كيف تكسب البنت صداقة أمها؟

**أم الـغـالـي** · 2006-02-09, 15:31

السلام عليكم ورحمة الله وبركاته

كيف الحال بنات وحرمات ؟؟ عزيزاتي أحب أجمع بعض المعلومات اللي ممكن تفيد بنت أختي في كسب صداقة أمها .. وبنت أختي عمرها الحين تقريبا 13 سنه .. فممكن تقترحون علي طرق ونقاط ممكن تنفذها البنت لتكسب صداقة أمها ... والله أتمنى أنهم يكونن صديقات مب عدايل لأني تمنيت هذا الشي لنفسي وما حصلته ..

بارك الله فيكم

المزيد من آخر المواضيع من نفس القسم:

**صدى حنيني** · 2006-02-09, 15:50

الله يكون في العون ..
وايدات يعانون من هالشيء الام تكون بعيده عن البنت ومايكون من بينهم شيء اللهم البيت اللي يسكنون فيه بس ..
ان شاءالله الخوات اللي مروا بهالتجربه يساعدونج ..

**أم الـغـالـي** · 2006-02-09, 16:04

تسلمييين صدوووي فديتج بس ما عندج اي اقتراحات ؟؟

**رعبوبة العين** · 2006-02-09, 18:22

ممممممممممممممممم>>والله
ماادري من المفروووووووض انج ترمسين اختج عشان تقرب حق البنت
مممممم>>ماادري شو اقولج لان أنا مش فاهمه شو بظبط >>البنت بعيده عن امها ولا العكس

**أم الـغـالـي** · 2006-02-09, 23:42

لا الغاليه انا ابي البنت هي اللي تكتسب صداقة امها مب الام لأن الام نحن كلمناها هي ما تشوف انها تعاملها باسلوب غلط والبنت تحس ان امها ما تعاملها عدل ..
فقلت بدل ما اكلم الام والوقت يضيع ليش ما احاول مع البنت ؟
كيف ممكن تحاول البنت تكتسب امها كصديقه وليست كأم تأمر وتنهي ..

وشكرا لكم

**الدانه** · 2006-02-11, 22:47

أنا أشوف ,,

ان الازم البنت تسمع كلام امها ,, وفي نفس الوقت هي اللي تبدأ تتقرب وتبني العلاقة ,,

مثلاَ,, تبدأ تصارحها بمشكله من المشاكل الدراسية بطريقة تبين حرص البينه لراي امها ونصيحتها ,,

تحااول تتفدا امها ودوم تشكرها ع فضل الأم ,,

تحاول تبوسها ع راسها قبل ما تسير ترقد ,, هالشي يكسر الحاجز الصلب اللي بين الأم والبنت ,,

والبنية دووم تكوون حنونه ودلوعه ,, خلي بنت اختج دوم تتلزق في امها ترى مهما يكون قلب الام يحن ,

يعني بدل ما الام تأمر وتنهي ممكن تتحاور مع البنت ,, لأان البنت في سن مراهقة وتحتاج لصداقة الأم اكثر

من أي وقت ثاني ,,,,

وان شاء الله اكون افدتج ,,

**أم الـغـالـي** · 2006-02-11, 23:32

مشكوره فديتج الدانه على النقاط المذكوره باذن الله بشوف بنت اختي بتفق معاها انها تطبقها

بس مشكله ثانيه بما ان البنت تعودت على الطبع اللي هي عليه حاليا بيكون عليها صعب انها تغيره وتستمر على الجديد

فشو تقترحوون نسوي علشان نشجعها بالاستمرار ؟

**الدانه** · 2006-02-11, 23:39

فديتج ,, خليها تبدأ بالتدريج ,,

وقوليلها بالنتايج ,,

قوليلها ان راح يتغير الحال وامها راح تصير دووم معاها وتصير صديقتها ,,

يمكن تتشجع وتستمر ,,

**أم الـغـالـي** · 2006-02-11, 23:41

الله يغير من حالهم للأحسن شكرا الدانه وخلنا نطبق ما ذكرت آنفا هذه الفتره ونشوف النتيجه

**الدلووعة** · 2006-02-13, 16:35

الله يعين البنات الي بعاد عنامهاتهم

الصراحة اهم شي الام في الدنيا ورضاها بعد رضا رب العالمين طبعا
بس انا دووم احس بنعمة والحمدلله
الكل يحسدني ويتمنى يكون مكاني
انا امي الله يخليها لي في قمممممة الروعة الله يحفظها

طبعا كل يوم اول ماقوم من النوم لازم اصبح عليها ومثل ما قلت ماماتي شرطية يعني تطلع الدوام من وقت ممم لااااااااازم ابوس راسها واحضنها

ولما ارجع اللبيت او اطلع لازم ابوسها او احب راسها واقولها تبين شي

وفي الليل لازم اروح عندها واضمها واقولها تصبحين علي خير
وفي اليوم تقريبا مرتين او ثلاث مرات اسالها((ماما انتِ راضية علي))

وتخيلواا هذا كلللللللللل يووم
واذا ياايوم وحسيت انها انشغلت عني او ما شفتها او افتقدها لازم اطرش لها مسج

واذا حسيت بضيق اسير بحضنها واقول((ماما ابا حنان)) طبعا ماتقصر تظل تبوسني وتحضني وتقرقطني وتضحكني مع اني اكون صايحة بس لما اطلع من عندها احس براحة
ولما تصلي اسير اقعد عند ريولها لحد ما تخلص واقولها ادعيلي واحط راسي على ريلها

واحب اطلع معاها ولما تسوق امسك ايدها واحط ايدي على ايدها
ولما نطلع امسك عبايتها مع اني مش صغيرة انا يعني كبرت على هالسوالف
وخواتي الي اصغر مني تعلموا هالشي مني
ووايد ناس يقولون لعيالهم تعلموا او ياريت عيالي مثلكم يعني يسون شراتكم
وانا ماشاءالله علي محاضرات للربع يسموني مصلحة اجتماعية دوم اقولهم واذكرهم بحقوق امهاتهم
ولو تسمعون قصصهم والله قلبي يعورني عليهم في بنات يزعلون على امهاتهم شهور تخيلوا والله انا في نعمة ويارب لا تزيلها عني وخلها تدووم علي

وعلى فكرة البس مرات على ذوقها يعني لو سرت مكان او محل ابا ملابس او شنطة او ذهب حتى لو كان بخاطري ماخذة اخذ الي هي تبا والبس عشانها وتقول احب تلبسين شي انا اختارة او شي بنوتي ما يناسب سني على قولتها هههه
شوي حب على دلع على انوثة وممممممممممممممم وانا امووت في الدلع مو انا دلووعة ماما وبابا هههه

لدرجة ابوي يغار مني ههههههههههههههههه والله
هذا الي اسوية والحمدلله الوالدة راضية

واسمحولي

**النرجس** · 2006-02-23, 23:06

صح لسانج اختي

المشاركة الأصلية كتبت بواسطة الدانه

أنا أشوف ,,

ان الازم البنت تسمع كلام امها ,, وفي نفس الوقت هي اللي تبدأ تتقرب وتبني العلاقة ,,

مثلاَ,, تبدأ تصارحها بمشكله من المشاكل الدراسية بطريقة تبين حرص البينه لراي امها ونصيحتها ,,

تحااول تتفدا امها ودوم تشكرها ع فضل الأم ,,

تحاول تبوسها ع راسها قبل ما تسير ترقد ,, هالشي يكسر الحاجز الصلب اللي بين الأم والبنت ,,

والبنية دووم تكوون حنونه ودلوعه ,, خلي بنت اختج دوم تتلزق في امها ترى مهما يكون قلب الام يحن ,

يعني بدل ما الام تأمر وتنهي ممكن تتحاور مع البنت ,, لأان البنت في سن مراهقة وتحتاج لصداقة الأم اكثر

من أي وقت ثاني ,,,,

وان شاء الله اكون افدتج ,,

**بنت الاصول** · 2006-03-10, 12:53

تسلميين حبيبتي (( بنت الأياويد ))

الموضوع: كيف تكسب البنت صداقة أمها؟

أدوات الموضوع

عرض

كيف تكسب البنت صداقة أمها؟

المزيد من آخر المواضيع من نفس القسم:

المواضيع المتشابهه

البنت و أمها مطقمين مغربي ما شاء الله و الله فكرة رووعة

صداقة النساء -- صداقة الرجال

][[ ‡§‡ ]][ إذا كانت صورة البنت هكذا! إذن فكيف هي صورة أمها؟ ][[ ‡ §‡ ]