطقة ( نانا) تراه محلات التقليد 4 محلات
طبعا فريده علي وحفيظ و ورده
وواحد ما اذكره جدام مطعم مروش
والطبيعه عشان اهلج انصحج بشنجماي

والله يوفقكم فرحلتكم ويرجعكم بالسلامه انشالله

**غــــاية** · 2008-05-21, 23:33

أماري بوليفارد

رويال بنجــا

لاند مارك

**الأمل المشرق** · 2008-05-21, 23:48

في بانكوك انصحج تسيرين فندق ماجستيك جراند بصراحة فندق راقي وشرح وقريب من المنطقة والمطاعم العربية وانصج تسيرين حديقة الحيوانات و مدينة الالعاب دريم لاند علشان يستانسون اليهال اما اذاتبغين الطبيعة احجزي من هناك طياره عن طريق السياحه ف بانكوك و رورحي شنجماي.

الموضوع: فنادق بانكوك

أدوات الموضوع

عرض