عطوني طريقة أعقل فيه ولدي ..

[%الغاوية%]

مرحباااااااااااااااااا خواتي الغاليات :

مابطول عليكن عندي ولد عمرة 2 ونصف وما أعرف كييييييييييف أتعامل ويااااه
حياااته كل صراااااااااااااااااااخ وأزعااااج والله أني مضايقة من هذا الشي
وأكثـــــــــــــــــر شي يضرب أخته الاصغر عنه وااااايد يضربها قد ما أقدر أقعد وياااه أكثر عن أخته علشان مايغااااااااااااااار بس نفس الشي.. طلع الشيييييب قبل أوااااااااانه
هههههههههههههههههههههههههه خخخخخخخخخخخخخخخخخخخخخخ
ساااااعدوني الله يخليكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[راوية الاحزان]

الحال من بعضه والله الله يعينا

[شموع3]

الغالية أنا بعد عندي ولد نفس حال ولدج بس ما يتضارب مع النونوه اللي عندي يتضارب مع أخوه اللي أكبرعنه بس اللي يالسه اسويه معاه هو إذا صرخ أسكت عنه إلين ما يسكت عقب أقوله يوم بتتكلم عدل معاي بسمعك ,,, ترى اليهال أفهم منا صدقوني... إشتريله لعبة البيت أو السيارة مالت الجارج وخليه يلتهي معاها بيهدا وايد والمكعبات بعد والكور.... وعن أخته دايما يوم بتشوفينه ملتهي في أي شي قوليله أختك تصيح تباك... جربي

[عمر_المحبة]

فدووته ...الله يخليه لج ان شاء الله .. كل الاولاد اشقيى ههههههه


سوي اللي قالته الاخت شموع

[%الغاوية%]

اله يعطيج ألف عاااافية على ردج لي ياأختي شموع
بتبع الطريق وإنشاالله ينفع معاه
ومشكوره ياأختي عمر المحبة على ردج الطيب

[حنان العالم]

ولله الحال من بعضه كلنا نعاني من نفس المشكله

[أم_سواف]

انا من متابعين super nanny..بعطيج من تجاربي وي عيالي

انا كان ولدي سيف مصدر رعب للجميع ..ما يخلي حد في حاله..بس تراها فتره و تعدي عقب يهدى

1. اهم شي تجاهلي صراخه و لا كن فيه حد يصارخ لانه هو يالس يختبرج ..يشوف هو بياخذ الي يباه بالصراخ او لا
2. لا تصارخين عليه و كوني قدوه له قد ما تقدرين ..تراه الصغاريه يقلدونا
3. لا لا لا لا تضربينه مووووووووووليه
4. انزلي لمستواه و رمسيه و عينج في عينه ..قولي له لا حبيبي ..الشاطر ما يضرب..الضرب يعور ..اختك بيبي.. و من هذا الكلام..لا تقولين ولدي ما يفهم ..مره على مره حتى بتشوفينه هو يكمل عنج
5. اذا سو شي زين امدحيه و خليه ينتفخ ..عطيه هديه..
6. خليه ينفعج مثلا .. اكل اختك ..هات الها كلينكس ..و طبعا عقب شاااااااااااااااااااااااااااطر النفاع
7. لازم تلهينه ..يمكن الولد ملان و عشان جذيه يتشيطن..انا ولدي يختل وي السيارات
8. العبي وياه و جددي..استمتعي بالعب وياه تراهم يحسون
9. اذا سو شي غلط و قلتيله انا زعلانه بيحس بج ..خاصه لو كنتي تلعبين وياه
10. ما شي مثل التلوين وايد يهدي الياهل
11. اقري له قصه .. و مكن تألفين قصه مشابه لسلوكه..مثلا قصه الولد الشيطان الي يضرب اخته
12. اشتري له هدايا مغلفه ..و قولي له عشلن انت ما ضربت اختك
13. انا حليا اذا غلط ولدي اشله و اصك عليه الحجره ثواني ..عقب افتح له و اقول له اعتذر .. و اقول السلوك الفلاني غلط علشان جذيه حطيتك اهنيه

[الجازي2010]

سوبر ناني بتفيدج واااااااااااايد واهم شي اذا تم يصارخ طنشي لين يسكت عقب فهميه

بس اتجنبي الضرب